🌸 البر🌸 8⃣ 🌸من البر المذكور في الآية الانفاق على ❤️اليتامى❤️ 🌸وطبعا الكلام عن الإنفاق على اليتامى معروف ولكن أنا هعزز معرفتنا بفيديو كنت وضعته لكم قبل كده ولكن بحب اذكر بيه لإنه رائع فعلا https://www.youtube.com/watch?v=82bm4UOeKwc 🌸من وجوه البر في الاية الانفاق على🍃 المساكين 🍃 🌸طب مين هو المسكين؟ ( والمساكين ) وهم : الذين لا يجدون ما يكفيهم في قوتهم وكسوتهم وسكناهم كما ورد في التفسير. 🌸طب ايه الفرق بين الفقير والمسكين يقول الشيخ الشعراوي اختلف الفقهاء حول من هو الفقير، ومن هو المسكين، قال بعضهم: إن الفقير هو من لا يملك شيئا، والمسكين يملك ما لا يكفيه، أي يملك شيئا دون ما يحتاجه، 🌿 وقال البعض الآخر: إن الفقير هو الذي يملك ما هو دون حاجته، والمسكين من لا يملك. 🌸من البر هنا إننا نبدأ نشوف المساكين ونشعر بيهم تكون عرى الإيمان بينا قوية مكونش أنا في بيتي نايم و متدفي وعندي بطاطين كتير مركونة وأعرف إن في مساكين مفيش عندهم بطانية يتغطوا بيها ومع ذلك مش مهتم. 🌸مكونش أنا في بيتى باكل أحسن أكل وبدخل الرفاهيات والتسالي والكماليات في الأكل وأحيانا برمي الفائض وحواليا مسلمين بيناموا من غير عشا أو بتمر عليهم الايام ومش بياكلوا غير ابسط الطعام. 🌸البر إني أبدأ أنا أبحث عن المساكين دول منتظرش لما هما يجولي أدور وأبحث وأدعي ربنا إنه يرزقنى بيهم عشان أساعدهم. 🤲دعائك ده بإن ربنا يرزقك المساكين الحقيقين وإنه يرزقك القدرة على مساعدتهم ده في حد ذاته دليل رغبتك في البر وامتثالك للبر. 🌸ابن السبيل🌸 🍃مين هو وازاي أبره ؟ أبن السبيل و احد انقطع عن أهله وبلده وماله. 🌸طيب ليه ربنا أمرنا بالبر بأبن السبيل؟ من الأسباب وليس كل الاسباب طبعا: عشان نعرف إننا كمسلمين اللي بيربطنا ببعض مش علاقة المكان والجنسية إننا مصريين أو سعوديين أو يمنيين أو سوريين أو غيره ولكن إننا مسلمين عقيدتنا هي اللي بتوحدنا مش بلدنا وجنسيتنا 🌸يبقا لما الاقي مثلا حد من السوريين في بلدي ظروفه صعبة مقولش ندي اللي مننا الأول كل المسلمين جزء مننا كلنا جسد و احد بيجمعنا الإسلام والأخوة في الله. 🌸طيب نيجي بقا للبر 🍃بالسائلين 🍃 هو المفروض ادي أي حد يسألنى كده ؟ لإن في مقولات إني أدي اللي سألنى ولو جاء على فرس؟ 🌸هنقلكم إجابة الشيخ بن باز رحمة الله 🌹نرى لمن أراد أن يعطي مالاً لأحد هؤلاء أن يتفرس فيه ليرى صدقه من عدمه ، والأفضل في كل الأحوال تحويل هؤلاء على لجان الزكاة والصدقات لتقوم بعملها من التحري عن أحوالهم ، ومتابعة شئونهم حتى بعد إعطائهم . فمن علمتَه أنه ليس بحاجة ، أو غلب على ظنك هذا : فلا تعطه ، وإذا علمتَ أنه بحاجة ، أو غلب على ظنك هذا : فأعطه إن شئت ، ومن استوى عندك أمره : فلك أن تعطيه ، ولك أن تمنعه . ومن أعطى أحداً ممن يجوز له إعطاؤه ظانّاً أنه محتاج : فله الأجر على صدقته تلك ، حتى لو تبين فيما بعد أنه غير محتاج ، وحتى لو كان المال المُعطى له زكاة مال فإنها تجزئه ولا يُلزم بتكرار أدائها . ❤️عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : ( قَالَ رَجُلٌ لَأَتَصَدَّقَنَّ بِصَدَقَةٍ فَخَرَجَ بِصَدَقَتِهِ فَوَضَعَهَا فِي يَدِ سَارِقٍ فَأَصْبَحُوا يَتَحَدَّثُونَ تُصُدِّقَ عَلَى سَارِقٍ فَقَالَ اللَّهُمَّ لَكَ الْحَمْدُ لَأَتَصَدَّقَنَّ بِصَدَقَةٍ فَخَرَجَ بِصَدَقَتِهِ فَوَضَعَهَا فِي يَدَيْ زَانِيَةٍ فَأَصْبَحُوا يَتَحَدَّثُونَ تُصُدِّقَ اللَّيْلَةَ عَلَى زَانِيَةٍ فَقَالَ اللَّهُمَّ لَكَ الْحَمْدُ عَلَى زَانِيَةٍ لَأَتَصَدَّقَنَّ بِصَدَقَةٍ فَخَرَجَ بِصَدَقَتِهِ فَوَضَعَهَا فِي يَدَيْ غَنِيٍّ فَأَصْبَحُوا يَتَحَدَّثُونَ تُصُدِّقَ عَلَى غَنِيٍّ فَقَالَ اللَّهُمَّ لَكَ الْحَمْدُ عَلَى سَارِقٍ وَعَلَى زَانِيَةٍ وَعَلَى غَنِيٍّ فَأُتِيَ فَقِيلَ لَهُ أَمَّا صَدَقَتُكَ عَلَى سَارِقٍ فَلَعَلَّهُ أَنْ يَسْتَعِفَّ عَنْ سَرِقَتِهِ وَأَمَّا الزَّانِيَةُ فَلَعَلَّهَا أَنْ تَسْتَعِفَّ عَنْ زِنَاهَا وَأَمَّا الْغَنِيُّ فَلَعَلَّهُ يَعْتَبِرُ فَيُنْفِقُ مِمَّا أَعْطَاهُ اللَّهُ ) . رواه البخاري ( 1355 ) ومسلم ( 1022 ) . 🌸بعد ما شفنا اجابة الشيخ بن باز اقولكم اهم حاجة متنهرش السائل وأما السائل فلا تنهر 🌸حاول تتحرى الأمر عشان متردش حد محتاج وأسأل الله أن يرزقك البصيرة في التعامل مع السائلين. وطبعا احترس من المتسولين.😃😃 🌸بالنسبة للبر و الانفاق في 🍃 الرقاب🍃 طبعا ده كان في تحرير العبيد زمان فمفيش كلام أقوله هنا . ✍بقلم رضا الجنيدى #البر #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy