#السلام(١١) قواعد تحقيق السلام في الحياة 📌القاعدة الثانية لا تسأل عما لا يعنيك 🌴 يقول النبي صلى الله عليه وسلم: "من حسن إسلام المرء تركه ما لايعنيه" 🍂احفظ لسانك وابتعد عن الفضول اللي ممكن يثير المشاعر السلبية في قلوب من حولك تجاهك. من الفضول البغيض إن امرأة على سبيل المثال تتدخل في خصوصيات من حولها وتسأل عن تفاصيل حياتها المادية، يعنى هيفيدك بايه تعرفي جارتك مرتب زوجها كام، وابنها بياخد دروس في مواد ايه، وبيصرفوا كام في الشهر؟! 🍂هيفيدك بايه تسأليها اشتريتِ الانتريه ده بكام ومنين وانت بتسألي لمجرد الفضول فقط؟! 🍂هيفيدك بايه تسأليها عن ادق تفاصيل حياتها وتتدخلي فيما لا يعنيك؟! ✍🏻حافظي على مسافة الخصوصية اللي كل إنسان بيحب يحتفظ بيها لنفسه. ❌ابتعدي عن الفضول والتطفل لإن الناس، أنواع في حد ممكن يتكسف ويفضل يجاوب على اسئلتك وهو من جواه أصبح بيكره اللحظة اللي بتقعدي معاه فيها بس مش عارف يخلص من علاقته بيك للأسف. ⚠️حد تاني ممكن يحرجك ويرد رد مش لطيف وبالتالي أنت تعتبريه قليل الذوق فتردي رد أصعب وتبقا الأمور كلها شد وجذب رغم إنك اللي بدأت بانتهاك خصوصيته. ✅فريحي نفسك وريحي اللي ادامك ومتسأليش عن شيء لا يخصك عشان الناس تحس براحة وهي بتتعامل معاك. وفي نفس الوقت عودي اللي ادامك إنهم ميسألوش عن خصوصياتك وعوديهم وإن من حقك إنك متجاوبيش عن الأسئلة الفضولية وطبعا بلطف وذكاء. 📌القاعدة الثالثة 🔅احفظ لسانك 🚫 احفظ لسانك وامنعه من التعليق على الآخرين تعليقات سخيلة حتى وإن كان الغرض منها الدعابة عشان القلوب لا تُعبأ بالمشاعر السلبية. احفظ لسانك من التدخل في شؤون غيرك طالما لم يسمحوا لك بذلك. احفظ لسانك عن التعليق على الأحداث اللي أنت متعرفش أبعادها. 📌القاعدة الرابعة 🌾انظر لمن تتعامل معه نظرة كلية كشخصية ونظرة كليه من خلال مواقف الحياة. يعنى متبقاش من النوعية اللي يبقا اللي ادامك كويس معاك في كل حاجة وأول ما يعمل غلطة خلاص تقول قلبي قفل منه ومش طايقه وتبدأ تتعامل معاه بوش تاني خالص اللي هو الوش الخشب😡 ⚠️الوش الخشب ده مش عندنا كمسلمين إلا في حالة و احدة بس لو اللي ادامك بيستغل طيبتك وتسامحك وعفوك وبيتجاوز الحدود مش خطأ وسهو ولكن تعمد لإنه شايفك ضعيف. ◀️ الإنسان اللي ادامك طبيعي جدا انه يغلط فبلاش يبقا مبدأك في الحياة لما حد يغلط غلطة فيك تحطيه في القائمة السوداء ✖️القائمة السوداء دي مش بينا كمسلمين لما يكون اللي ادامك غلط غلطة عادية وبسيطة خلاص عديها ما انت كمان ليك غلطاتك وهفواتك وزلاتك. 🌿الموضوع ده هيخليك من جواك حاسس بسلام تجاه الناس وده هينعكس على علاقاتك بيهم. رضا الجنيدي #أسماء_الله_الحسنى ✍ كلنا راحلون ويبقى الأثر.. فلنترك أثرا قبل الرحيل. 🌸تابعوا جديدنا على 🌸 🌸قناة الكاتبة رضا الجنيدي على التلجرام👇 https://t.center/redaalgeneedy 🌸صفحة الكاتبة رضا الجنيدي على الفيس👇 https://m.facebook.com/Reda.Geneedy.