خرابه شام زبانحال حضرت رقیه (س)
با راس مطهر حضرت
امام حسین (ع)
آهنگ ( اصغریم ای شیرین زبانیم )
✍ حاج علی زلفی
وای منه لبلرون یارادی
وار یری گر ئولم بجادی
اشگیله قوی یویوم دوداقون
وار یقین زخمیوه دوادی
قلبیمی تیر فرقتون یاره ایدوب
حشمتیم گور نه نوعی یغمایه گیدوب
یارالیسان بابا بابا (دوبار)
اشگ تر دیده م اوسته بابا
دیلده وار غم غم اوسته بابا
بی بدن یاره لی قوناقیم
گل آلیم سینم اوسته بابا
سینون اوستونده یاتماقیم عادتیدی
گیچدی گونلر بابا نه خوش عشرتیدی
ی
ارالیسان بابا بابا (دوبار)
قوخموشام خیمه لر یاناندان
خستیم چوللره قاچاندان
رعشه دوشموش تن نحیفه
آت دوشونده منی قوغاندان
زجر دون سیلی وردی رخساره بابا
خار ایدوبدور ایاقلاریم یاره بابا
یارالیسان بابا بابا (دوبار)
نیلورم بو جهانی سن سیز
بیر گولم اولموشام چمن سیز
جان چخار غربت ایلده بابا
بیر هزارم حزین وطن سیز
سن گیدندن قتاله من آغلامیشام
یاسیوی بو خرابه ده ساخلامیشام
یارالیسان بابا بابا (دوبار)
قانلی باشون خرابه یرده
سینمی گور نه گتدی درده
بیرجه یوخ دردیمه تسلی
وار گمانیم بیر آه سرده
قوی اقلا اوپوم باشون یاره سینی
دردیمون بلکه تیز تاپوم چاره سینی
یارالیسان بابا بابا (دوبار)
گیتمه بابا یانیمدا بیر قال
یا که گیتسن بو جانیمی آل
سن یارالی قیزون یارالی
اوتلانان قلبیمه نظر سال
باخما آغلور بو چشم پر نم یارالی
ورمیشام شهر شامه پرچم یارالی
یارالیسان بابا بابا (دوبار)
منزلیم اولدی کنج ویران
غم یمه ای شه لب عطشان
جان چخور کاش اولیدی اکبر
باشیم اوسته آچیدی قرآن
سسلرم اکبر اکبر امداده گله
تا آلا خسته بو سینان گویلی اله
یارالیسان بابا بابا (دوبار)
#خرابه_شام#زبانحال_حضرت_رقیه#با_راس_مطهر_امام_حسین
