🌸 البر 🌸 1⃣1⃣ 🌸 نستكمل معا شرح اسم الله البر ومازلنا مع ايات البر في القرآن الكريم 🌸يقول الله تبارك وتعالى... ( وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الإثْمِ وَالْعُدْوَانِ ) سورة المائدة ربنا سبحانه وتعالى البر بيأمر عباده المسلمين إنهم يتعاونوا مع بعض على البر ايه البر المقصود هنا 🤔 المقصود فعل الخيرات يعنى يا عبادي تعاونوا معا على فعل الخيرات، وترك المنكرات لا تتعاونوا معا على الأثم والشر والبغي تعالوا نشوف تفسير البر والتقوى من تفسير السعدي ❤️ وَتَعَاوَنُوا عَلَى الْبِرِّ وَالتَّقْوَى ْ} أي: ليعن بعضكم بعضا على البر. وهو: اسم جامع لكل ما يحبه الله ويرضاه، من الأعمال الظاهرة والباطنة، من حقوق الله وحقوق الآدميين. والتقوى في هذا الموضع: اسم جامع لترك كل ما يكرهه الله ورسوله، من الأعمال الظاهرة والباطنة. وكلُّ خصلة من خصال الخير المأمور بفعلها، أو خصلة من خصال الشر المأمور بتركها، فإن العبد مأمور بفعلها بنفسه، وبمعاونة غيره من إخوانه المؤمنين عليها، بكل قول يبعث عليها وينشط لها، وبكل فعل كذلك. { وَلَا تَعَاوَنُوا عَلَى الْإِثْمِ ْ} وهو التجرؤ على المعاصي التي يأثم صاحبها، ويحرج. { وَالْعُدْوَانِ ْ} وهو التعدي على الخَلْق في دمائهم وأموالهم وأعراضهم، طيب تعالوا نشوف مع بعض نماذج للتعاون على البر والتقوى وعدم التعاون على الاثم والعدوان لما تلاقي بنوتة لبست الحجاب بلاش تعقديها وتقوليلها شكلك وحش وانت لسه صغيرة وليه عملتي في نفسك كده. لما يكون في زوج وزوجة بينهم مشكلة بلاش تخلي صاحبتك تتغير على زوجها خدي الامور معاها بالهداوة الحياة مش خناق وصدام أنت ممكن يكون قصدك خير طبعا بس ممكن توصليها لمشكلة كبيرة يعنى ممكن مثلا حد في مشكلة اختنا اللي فوق يقولها اطلقي من زوجك ده عشان ولادك وده مش صح لإن اكيد هيكون عندها ولاد تانين وبدل المشكلة الواحدة نبقا عملنا مشكلتين. نتعاون على النصيحة الحكيمة قدر الامكان نتعاون على مساعدة المسلم اللي بيقع دينيا ونشده انه يكون قريب من ربنا. من التعاون على البر انك لما تلاقي اختك المسلمة بتصلي في المسجد وابنها بيبكي انك تتحمليها وتستوعبيها ولو هتقدمي لها نصيحة ببقا برفق. بلاش تزعقي وتصرخي فيها انها متجيش المسجد متعرفيش ظروف حد ايه يمكن خارجة من بيت كله مشاكل وجات لبيت ربنا تبكي بين ايديه يمكن كانت بعيدة وحبت تقرب لربنا خليكي دليل للخير وتعاوني مع من حولك على البر والتقوى . احذري انك تتعاوني مع حد على ظلم حد ابدا يعنى متقفيش مع حد على حساب حد عشان ده صاحبك رغم إنك عارفه إنه غلط من التعاون على البر والتقوى إنك تساعدي إخواتك المسلمين بمجال موهبتك وتميزك والخير اللي عندك لو عندك علم علمي لو عندك مال ساعدي بالمال لو عندك وقت ساعدي بالوقت وهكذا يقول القرطبي في تفسيره لهذه الاية في الجامع لاحكام القرآن: التعاون على البر والتقوى يكون بوجوه؛ فواجبٌ على العالِم أن يعين الناس بعلمه فيعلِّمهم، ويعينهم الغني بماله، والشجاع بشجاعته في سبيل الله، وأن يكون المسلمون متظاهِرِين كاليد الواحدة؛ ((المؤمنون تتكافأ دماؤهم، ويسعى بذمتِهم أدناهم، وهم يد على من سواهم))، ويجب الإعراضُ عن المتعدي، وتركُ النصرة له، وردُّه عما هو عليه. ✍بقلم رضا الجنيدى #البر #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy