#السلام(١٢) 🎁صلة الأرحام سبب في دخول الجنة بسلام وده اللي عرفناه في البوست السابق من خلال الحديث الشريف ولكن كتير مننا للأسف قطع العلاقة بينه وبين أقرب الناس ليه بسبب صراع على حطام زائل. 👈🏻بسبب موقف عابر 👈🏻بسبب سوء فهم لموضوع ما 👈🏻بسبب اختلاف سياسي أو فكري. 🎁وأيا كان السبب صلة الرحم مش هتكلم عن فضلها وعقاب قاطعها ولكن هقولك كلنا محتاجين ندخل الجنة بسلام بدون مصاعب ومشاق. 🍃كلنا يوم القيامة محتاجين نجري على الجنة من غير أي عوائق تقف ادمنا، واحنا آمنين مطمئنين وصلة الأرحام بتحقق لك ده بإذن الله. ✍🏻جرب تنتصر على ذاتك، على شهوتك في الانتصار لنفسك، على أفكارك اللي بتقولك دول ناس ميستحقوش أصلا لإن حتى لو هو ميستحقوش أنت محتاج تدخل الجنة بسلام، وكل عمل بتعمله ربك وحده أعلم بيه وهو اللي هيكافئك بيه ولو أنت وصلت رحمك بنية تحقيق اسم الله السلام وبنية دخول الجنة بسلام إن شاء الله تُرزق السلام في الدنيا والآخرة. 🌾اخر جزء في الحديث بيقول وصلوا بالليل والناس نيام ليه بالليل وليه وهي الناس نيام؟! الأسباب كتير جدا 🌱مش هتكلم عن الإخلاص وإن يكون لك عمل صالح سر بينك وبين الله. 🌴ولكن هتكلم عن نقطة تانية خالص وهي إن الليل ده موطن السكون والهدوء والراحة النفسية، وقت التخلص من صخب الحياة وهمومها ومشاكلها، وقت تصفية الذات من شوائب الدنيا ومشاغلها. 🌌الليل ده لما بتتعب من الناس ومن ظلمهم بتناجي ربك السلام إنه يرزقك السلام ويرزقك السكينة و يبعد عنك ظلم الظالمين و يبعد عنك الاحساس بالقهر والاحساس بالمهانة والاحساس بأثر الظلم والاحساس بالرغبة في الانتقام، كل المعاني دي بتديك نوع من السلام الذاتي الداخلي ونوع من السلام في التعامل مع الآخرين وبتوصلك للجنة بإذن الله بسلام وآمان. 🏝الجنة الجميلة اللي اتكلمنا عنها وعن اربع خطوات تخلينا نوصل لها بسلام بإذن الله مين اللي بيقدم لك الدعوة وبيذكرك بيها؟ 🍃ربنا سبحانه وتعالى 🍃ربنا نسب الجنة له وسماها دار السلام 🌾الدار الخالية من المتاعب والمنغصات والهموم سواء الفعلية أو القولية. الدار اللي كل ما فيها يحتوى على السلام ربنا سبحانه وتعالى بيقول: "وَاللَّهُ يَدْعُو إِلَىٰ دَارِ السَّلَامِ" ❓ يا ترى هتقبل دعوة الله عز وجل؟ ✍🏻هتقبل الدعوة لدار اللي يدخلها يقال له حياة بلا موت وسعادة بلا شقاء؟ 👈🏻👈🏻كلنا عندنا الفرصة إننا نوصل لدار السلام بسلام بإذن الله من خلال الخطوات السابقة . 🔸وياريت نتذكر التشريف الرائع للجنة بإن الله ينسبها لنفسه وإنه ينسبها لاسمه السلام عشان نستشعر عظمة وجمال الجنة وكل ما نحس في الدنيا بألم نفسي أو أذى من أي حد أو ظلم واقع علينا نفتكر إن الدنيا فانية وما هي إلا أيام وشهور وسنوات معدودة وهنروح لبيتنا الجميل.. بيتنا الأساسي اللي احنا بنجهز ليه من دلوقتي.. بيتنا اللي كله سلام وراحة ونعيم في الجنة .. في دار السلام بإذن الله. ✍🏻نختم كلامنا بالجنة ونعيم الجنة وأستكمل اسم الله السلام بإني أذكركم إننا نجعل أعمالنا لرب البشر مش للبشر 💥 الظلم من أقسى المشاعر الإنسانية اللي الإنسان ممكن يمر بيها وخاصة لما يكون من أقرب الناس، ويكون من شخص وهبته حياتي زي الزوج مثلا او يكون من شخص عشت معاه عمري اللي فات كله على الحلوة والمرة لما يكون من شخص المفترض هو يكون حصن الأمان ليا زي الأم والأب على سبيل المثال. ⚡️ ولكن الدنيا لا تخلو من كدر وتنغيص وهموم، والبشر فيهم الحلو والسيئ فيهم اللي هيقدرك وهيعرف قدرك وهيجعلك تاج فوق راسه وفيهم اللي مش هيهتم لأمرك رغم كل جهدك لإسعاده وتوفير سبل الراحة ليه. 🌾 فإحنا عشان نوصل للإحساس بالسلام النفسي ده لازم نربط أعمالنا بالله وليس بالبشر يعنى ايه؟ يعنى فلنفرض إنك بتحاولي تسعدي زوجك أو أنت بتحاول تسعد زوجتك وتتقي الله في الطرف الآخر قدر الإمكان وهو لا يقدر ذلك. اربطوا العمل ده بنية توجيهه لله دي بالله مش للبشر أو حبا في الطرف التاني و لا رغبة في إنه يرضى عنك ويبقا كويس معاك ووقتها حتى لو فضل الطرف الآخر غير مقدر لك وقتها مش هتشعر بالحسرة والندم على جميل صنيعك ومش هتحس بالنار بتحرق بستان العطاء والسلام جواك. 📌افتكر سيدنا إبراهيم وازاي حقق اسم الله السلام مع أقرب الناس ليه لما تخلى عنه وظلمه. 💫 أبوه لما قاله لأرجمنك. تخيل أب بيقول لأبنه اهجرني مش عاوز أعرفك وبيقوله أنا هرجمك بايدي.. لو أنت في الموقف ده هتحسي بايه؟! 🍂كتير مننا كان ممكن يحس بالقهر والإحباط ويمكن يشعر بالنفور من الأب ولكن يأتي الرد الجميل اللي كله سلام نفسي من سيدنا إبراهيم ويقول لأبوه"سلام عليك سأستغفر لك ربي إنه كان بي حفيا" 🍃جواب كله حلم وسلام وعطف واخلاقيات رائعة عليك فحاول تقتدي بسيدنا إبراهيم وتمسك بالدعاء بأن يصلح الله حال من حولك ويهديهم سبل السلام وإياك أسأل الله السلام أن يرزقنا وإياكم السلام رضا الجنيدي #أسماء_الله_الحسنى