🌸 البر 🌸 5⃣1⃣ 🔴 في حديث تاني مهم جدا جدا بل في أقصى درجات الأهمية لإني لاحظت للأسف إن في ناس بتطبقه غلط ببساطة صحابي جليل جاي للنبي والنبي عرف إنه جاي يسأله عن البر 🌸النبي صلى الله عليه وسلم قاله ايه قاله👈 استفت قلبك 🌸كتير مننا بياخدها فرصة يعمل اللي هو عاوزه وينخدع للشيطان بمزاجه ويقول النبي قال استفت قلبك وأنا قلبي مرتاح للحاجة دي ❌لأ انت قلبك مرتاح ببساطة لهواك 🔴طب تعالوا نشوف الحديث: عن وابصة بن معبد - رضي الله عنه - قال: رأيت رسول الله صلى الله عليه وسلم وأنا أريد أن لا أدع شيئًا من البر والإثم إلا سألت عنه, فقال لي: ادن يا وابصة، فدنوت منه؛ حتى مست ركبتي ركبته, فقال لي: يا وابصة, أخبرك عما جئت تسأل عنه؟ قلت: يا رسول الله, أخبرني, قال: جئت تسأل عن البر والإثم, قلت نعم, فجمع أصابعه الثلاث, فجعل ينكت بها في صدري, ويقول: يا وابصة, استفت قلبك, والبر ما اطمأنت إليه النفس, واطمأن إليه القلب, والإثم ما حاك في القلب, وتردد في الصدر, وإن أفتاك الناس وأفتوك. قال الألباني: حسن لغيره. 🌸طيب ده الحديث فهل المعنى ده يجوز في عامة الناس زيينا إن لما يحتاروا في أمر يستفتوا قلبهم؟ ❌لأ طبعا 🌸في كلام كتير في شرح الحديث ده ولكن هجيب منه مختصرات 🍃أولا: المقصود به:: أن المؤمن صاحب القلب السليم قد يستفتي أحداً في شيء فيفتيه بأنه حلال ، ولكن يقع في نفس المؤمن حرج من فعله ، فهنا عليه أن يتركه عملاً بما دله عليه قلبه ." قال الشيخ ابن عثيمين رحمه الله : "أي : حتى وإن أفتاك مفتٍ بأن هذا جائز ، ولكن نفسك لم تطمئن ولم تنشرح إليه فدعه ، فإن هذا من الخير والبر ، إلا إذا علمت في نفسك مرضا من الوسواس والشك والتردد فلا تلتفت لهذا 🌿يعنى مش زي ما احنا بنعتقد وبنمشي الأمور على هوانا بالعكس ده جاي في سياق إني أمتنع عن حاجة المفتي اباحها ليا وأنا مش مطمن فبحتاط لنفسي. 🌸وأنا ببحث عن كلمة البر في السنة النبوية لقيت دعاء السفر اللي بنقول في أوله: اللَّهُمَّ إِنِّي أَسْأَلُكَ فِي سَفَرِي هَذَا الْبِرَّ وَالتَّقْوَى ، سألت نفسي ليه في السفر بالذات البر؟ لقيت ان السفر بتبان فيه معادن الناس فعلا وأخلاقهم الحقيقية، وعشان كده النبي صلى الله عليه وسلم قال في الحديث البر حسن الخلق السفر كمان ممكن يبقا وسيلة للتحرر من قيود الالتزام بسبب البيئة المحافظة اللي انا فيها فده ممكن يخلي المعصية أسهل بالتالي أنا محتاج أكتر للبر والتقوى وكإنها رسالة من النبي صلى الله عليه وسلم لكل إنسان مسافر اثبت تمسك بالبر اسأل الله أن يعينك على البر أنت في السفر تحتاج جدا إلى التمسك بدينك فتمسك بالبر تكن في أمان بإذن الله. ✍بقلم رضا الجنيدى #البر #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy