بار الها عاشقم دیوانه ام
شمع عشقیمدور حسین پروانه ام
عشقیده آزادیدور دیوانه لر
یاندیرا شهپر گرک پروانه لر
ناقصم عشقیمده پر یاندیرماسام
نارسه روشن سوزی آندیر ماسام
خلقتونده بیر محقر بنده ام
ائتمیشم خبط خطا شرمنده ام
اللی ئیلده ایلدیم بی حد گناه
روسیاهم روسیاهم روسیاه
گئچ گناهیمدن به حق فاطمه
قلبیمه دوشمیش شرار حاطمه
قاره می ماه محرم باغلارام
سینه وورام من حسینه اغلارام
حشریده سایماز منی قارداشلاریم
دردیمه بیلم دگر گوز یاشلاریم
گونده بش وقته عبادت ایلرم
امریوه دلدن اطاعت ایلرم
سینه می مین درده اماج ایلمه
سن منی نامرده محتاج ایلمه
باده یارب ارزوئیم گئتمسین
اللریمدن ابروئیم گئتمسین
بیرگونی آخر منیم جانیم چیخار
صبر سرحدین پریشانلق یخار
اوندا امر ایله مقدس یاریمه
جان چخان ساعت گله دیداریمه
صورت رحمانی دوندر قبریمه
عاشقم جانانی گوندر قبریمه
#مناجاتکانال مملواز مداحی ونوحه های دلنشین فارسی وترکی مطالب وپستهای حسینی وار برای دوستداران وعاشقان ائمه اطهار لطفاً با ذکر منبع
@majnoonetam1441