قناة خطباء المنبر الحسيني للقصائد

#طور_التغريد_الحزين
#بنات_الحسين ع




خُلْصَت ذَبحة الوليان .. وزينب تصفق الكفّين
ونار اتوَجّرَت بخيام .. وخيول القوم إجِت صوبين


بنات حسين صاحنّ صوت .. يعمّه السّاع إلحقينه
إجه السّلّاب والثاني .. يِسِب يشتم تره بينه
وبسياطه يألمنّه .. اخذينه لعد والينه
نوصل للنّهر قوة .. نراوي الكافل المتنين


وطفلة رَكضت من الخوف .. بعبايتها تِشب نيران
شافَت من بُعد فارس .. يريد يسَلب النسوان
وطفلة تعين أخيتها .. ترفعها عن التّربان
وحُرمه اتدوّر اليا امكان .. محتارة تروح الوين


🖊خادمة أبي الفضل

#محرم ١٤٤١
#طور مفجع خويه وحده من اليتامى
#بنات الحسين ع يستغثنا بالعباس ع:


يركض الظالم ورايا
وانا انشد يبوفاضل
أرجف و مرعوبه أجري
ومدمعي مني يسايل
سوطه ع متوني تِعده
ورايحه لصوبك يا كافل
امن العطش ذبلت كِبدتي
و الظمه بقليبي شاعل•


وصلت الطفله بعطشها
وشافت كفوف القطيعه
وشافت الرايه رميّه
ويمها جثه هم صريعه
صرخَت لعَمَتها جَتها
ها يعمه اش هالفجعيه
حزني انت لو متدري
ودمعي عالوجنة يسايل•

#ماذا صنعت زينب ع :

قامت تركب اوصاله
وفاتحه تقرأ تِطوفه
نوبه تحكي وي زنوده
ونوبه تمسحها كفوفه
صعبه زينبنا الحنونه
تمشي عنه وهم تعوفه
بس اجاها هالدعيه
يهدد اباكر هوازل•


🖊خادمة ابي الفضل