قناة خطباء المنبر الحسيني للقصائد

▪️ كأني بفاطمة الزهراء عليها السلام ذهبت الى قبر ابيها رسول الله صلى الله عليه وآله وسلم تگله....
▪️ #النبي_الأعظم_محمد_ص
▪️ #السيدة_فاطمة_الزهراء_ع
▪️ #طور_الفراق

بويه جيتك
ابجي يم گبرك يغالــي
بويه جيتك
الحــزن بعدك بقالي
بويه جيتك
اگعــد وشوف شجرالي

ـــــــــــــ ◕~◕ ـــــــــــــ

آنه زهرة
ردلي يا بويه التحيــة
آنه زهرة
بضعتــك شفت الاذيــة
آنه زهرة
جيتك ابعيني الرزيــة

ـــــــــــــ ◕~◕ ـــــــــــــ

رد عليه
لاتخلينــي ابحســرتــي
رد عليه
عالوجن تهمـل دمعتــي
رد عليه
بالصدر أحمــل عبرتــي

ـــــــــــــ ◕~◕ ـــــــــــــ

▪️ #طور_الجفيري

آنــه الوديعــة ايتيمتك
مشتاگة حيــل لشوفتــك
ريحة حنــان ابتربتـك
اشتَمّـه و انحب عالگبـر

ـــــــــــــــ ◕~◕ ـــــــــــــــ

هنيــاله بويــه الشافــك
آه يالعفتني اخـلافــك
صـار التــــراب الحافــك
اشتَمّـه و انحب عالگبـر

ـــــــــــــــ ◕~◕ ـــــــــــــــ

اشتَمّه بــي ريحــة هلــي
ماظل لي منكم بس علي
بيت الحزن شيّـد الي
بي ابجـي بلكت انجبــر

ـــــــــــــــ ◕~◕ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

▪️ لسان حال #السيدة_فاطمة_الزهراء_ع مع ضعن الحسين
▪️ #طور_الخضيب

طاحت يتيمة من الضعن
              بيهـــــا محــــد يـــــدره

لكـــن تلگّـاهــا حضـــن
              جــــدّتهــــــا الـــزهــــــرة

حضنتها بدمـوع التصب
              وتگــــلهــــا يــــاحســــرة

لاتلمســي مــنــي الضلــع
              يــــوجــع تــــره كســره

ـــــــــــــ ◕~◕~◕~◕~◕ ـــــــــــــ

▪️ #شعبي

تگلها ياجدّة أنه طـول الوكت وياكــم
من يوم ذبحة والدج ابجي لمبجاكــم
وامشي بهالصحاري آنه عْلى ممشاكم
تهَــيْـــج آلامــي والله سيــاط امــيــة

ـــــــــــــ ◕~◕~◕~◕~◕ ـــــــــــــ

يهيج الالم مـن انظــر طفــل طــاح
ومــن انظــر عليلــي ودمـعــه سفــاح
وزينب راح تصفـگ صـارت بـــراح
على اخوَتهـا البقـوا فــوگ الوطيــة

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم