قناة خطباء المنبر الحسيني للقصائد

#أبوذيات

لمولاي الإمام العسكري (عليه السلام)

عيوني اعليك يالمـهدي ترابات
وحزن عاشور بضلوعي ترابات
من طف كــــربله عندي ترابات
خلهـــــن بالگـــبر يوليدي اليه

بس دم يجري بعيوني مظلما
وسهم فگـــدك ابدلّالي مظلما
يبويه اليوم ســـــامرّه مظلما
وعجيبه بالثره اتغـيب الثريه

سيدي ياصاحب الزمان فداك روحي

وسيعه جروحك ومايوم لمّن
واسنينك مـــــرار وضيم لمّن
بقيت اوحيد يالموعـــود لمّن
ادفنت والدك بحجــور المنيه

✍ فراس المحمداوي

#اللهم_عجل_لوليك_الفرج
#العسكري
#الحسن_العسكري

#أبوذيات في استشهاد الإمام #الحسن المجتبى عليه السلام
.
.
عليك الدهر گلبي بحزن ينشد
تگطــع چبــدك وما بعــد ينشـد
اليجي لدارك يخويه وبعد ينشد
يشوف الدار من بعدك خليـــه

حسافه تنچتل يا خوي بالسم
يمن وجهك لعد الجرح بالسم
عگبك ثغري حاشه ابيوم بالسم
وصفن أيامي من بعدك عزيه

جِرَع مِنِّ المَحَن أكبــر سَهمهــــا
وتِغيَّر بالسَمِ ارسومـه سَهمهــــا
اشعدها اعداه واترامِـي سَهمهـا
وتصيب ابنعشه گلب أمه الزچیه
_
#فاطمة_كريم
#الامام_الحسن

#الرسول_الاكرم


#جديد #نعي
استشهاد #النبي الأكرم صلوات الله وسلامه عليه

#أبوذيات
زماني بفرگتك كل هم رواني
وروايات الحزن دهري رواني
عطشت لشوفك وماكو الرواني
أنا اروى لو صرت يمك سويه

أحسب للأجل بعدك وأتاني
حزينه وماكو سهم الما أتاني
إذا موتي قِرَبْ لَيَّه وأتاني
يريت بتربتك أغفى سويه

بدونك عيشتي صعبه ومره
وشِفت الموت مو مره ومره
اعله گلبي سيِّر ابليله ومره
يبويه وشوف شنهو الصار بيه


#نصاري

عليك الصبر ما يجدي ولا صح
يبويه وفرگتك للگلب تذبح
تجرح روحتك يا بويه تجرح
اولا ظن يا حبيبي جرحك ايطيب

تجرح روحتك واعيوني عميه
ميته او لا شفت هاي الرزيه
ألف ويلاه يالرحت امن اديه
ما ظنيت تمشي ابسرعه واتغيب

ما ظنيت تتركني صغيره
واگضي العمر بخلافك ابحيره
آيا بويه يا شيخ العشيره
عليك الگلب آيالمصطفى ايشيب


#مجاريد :

ويلاه يا والد العتره
نعشك من سرى وأصبح بکبره
ماتت عگب عينك الزهره

ماتت يبوها العاشت اوياك
ابظل طيبتك والله وحجاياك
ما تحمل يبوها نار فرگاك

متْعلمه اعله شوفك ليل وانهار
ما تعرف يبو ابراهيم الاكدار
تاليها الوگت يا بوها غدار
ابفگدك چِواها والفگد نار

ظلت بس جسد واتاني البين
ياخذها لترابك يالحنين
واتنام يمك ام الاحسين


طور : #جاوبني_ياعلي ، محمد بو جباره

فجعتني موتتك
ذبحتني فرگتك
ويلي اعله نومتك
يا بويه لا تُروح

أطيب وأحن گلب
تتركني يا عجب
افراگك ترى صعب
يا بويه لا تُروح

چنت أحسب اشكثر
اوياك اقضيِ العمر
تاليها بالگبر
يا بويه لا تُروح

ريت العمر فداك
او لا أبقى من وراك
عمري حزن بلاك
يا بويه لا تُروح

ريت أندفن معاك
واغفى انا بثراك
شنهو العمر سواك
يا بويه لا تُروح
____
تمت بحمد الله تعالى
#فاطمة_كريم
الفاتحة مع الصلوات إلى روح والدي

#شهادة_أمير_المؤمنين
#أبوذيات


اباب الدّار نادت صوت / يهلي
ودَمِعها عالوجِن مدرار / يهلي
بعد ظِلّك أروح لمين و / يهلي ( ياهو لي)

يبويه منين إجت هاي الرزيّه

★★★★★


سمعت الكون ضج كله / وداوي ( له دوي وضجيج)
ودليلي توجر بجمره / وداوي
حسبالي الدوى ينفع / وداوي

جرح راسك يحماي الحميّة

★★★★★


إلك أيتام يبو الحسنين / هامت
وترد للباب تسال علي / ها مات ؟
تدعي يا الهي اتطيّب / هامت (هامة)

بحر الجود والكف السخيّة

★★★★★

نوايب دهري راواني / والك دار ( والاكدار)
اخذ مني الحنينه امي / و إلك دار
ظلمه اديارك بهاليوم / وإلك دار

بمناحه عليك والونّة شجيّة


🖊خادمة أبي الفضل

#محرم
#الاصحاب
#أبوذيات

بقيت انشد من اليرحون ويجون
على الخلو يتيه العگل ويجون
زهير وعابس الأطياب ويجون
اندفنوا لو بگو بالطف رمية


اچفوف الگدر يصحابي لونكم
اعاتبكم اوروحي تون لونكم
تنهضون اوتشوفوني لونكم
وحيد او طاحت العدوان بيه



انخطف لونه الي چان اينور يهلال
او بقه بس جفنه بالدمعات يهلال
صرخ ها ياوهب يزهير يهلال
تره مو من الوفه اتگطعون بيه

#أبوذيات_مسابقة_الشعراء_الأسبوعية

#إبداع_شاعر

◾️◾️

ابنك گعد عد راسك .. وداره ..
على القبلة . وسهر يمّك وداره ..
حسين انذبح واتسلّب .. وداره

بعد النهب حرگوها آل اميّه


1✍🏻 #أم_محمد_الحجاج / العبادي

◾️◾️

((نيران))

مثل جدك الك بالـــڱلب ...نيران
ومثل خيامه دارك تشب ...نيران
ولـﭼن ماتَحـــرڱ العــبي نيران
ولا يسبون الك اي هـــاشميه


2✍🏻 #شاعــرﮪ_زهــراء_الحربي
حسينية الهوئ

◾️◾️

للصادق اگوم اجلال.... واعظام
واگله أكبر مصاب احسين... وأعظم
مارضولك اضلوعك.... والعظام

ولا ظليت مرمي اعله الوطية


3✍🏻 #الحاجة_طيف_الساعدي

◾️◾️

حوار مع لامام الحسين عندما شاهد لامام الصادق النار في داره

مصابك جرحا الدلال ولمن
يجدي بيوم نوك السبي ولمن
حرت لا وين ادير لوجه ولمن
اشاهد ناري ونارك سويه


4✍🏻 #الشاعر_مصطفى_الجوراني

◾️◾️

الصار اعليك يالصادق جاره عليه
حسيني واعضم امصابه جار اعليه
عدوه وسيفه عالمنحر جره عليه
حز راسه واخذ زينب سبيه


5✍🏻 #الشاعرة_ام_حوراء_البركاوي

◾️◾️

يصيح الصادق عيوني مانملها
حسرات الملت روحي مانملها
حرق الجرى بداري مانملها
من اذكر خيام الغاضرية

6✍🏻 #خادمة_ابي_الفضل

◾️◾️

#التجمع_الثقافي_لخدمة_الحسين

🌷 #ولادة_النبي_الأكرم_ص
🌷 #أبوذيات و #هوسات في ولادة رسول الله مُحمّد "صلى الله عليه وآله"


اجتنه وبشّرت نفـرح. رسلنه
بولادة سيّـد وآخــــر. رسلنه
تهاني الفرحة للمهدي. رسلنه
نهنّي المنتظر هاي المسيــه ( صلوات )

ــــــــــــــ 🌷🌷🌷 ـــــــــــــــ

خبر عن مولد الهادي. وردنه
يفوح بعطره هالليله. وردنه
حضرنه بمولده نفرح. وردنه
نشارك بالفرح بنته الزچيـه. ( صلوات )

ــــــــــــــ 🌷🌷🌷 ـــــــــــــــ

مُـحـمّـد ما وصل واحد. لفضله
رسـول وعالبشـر كلـــها. لفضله
ربـنـه بأعـظـم الفــاضه. لفضله
يمدحه بخُلقه وخلاقه السخيه. ( صلوات )

ــــــــــــــ 🌷🌷🌷 ـــــــــــــــ

#هوسات

سُبحـــانـه الإلــه شـصـوّر وابـدع
خلق طه النبي من نوره وتشعشع
من وجه النبي نور وحِسِن يسطع
( نَوّر دنيانه بانواره )

ــــــــــــــ 🌷🌷🌷 ـــــــــــــــ

فجر سابع عشر صار بربيع اوّل
انولد نور الرسول الطاهر الأكمل
من سابـع سمـه الأمـلاك تـتـنـزّل
( تـتـبـرّك بالهادي ونوره )

ــــــــــــــ 🌷🌷🌷 ـــــــــــــــ

مُحمّـد اشرق بوجهه اليشع انوار
حبيب الله الرسـول وهازم الكفّار
لولا المصطفه هـذا الخلق ما صار
( لعيونه الخالق سوّانه )

ــــــــــــــ 🌷🌷🌷 ـــــــــــــــ

واحنـه بمـولـد المختـار فـرحـانيـن
ننصب محفل لراعي الشرع والدين
ويـن الرايـد ينـول الشفـــاعـة ويـن
( خل يفرح بالهادي ويانه )

ــــــــــــــ 🌷🌷🌷 ـــــــــــــــ

👇 خادم سيد الكائنات وحبيب الله مُحمّد "صلى الله عليه وآله"
✍ الشاعر سيد زيد الفحام

#محرم
#أبوذيات عاشورائية


و جرها
شهر عاشور لدمــوعــــــي وجرها
على الحُبهم جزه الشِرعــه وجرها
صدگ زينب شمر شدهـــا وجــرها
بحبل بت فاطمة و حامـي الحمية ؟


1 وجّرها اي اشعلها
2 و أجرها اي مودتهم اجر الرسالة
3 و جرها اي سحبها

#######
وصل ضعن النبـــي للطـــف ورضها
دهر قر بالجــــــرة الفاطـــم ورضها
صدگ داس العدو اضلوعه ورضها
إبنها احسين برض الغاضــــــــــرية


1 ارضها
2 رضّيها بالاقرار بالذنب
3 رض ضلوعه
##########
وسكنه
يريت الگه صعيـد الهــــــــم وَسكنه
لعل بيهِ الدمع يرضـــــــــــى وسكنه
صدگ زينب يضربوهـــــــه وَسكنه
تِصيح الغوث بالنبــــــــــرة الشجية


1 اسكن فيه
2 اسكنه من تسكين الدمع اي انهائه
3 سكينة بنت الحسين عليهما السلام
########
وجبهه
الكفر و الحـگ لهـــم جبهه وجبهه
و ابو اليمـــه التـــزم هدمـه وجبهه
صـــدگ صابـــوا چبد منــه وجبهه
سبط طه النبـــي خيــــــــر البرية ؟

1 جبهة الكفر و الحق
2 مجابهة
3 جبينه

#######

منقول

#أبوذيات
#ميلاد_الإمام_الجواد

أبو جعفــر بنى منهــــج ... و سنه ( السنة )
و إله ثغر الزمـن ضاحك ... و سنه ( السن )
إمــام إتنصـــب إعلــينا ... و سنه ( العمر )
*مثل عمر الورد عمر الشفيه*

هني للحضـــرته مـره ... ذهبها ( الذهاب )
و نسيم الجنه يشتمه ... دهبها ( الهبوب )
هــذا الحـــول الـتربه ... ذهبها ( الذهب )
مثل جده علي حامي الحميه

*يروي في بعض الأخبار بأن الإمام الجواد ( عليه السلام ) حول التراب إلى ذهب ، كما فعل جده أمير المؤمنين*

#مفضل_حبيب السهو

🌷 #ولادة_النبي_الأكرم_ص
🌷 #أبوذيات و #هوسات في ولادة رسول الله مُحمّد "صلى الله عليه وآله"


اجتنه وبشّرت نفـرح. رسلنه
بولادة سيّـد وآخــــر. رسلنه
تهاني الفرحة للمهدي. رسلنه
نهنّي المنتظر هاي المسيــه ( صلوات )

ــــــــــــــ 🌷🌷🌷 ـــــــــــــــ

خبر عن مولد الهادي. وردنه
يفوح بعطره هالليله. وردنه
حضرنه بمولده نفرح. وردنه
نشارك بالفرح بنته الزچيـه. ( صلوات )

ــــــــــــــ 🌷🌷🌷 ـــــــــــــــ

مُـحـمّـد ما وصل واحد. لفضله
رسـول وعالبشـر كلـــها. لفضله
ربـنـه بأعـظـم الفــاضه. لفضله
يمدحه بخُلقه وخلاقه السخيه. ( صلوات )

ــــــــــــــ 🌷🌷🌷 ـــــــــــــــ

#هوسات

سُبحـــانـه الإلــه شـصـوّر وابـدع
خلق طه النبي من نوره وتشعشع
من وجه النبي نور وحِسِن يسطع
( نَوّر دنيانه بانواره )

ــــــــــــــ 🌷🌷🌷 ـــــــــــــــ

فجر سابع عشر صار بربيع اوّل
انولد نور الرسول الطاهر الأكمل
من سابـع سمـه الأمـلاك تـتـنـزّل
( تـتـبـرّك بالهادي ونوره )

ــــــــــــــ 🌷🌷🌷 ـــــــــــــــ

مُحمّـد اشرق بوجهه اليشع انوار
حبيب الله الرسـول وهازم الكفّار
لولا المصطفه هـذا الخلق ما صار
( لعيونه الخالق سوّانه )

ــــــــــــــ 🌷🌷🌷 ـــــــــــــــ

واحنـه بمـولـد المختـار فـرحـانيـن
ننصب محفل لراعي الشرع والدين
ويـن الرايـد ينـول الشفـــاعـة ويـن
( خل يفرح بالهادي ويانه )

ــــــــــــــ 🌷🌷🌷 ـــــــــــــــ

👇 خادم سيد الكائنات وحبيب الله مُحمّد "صلى الله عليه وآله"
✍ الشاعر سيد زيد الفحام