اسم الله القريب2⃣ يقول الإمام السعدي عن معنى اسم الله القريب: أى هو تعالى القريب من كل أحد، وقربه تعالى نوعان: 🌸 عام من كل أحد بعلمه وخبرته ومراقبته ومشاهدته وإحاطته . 🌸وقرب خاص من عابديه وسائليه ومحبيه، وهو قرب لاتُدرك له حقيقة، وإنماتعلم آثاره من لطفه بعبده وعنايته به وتوفيقه وتسديده ومن آثاره الإجابة للداعين، والعناية للعابدين . تعالوا نبدأ بالقرب الخاص ونتعمق في أسراره ونفهم بعض معانيه💞💞 تعالوا نبدأ بالنقطة اللي كل إنسان بيتمنى إنه يلاقي جنبه فيها حد قريب جدا، يساعده في تفريج الكربات😔 وتحقيق أجمل وأصعب الأمنيات.🍀 عن الحالة اللي بيشعر فيها الإنسان إنه محتاج الدعم القوي 🍂 زي وقت الكربات اللي حاوطتك من كل اتجاه ونفسك إنها تتفك وقيودها تتحل. 🍂 المرض اللي بتعاني منه ومش قادر تقول لحد عليه ومحتفظ بيه لنفسك وبس ونفسك إن ربنا يشفيك منه. 🍂مشكلتك مع زوجك اللي محتفظة بيها في السر ومفيش إنسان عارف عنها حاجة لإنك بتفضلي تحافظي على أسرتك، أو مشكلتك مع زوجك اللي الكل عارفها وبينتقدك وبيجب اللوم عليك وشايف إنها تافهة رغم إنها بتؤرق حياتك. 🍂مشكلتك مع زوجتك اللي مش عارف ليها حل، ومهما عملت مش قادر تعالجها. 🍂الديون اللي أرهقتك ووصلتك لحالة الإنهاك النفسي. 🍂الصدمات اللي اتصدمتها من أقرب الناس ونفسك ربنا يداويك من أثرها. كل اللي أتكلمنا عنه ده وأكتر محتاج إننا نستشعر معنى اسم الله القريب💞💞 🌸نستشعر أد أيه الله عز وجل قريب من عباده المؤمنين اللي استجابوا ليه، وأطاعوا أوامره، وانتهوا عما نهى عنه. 🌸نستشعر مدى قرب الله وإنه يسمع صوتنا الخفي، ويسمع دقات قلوبنا الحزينة ويعلم كل ما بداخلنا من أنين. 🌸نستشعر أد أيه الله عز وجل القريب ممكن في لحظة يكشف عننا كل ما نحن فيه لإنه قريب من عباده المؤمنين يقويهم وينصرهم، ويحميهم ويحفظهم ويستجيب دعاءهم لإنه قريب مجيب. ☘نفهم إن عشان ده يحصل علينا إننا نقوم بالخطوة الأولى👣 ومنقفش مكاننا ☘علينا إننا منستسلمش أبدا لليأس ☘منوصَّلش قلوبنا لمرحلة الإحباط. ☘علينا إننا نفتكر دايما قول الله عز وجل: "وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ" [البقرة: 186]. 🌟أنا نفسي كل اللي بيقرأ الآية دي يقرأها بقلب جديد، ومشاعر جديدة، يقرأها وهو مستشعر معنى قرب الله له. 🌟مستشعر أن الله قريب منه ..قرب علم وقرب قدرة.. يعلم حالك وقادر على تغيره للأفضل. 🌟مستشعر مدى سرعة الاستجابة مع القرب . 🌟مستشعر حلاوة القرب وحلاوة نتائج هذا القرب. 🌟يدرك إن القرب ده معية خاصة وقرب خاص للمؤمن اللي استجاب لربه وعايش وشعاره في الحياة أمام أوامر الله ⬅️ سمعنا وأطعنا. 💞عايش وهو مستشعر إن رضا الله عنده فوق رضا النفس والخلق. 💞وإن حبه لله فوق أي حب. عايش بالدعاء المستمر ، لإنه مدرك قيمة الدعاء وإنه سر من أسرار حياة القلب وسر من أسرار رضا القريب عننا. 🌟عارفين لو بدأنا نخلي الدعاء ده في حياتنا شيء أصيل زي الماء اللي هو سر الحياة واللي منه جعل الله عز وجل كل شيء حي، نخلي كمان الدعاء سر حياة قلوبنا وسر استقامة وسعادة حياتنا. ندعي في كل لحظة. ندعي في كل شيء محتاجين ليه مهما كان عظيم أو كان بسيط. ندعي وقلبنا كله يقين إن الله عز وجل لا يعجزه شيء وإن القريب يسمع دعاءنا وهيستجيب لينا بإذن الله ويحقق لنا ما هو خير لنا من دعائنا. 🌟لو وصلنا لمرحلة استشعار إن الدعاء بمثابة الماء والهواء لحياتنا، وقتها معالم حياتنا هتتغير تماما بإذن الله.. هنحس بحلاوة وجمال الحياة. وقتها كل ما نرفع أيدينا بالدعاء هنفتكر إن القريب عز وجل هيكرمنا لإنه حيي يستحيى أن يردنا دون أن يجبر قلوبنا.💔 قال رسول الله صلى الله عليه وسلم : "إنَّ ربَّكم حيِيٌّ كريمٌ ، يستحي أن يبسطَ العبدُ يديْهِ إليهِ فيردَّهُمَا صِفْرًا" تلخصيا لكل ما مضى👇 🌟القريب يستجيب دعاءك إذا دعوته بيقين، وإذا دعوته وأنت محقق لشروط وآداب الدعاء. 🌟القريب يحيط عباده المؤمنين بحفظه ويأيديهم بنصره ويسعدهم باستجابة دعواتهم. 🔴 فهل جربنا أن نتقرب من القريب؟ 🔴هل جربنا إننا ندخل في زمرة المؤمنين المنقادين لله المطيعين له؟ 🔴هل جربنا نروي قلوبنا 💞من أنهار الإيمان ولاَّ لسه قلوبنا شاردة وبعيدة عن خالقها ولا لسه قلوبنا مشتتة💔 في أمور الدنيا؟ 🔴هل جربنا ولا لسه قلوبنا غرقانة في هموم الحياة وناسية أمر أخرتها؟😔😔 https://youtu.be/1HFDik5-PEI رضا الجنيدي #أسماء_الله_الحسنى #فإني_قريب #إطلالة_على_اسم_الله_القريب ✍ كلنا راحلون ويبقى الأثر.. فلنترك أثرا قبل الرحيل. قناة الكاتبة رضا الجنيدي على التلجرام https://t.center/redaalgeneedy صفحة الفيس بوك https://m.facebook.com/Reda.Geneedy