🌸 البر 🌸 3⃣1⃣ 🌸دلوقتي تعالوا ننشط ذهننا كده بسؤال أيهما أقوى في المعنى ان يكون اسم الله ❤️البر أم ❤️البار وليه 🤔؟ 🌸يقول العلامة النابلسي في الرد على هذا السؤال: البَر أبلغ من البار.. نقول مثلاً علاَّمةٌ وعالم، العلاَّمة أبلغ، البر أبلغ من البار وإن كانا بمعنى واحد وهو المحسن، فلو قلنا: فلان بارٌ بوالديه. وأما إذا قلنا: فلان بَرّ أي تتالى بِرُّه، وتوالى إحسانه، وكثر عطاؤه، وكثر خيره وطاب، البر أبلغ من البار. أما البرُّ في حقِّه تعالى فهو فاعلُ البِرِّ والإحسان، يحسن إلى عباده بالخير، فالله عزَّ وجلَّ لماذا خلق الخلق ؟ خلقهم ليسعدهم، خلقهم ليحسن إليهم، خلقهم ليكرمهم، أصل الخلق إحسان، 🌸يقول النبي صلى الله عليه وسلم في حديث صحيح البرّ حسن الخلق ، والإثم ما حاك في نفسك ، وكرهت أن يطلع عليه الناس ) أخرجه مسلم 🍃سبحان الله !!! والله لو لم يكن في الدين إلا هذا الحديث عشان نمشي صح في حياتنا لاستقامت حياتنا تماما 🌸يعنى ببساطة كده عاوزة تحوزي لقب البر وتكوني من الأبرار ان شاء الله تمسكي بحسن الخلق. 🌿وكما قيل👇 "من فاقك في الخلق فاقك في الدين" يعنى أوقات بلاقي أخت متدينة أوي أوي أوي والواحد يغبطها على كل هذا التدين ويتمنى فعلا يكون زيها أو ربعها أسأل الله نعيم الإيمان للجميع ولكن فجأة أتصدم بسوء خلق معين أسلوب فظ في التعامل مع اللي حواليها. أو قسوة في التعامل أو جدال وخصام عشان حظ النفس أو مقاطعة قرايبها عشان أمور لا تستحق. النبي صلى الله عليه وسلم بيوجهنا لمناط الأمر كله عاوزة تكوني باره حسَّنى أخلاقك الأمر بسيط أهو😍😍 🌸وخلي بالك العلماء لما شرحوا معنى الحديث ده قالولنا إن البر هنا معناه إنه اسم جامع لكل أعمال الخير تخيلي كل أعمال الخير تجمعت تحت شعار حسن الخلق. 🌸طيب إيه أنواع الخلق الحسن البسيطة اللي ممكن نتعامل بيها مع اللي حوالينا. 🌸الابتسامة 😊 ابتسمي في وجه اللي ادامك بلاش تخلي أمورك الشخصية تطغى على ملامحك لإن كل إنسان عنده ما يكفيه ابتسمي بنية حسن الخلق. 🌸الكلمة الطيبة 👅 دايما شجعي اللي ادامك لما يعمل حاجة حلوة امدحيه بأجمل حاجة فيه خليك طاقة دفع ايجابية ليه خلي كلماتك حنونة بلاش الكلمات السلبية اللي بتقتل الحياة في اللي حوالينا. ممكن توصلي على فكرة لنفس هدفك ولكن بكلمات حنونة وبرضه تنوي من خلالها حسن الخلق. 🌸من حسن الخلق كف الأذى✋ حاجة سهلة خالص امنعي اذاك عن اللي حواليك وأهم حاجة تمنعي بيها أذاك هو لسانك صونيه عن الخوض في صفات الآخرين في حضورهم أو غيابهم وبرضه أنوي حسن الخلق . 🌸وكل الاخلاق الجميلة دي جمعها بن عمر رضي الله عنه في جملة رائعة " البرّ شيء هيّن : وجه طليق ، وكلام ليّن " ✍بقلم رضا الجنيدى #البر #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy