#السلام(١٢) ✍🏻التطبيقات العملية لاسم الله السلام في حياتنا 🌴كَانَ رَسُولُ اللهِ صَلَّى اللهُ عَلَيْهِ وَسَلَّمَ ، إِذَا انْصَرَفَ مِنْ صَلَاتِهِ اسْتَغْفَرَ ثَلَاثًا "، وَقَالَ : ( اللهُمَّ أَنْتَ السَّلَامُ وَمِنْكَ السَّلَامُ ، تَبَارَكْتَ ذَا الْجَلَالِ وَالْإِكْرَامِ ) . 🌾فإن شاء الله نتبع هدي النبي صلى الله عليه وسلم ونحافظ على الذكر الجميل ده عقب الصلاة مباشرة. 🌴من التطبيقات العملية لاسم الله السلام 🍃إننا نحافظ على أعمالنا ونتقرب بها إلى الله عز وجل وهي سالمة وخالية من العيوب المشينة 📌وعشان تكون أعمالنا سالمة ومقبولة عند الله عزو جل لازم تتصف بصفتين مهمين 🔸أولا تكون على هدي النبي صلى الله عليه وسلم. 🔹 وثانيا تكون مخلصة لله عز وجل ووقتها يرفع الله عز وجل العمل الصالح إليه وهو مقبول لينتظرنا عملنا يوم القيامة بإذن الله . ☘سئل الفضيل بن عياض: ما أحسن العمل؟ فقال: أخلصه وأصوبه. فقالوا: يا أبا على، ما أخلصه وأصوبه؟ قال: إن العمل إذا كان خالصًا ولم يكن صوابًا لم يُقَبلْ، وإذا كان صوابًا ولم يكن خالصًا لم يُقْبَل، حتى يكون خالصًا صوابًا، فالخالص: أن يكون لله، والصواب: أن يكون على السنة فدايما فتش في نواياك وأنت بتعمل اي عمل واخلص النية لله وتأكد قبل ما تعمل العمل إنه موافق لهدي النبي صلى الله عليه وسلم مفيهوش ابتداع. 🌴من التطبيقات العملية لاسم الله السلام: 🌿 إفشاء السلام، والنبي صلى الله عليه وسلم علمنا إن إفشاء السلام سبب اساسي لشيوع الحب بين المسلمين فنعود لساننا على إفشاء السلام وممكن نغير لفظ الو في التليفون إلى لفظ السلام عليكم عشان كل مرة ننال اجر إفشاء السلام. 🌴من التطبيقات العملية لاسم الله السلام في حياتنا إنك تدعي باسم الله السلام ادعي إن ربنا يسلمك من كل سوء وخاصة يوم نموت ويوم نبعث زي ما اتعلمنا من القرآن الكريم يقول الله عز وجل "وسلام عليه يوم ولد و يوم يموت ويوم يبعث حيا " ويقول على لسان عيسى عليه السلام "والسلام علي يوم ولدت ويوم أموت ويوم أبعث حيا" ⚡️ال3 مواطن دول صعبين جدا والإنسان محتاج يشعر فيهم بالسلام، محتاج الأمن. 🍁يوم الموت محتاجين السلام والأمن بأن يكون الله إلى جانبنا ويثبتنا ويرزقنا حسن الخاتمة وعشان نوصل لده بإذن الله لازم نفتكر إن من عاش على شيء مات عليه. 🌿محتاجين بعد الموت السلامة والتثبيت عند سؤال الملكين لينا . 🌿محتاجين يوم البعث السلامة من رهبة الموقف لما نخرج من قبورنا ونتجمع في أرض المحشر. ومفيش غير السلام عز وجل اللي بايده يرزقنا السلام ويرزقنا السلامة فلنكثر الدعاء أنه يأمننا ويرزقنا السلامة وقت موتنا ووقت بعثنا . 🌴في حديث جميل جدا فيه 3 نصائح ذهبيه عشان ندخل الجنة بسلام بإذن الله "يا أيها الناس: أفشوا السلام، وأطعموا الطعام، وصِلُوا الأرحام، وصلّوا بالليل والناس نيام، تدخلوا الجنة بسلام" ✍🏻يعنى باختصار كده عاوز توصل للجنة بسلام اعمل اربع خطوات 💡افشي السلام والأمر في دي سهل جدا جدا ومش محتاج شرح لأننا اتكلمنا عنه . 💡النقطة التانية تطعم الطعام تخيل إن يكون في بيت مسلم يعدي عليه يوم وهو مفيهوش أكل في الوقت اللي أحنا فيه متنعمين بأنواع من الطعام لا حصر لها؟ تخيل إن يكون في طفل بيبكي من الجوع وأم بتتألم وهي شايفة ابنها ادام عينها مش لاقي حاجة ياكلها! تخيل لما يكون رب الأسرة عاجز و مريض ونايم في السرير وزوجته امرأة مسنة متقدرش تخرج تشتغل وتروح بيتهم تلاقي مفيش حتى رغيف العيش! 💥الجوع بينغص على الإنسان حياته وزي ما قلنا قبل كده حتى أهل النار لا يشغلهم عذاب النار عن احتياجهم للماء والطعام بل بينادوا على أهل الجنة ويطلبوا منهم إنهم يفيضوا عليهم من رزق الله. جربوا عبادة إطعام الطعام رائعة ولها لذه نفسيةجميلة، وبتغيير في القلب وترققه وتخلي الإنسان يقترب لله أكثر وأكثر. سهل جدا عليك إنك وانت بتعملي أكلك تزودي وجبة وتديها لحد فقير. سهل جدا إنك تقتطع جزء من مصروف البيت وتعمل بيه شنطة اطعام شهرية لأسرة فقيرة. رضا الجنيدي #أسماء_الله_الحسنى ✍ كلنا راحلون ويبقى الأثر.. فلنترك أثرا قبل الرحيل. 🌸تابعوا جديدنا على 🌸 🌸قناة الكاتبة رضا الجنيدي على التلجرام👇 https://t.center/redaalgeneedy 🌸صفحة الكاتبة رضا الجنيدي على الفيس👇 https://m.facebook.com/Reda.Geneedy.