قناة خطباء المنبر الحسيني للقصائد

#أبو_ذيات
#لسان_حال_السيدة_زينب_ عليها السلام



هضم وجروح بيّه  / لاحمتني
حسافه بسوطه الظالم  / لاح متني
انا الناديت اخُوتي  / لا حِمتني
ضحاية اعله الثرى البيهم حميّه


🖊خادمة أبي الفضل

#ولادة الرسول الأكرم ص
#أبو_ذيات



فاز التابع لنهجك  // ولا مال
بإسمك يلهج لسانه  // ولا مال
بيوم ال لا ولد ينفع //   ولا مال
وحبك ظل فرض من الله ليّه


نبينه دوی لكل علّه  //  وطيبه
وعلى كل الخلق عطره // وطيبه
ظلمه من قبل مكه  //  وطيبه
بنور المصطفی صارت بهيّه

خادمة أبي الفضل


محمد الهج بأسمك  // واعيده
ابارك يوم ميلادك // وعيده
الباري ماشمل مسلم // وعيده ( الوعيد )
اليحب المصطفی وحيدر اخيّه



بصلاة اعلی النبي الهادي //  بدينه
محفلنه . او  ورد نحمل // بدينه
محمد ختم كل مُرسَل //  بدينه
عليه دايم صلاتن سرمديه

ام محمد الحجاج

#أبو ذيات
#لسان حال السيدة زينب ع




يخوتي ابكربله اتطشر  .. شمِلنه
وإحنه الهظم من باكر .. شمَلنه
بعد حسين بالدنيه .. شملنه
بعد يا أمل بالطف ظل اليّه


مرار العيش من بعدك  .. ولا طاب
وجرح متني يخي لسه .. ولا طاب
كلها اتهون يبن امي  .. ولا طب
بالديوان انا وبنتك رقيّه


🖊خادمة أبي الفضل

#أبو ذيات
#لسان حال السيدة زينب ع ومرورها على اجساد الشهداء



نظرات الشّماته حيل .. مُرات
وعليّ إتأشر العدوان .. مرات
وساع اعلهزل يَمّك .. مريت
تمنِيت برمح راسي علسمهريه


🖊خادمة أبي الفضل

#أبو ذيات
#لسان حال السيدة زينب ع




يخوتي ابكربله اتطشر  .. شمِلنه
وإحنه الهظم من باكر .. شمَلنه
بعد حسين بالدنيه .. شملنه
بعد يا أمل بالطف ظل اليّه


مرار العيش من بعدك  .. ولا طاب
وجرح متني يخي لسه .. ولا طاب
كلها اتهون يبن امي  .. ولا طب
بالديوان انا وبنتك رقيّه


🖊خادمة أبي الفضل

#أبو ذيات
#لسان حال السيدة زينب ع ومرورها على اجساد الشهداء



نظرات الشّماته حيل .. مُرات
وعليّ إتأشر العدوان .. مرات
وساع اعلهزل يَمّك .. مريت
تمنِيت برمح راسي علسمهريه


🖊خادمة أبي الفضل

#شهادة السيدة الزهراء ع
#أبو ذيات



أوننً والجسم ناحل  وداعي
يحيدر لودنت ساعت  وداعي
بسواد الليل ادفني  وداعي
بفدك وبمحسن وبالجره عليه


مصايب فاطمة عظامي بدنها
وأشوف البيت صار أظلم بدنها
وحين الغسلت بيدي بدنها
كسر گلبي كسر ضلع الزچيه


يمن فضلك ملى الدنيا وسدها
ويمهدم حصن خيبر وسدها
بلحدها فاطمة بهيدة وسدها
وعلي لا تلچم ضلوع الزچيه

(منقول)

#أبو ذيات

الليلة جمعة مولاي ياصاحب الزمان روحي فداك .. .. ..


على الزهره مدامعنه .. نسلهه
يمهدي سيوفنه يمته .. نسلهه
ياجمعة التمر يظهر .. نسلهه
ويدلينه على گبر الزچية


المصيبه هاي مانحمل .. وزرها
غدت ماتنزر جروحي .. وازرها
متى يصبح ضريح الهه .. وزرها (وازورها )
والزم بابهه بثنين اديّه

أم محمد الحجاج

#أبو_ذيات
#لسان_حال_السيدة_زينب ع



حنيني عليك خويه / ما سِليته
وما خَلّيت طارش / ما سَليته ( أساله)
قلبي الليله يَمّك / ماسي ليته
ونشف اجروحك بشيلة رقية


🖊خادمة أبي الفضل

#أبو_ذيات
#١٥_شعبان_ولادة_الإمام المهدي



وحق الطاف بيت الله / وحجه
يمهدينه العدل انته / وحُجه
إجيتك لايذ بدمعه/ و حاجه
الشفاعه من امك الزهره الزكيّه


🖊خادمة أبي الفضل

#أبو_ذيات
#١٥_شعبان_ولادة_الإمام_المهدي عج



سمعت إسمك وانه بصغري / ومهدي
إمام الكل إنس راعي / و مهدي
علي مولاي من مثلي / ومهدي
الهم بالولايه حق عليّه


🖊خادمة أبي الفضل

#أبو_ذيات
#١٥_شعبان _ولادة_الإمام_المهدي عج



سمعت إسمك وانه بصغري / ومهدي
إمام الكل إنس راعي / و مهدي
علي مولاي من مثلي / ومهدي
الهم بالولايه حق عليّه


🖊خادمة أبي الفضل

#أبو_ذيات
#حال السيدة زينب ع



زماني الطّشر اخواني / بَعَدهم
ولا ساعه الفرح مرّني / بِعدهم
من صغري وانا همي / بعد هم
إنسبيت و زادن احزاني عليّه


ماتت بالعرب نخوه / وانساب
مشيت ومدمعي يطفح / وانساب
بعد خُوتي انضرب ياناس /وانساب
وانه بت الفخر حامي الحميّة


🖊خادمة أبي الفضل

#أبو_ذيات
#مسير_السيدة_زينب ع


دمعتي السالت بخدي / مردها ( وما أردها)
عسه روحي فدو لروحك / مَرِدها ( مااريدها )
ذبحك حيل مأذيهه / مردها
خويه من رحت عنك سبيّه


مشيت بحسرتي وكبدي / وَجع ليك
ودليلي لذبحتك خويه / وج عليك
تمنيتك عدل بعدك / واجي عليك
بيك احتمي من اسياط اميّه


🖊خادمة أبي الفضل