#محرم_١٤٤٥#طور_بحراني#الوصول_الى_كربلاء#وصول السيدة زينب ع إلى أرض كربلاء
حَار المُهرْ بِيهُم وِقف واحْتار ابو الأكبر
شِنهي إسِمْها هَالبَلد كَرْب .. وَبَلَه .. وَمَنْحَر
#اشنادى الحسين روحي فداه:
نَزلُوا المَحامِلْ والخِيم روحو اِنْصُبوها
زينب قلُبْها إنْخِمَشْ.. بالله تصَبْروها
#تدري مولاتك بأخبار كربلاء ، من حديث جدها وأمها وأبيها علي:
ابْعاشِر تِودِّعِني امْنَروح واتقَبّل ابْصَدري
وشِمر الظّبابي اتْعايِنه لَيّه يِحِزّ نَحْري
تنادي تِخَلّيلي الوِلي وبْرِمْحَه يِدْفَعْها
ويِتبَسّم ويرجَعْ بعد وبْسُوطَه يِضْربها
رُوحْ لإخِتنه يالگمر وبْهيبَه نزّلها
بيدَك يَراعي المَرْجَله هِيّه وَمَحامِلْها
# شو يخاطبها بوفاضل
عِذْريني لُو مِني ابْنَهَر طاحَت إلي الكَفّين
وشِمْر وخُوَلَّه وْحَرْمَلَه ابسُوطَه على المَتْنِين
بِعْيوني عُوفِيلي السَّهَم يا امْدَلَّلَة عباس
ما أقدَر اتْحَمَّلْ أَشُوف تُنْظُرْ إِلِكْ ارجاس
عِذْريني لُو ذَبُّوا التُّراب بِعيونِك وطِحْتي
إِلْحَك أَخِيتَك بُو الفَضِل مَضْروبه لوصِحْتي
ابْسُوطَه اللّئيم اعلى المَتِن يِضرب "إلِي صحتي"
🖊خادمة أبي الفضل
