انامجنون الحسین(ع)

#هلال_ماه_محرم
#اشاره_ای_به_شهادت_مولی_الکونین
#حضرت_اباعبدالله_الحسین_ع

🖤🖤🖤🖤🖤

خبر وئرون هامی عشاقه ایلیون اعلان

هلال ماه محرم گینه اولوبدی عیان

دولوبدی اشگیله گوزلر اورک دولی غمدی

دیور منادی غیبی گلون محرم دی

@deljooy

دوباره غصه و غم نه سمانی دولدوری

خزان اسوب چمن مصطفانی سولدوردی

آچوبدی باشینی معنا ده حضرت زهرا س

پوزوبدی جنتی آغلور دیلینده واویلا

سپهر غم ده سوزوبدور ستاره ی سحری

ائدوبدی غرق تعب جمله انجم و قمری

@deljooy

هجوم ائدوب غم و محنت خم بلا داشدی

گلوبدی تموجه بحر محن داشوب آشدی

تمام عالم امکانی چولقیوب ماتم

سرشگ غم آخوری دیده لر اولوب پر نم

باتوبدی انس و ملک یاسه انبیاء آغلور

باباسی حضرت طاها یانور اورک داغلور

@deljooy

قرا علم وورلوب جمله کوی و بازاره

خبر یتوب آقاما آغلیان عزاداره

حسین تشنه لبون موسم عزاسی گلور

هاراقولاخ وئریسن یاحسین صداسی گلور

حسینه آغلاماقون آیری بیر حلاوتی وار

بو آیدا زینبینون برملا قیامتی وار

@deljooy

نوای ناله سی دشت بلانی دولدوراجاخ

باخا باخا گوزی اعدا حسینی ئولدوره جاخ

امام عصر دن آللام اجازه بو سوزومه

یازاندابو سوزی ایکاش دولیدی کول گوزومه

اولوبدی عاشری ماه محرمون، شه دین

ییخیلدی ایستی قوم اوسته او سرور کونین

@deljooy

اوزی یارالی سوسوز دوره سین آلوب لشگر

نه واردی قارداشی عباس و نه علی اکبر

هایانا یوز چوورور داش آتان دی نیزه ووران

بیر عده خنجر الینده بیر عده تیر و کمان

«قلج ووران، اوخ آتان، نیزیه گمانی گلن

ووراردی وورماقا گویا ثواب نیتی وار»

@deljooy

بیر اوخ ولی او شهین ایله پوزدی احوالین

دگوبدی قلبینه بر هم ائدوبدی آمالین

دگنده مخزن اسرار حقه اول پیکان

دگوبدی بیربیره گویا تمام کون و مکان

هواده عکس العمل گورسنوب قوپوب طوفان

اولوبدی نقش زمین لنگر زمین و زمان

@deljooy

امیر کون و مکان تا ترابه قویدی یوزون

بهشت عدنیده زهرا آناسی یومدی گوزون

خطرلی یئردی سوزه طول وئرمه سن«دلجو»

نه واردی خامه ده قدرت نه سنده وار نیرو

حسین مصیبتی دریادی یوخدی پایانی

ائدر غریق بو دریای غم هر انسانی

@deljooy

#دلجو
#هلال_ماه_محرم
#گریز_به_قتلگاه
کانال اشعار اصغر گلمحمدی متخلص به (دلجو )
https://telegram.me/deljooy

@deljooy