#میلاد_باسعادت_حضرت_علی_اکبر_علیه_السلاممَدینه عَطرِ جان آلدی شَمیمِ زُلفِ اکبردَن
تاپوب نورِ نُبوّت تازه دَن شبهِ پیمبردَن
طلوعِ ماهِ بَطحانی بِشارت وِئردی یَثربدَه
هلالِ هاشمی تا آتدی پَردَه روی اَنوردَن
جَمالیدَن وِلایت مَنزلی آئینه بند اُولدی
بهشتی جلوهء قدرت نمای حُسنِ اکبردَن
مَه و مهر اَقترانیندَن گُوروندی کُوکبِ طالع
بَسیطِ تیره خاک اَفلاکه رَشگ اُولدی بو اَختردَن
آچیب شَهلا گُوزون نازیله تا مَهدِ امامتدَه
آلیب دل بیر نگاهیله خُمارین چشمِ عَبهردَن
سرِ زُلفِ سَمن باری پَریش اُولجاق جَبینین دَه
خَتا مَشگین سالیب قیمتدَن، آلدی جذبه عَنبردَن
تَبسّم خَطّی تا گُورسندی لَعلِ آبداریندَه
آپاردی آب و تاب و جلوه نی یاقوتِ اَحمردَن
دوزولدی قطرهء شَبنم گُلِ رُخسارنه گُویا
تلألؤ اِیلوری اَنجم رَواقِ چرخِ اَخضردَن
دلِ عالم سُروریله دولوب سیرِ جَمالندَن
او دور کُوچ اِیلدی غم فُوجی هر قلبِ مُکدّردَن
مَلائک تَهنیت گُو عَرشدَن فرشه گَلیب صَف صَف
که تاپسین لار ضیای دیده اُول ماهِ مُنوّردَن
دلِ لِیلانی دولدوردی سُرور و بِهجَت و شادی
گُوتورسُون اُولمیوب بیر لَحظه گُوز اُول ماه مَنظردَن
بو سوز اِیلر تَداعی اُوزگه بیر مَطلب خداوندا
او مَطلب شَرحینه شَرمندَه دور هر خامه دَفتردَن
علیّ اکبرین مَیلادی دور لال اُول دِیلیم زیرا
گَلور بوی وداعِ اکبر و لِیلا بو سُوزلردَن
دِیمه نُولدی او گُونکی آیریلوب اکبر آناسندان
که بیر آیتدی مُطلق شُورش و غُوغای مَحشردَن
بو شعری اِرتجالاً لطفِ اکبردَن یازیب
#عابدو گرنه رَنجه دور جُورِ سپهرِ سُفلَه پَروردن
التماس دعای فرج
#زنده_یاد_محمد_عابد_رحمت_الله_علیه
