🌸 البر 🌸 7⃣ نستكمل معا استعراض آيات البر في القرآن الكريم 😍😍😍😍 🌸 آية النهارده اللي هنتكلم عنها محتاجة كده نفتح لها قلوبنا وعقولنا ربنا يرزقنا حسن الفهم يارب وحسن العمل وطبعا لما بكتب هنا فأنا بذكر نفسي قبل تذكيري ليكم ربنا يرزقنا الإخلاص والقبول يارب ❤️يقول الله عز وجل: لَّيْسَ الْبِرَّ أَن تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَٰكِنَّ الْبِرَّ مَنْ آمَنَ بِاللَّهِ وَالْيَوْمِ الْآخِرِ وَالْمَلَائِكَةِ وَالْكِتَابِ وَالنَّبِيِّينَ وَآتَى الْمَالَ عَلَىٰ حُبِّهِ ذَوِي الْقُرْبَىٰ وَالْيَتَامَىٰ وَالْمَسَاكِينَ وَابْنَ السَّبِيلِ وَالسَّائِلِينَ وَفِي الرِّقَابِ وَأَقَامَ الصَّلَاةَ وَآتَى الزَّكَاةَ وَالْمُوفُونَ بِعَهْدِهِمْ إِذَا عَاهَدُوا ۖ وَالصَّابِرِينَ فِي الْبَأْسَاءِ وَالضَّرَّاءِ وَحِينَ الْبَأْسِ ۗ أُولَٰئِكَ الَّذِينَ صَدَقُوا ۖ وَأُولَٰئِكَ هُمُ الْمُتَّقُونَ " 🤔يعنى إيه الأية دي وإيه مفهوم البر هنا ؟ 😍تعالوا نشوف مع بعض: لما ربنا سبحانه وتعالى أمر المسلمين بتحويل قبلتهم في الصلاة من المسجد الأقصى إلى المسجد الحرام المسلمين😍 استجابوا لتحويل القبلة بكل رضا أما اليهود😡 فكان ليهم كلام كتير و تعليقات سفيهة. 🌸ربنا سبحانه وتعالى بيعلمنا في الاية حاجة مهمة جدا وهي إن البر مش مجرد تحويل القبلة لإن تحويل القبلة أمر يسير لا مشقة فيه ولا تعب. 🌸وكمان مش المشكلة في تحويل القبلة نفسه ولكن البر إننا نتبع أمر الله عز وجل أيا كان الأمر ده ونتقبله برضا. 🌸البر مش مجرد خطوة عملناها عشان نحول اتجاه قبلة صلاتنا ولكن البر ليه متطلبات تانية كتير جدا، متطلبات هتحتاج مننا العزيمة💪 والإرادة والتضحية في سبيل الله عز وجل. 🌸البر إنك تؤمن أولا بالله عز وجل وطالما إنت امنت بالله يبقا هتثق في كل حاجة ربنا سبحانه وتعالى بيقولها يبقا 🌿بالتالي هتؤمن بإن في يوم آخر 🌿يعنى في جنه ونار 🌿يعنى في حساب 🌿هتؤمن إن في ملائكة وهنؤمن بكل حاجة ربنا يخبرنا بيها عن الملائكة 🌸يعنى ببساطة في غيبيات كتير أحنا مش بنشوفها بعنينا ولكن إيماننا بالله عز وجل هو المحرك الاساسي نحو الإيمان بكل الغيبيات دي 🌿إيماننا بالله هيخلينا نؤمن بالكتب السابقة وجميع الرسل. 🌸طيب خلاص حصل الإيمان ده والتصديق ده وحصلنا على أول مرحلة من البر . 🤔إيه بقا مقتضيات الإيمان ده ؟ 🌸مقتضيات البر ده إننا نبدأ نبذل في سبيل الله وهنا هيبان البر الحقيقي لإن البر الحقيقي هيكون فيه مشقة أحيانا على الإنسان لإنه 🍃هيبذل من ماله ووقته وجهده 🍃هيؤثر طاعة الله عز وجل على هوى نفسه 🍃هيفضل مراد الله عز وجل على مراده هو 🍃هيبدأ يخرج من قوقعة حب المال 🍃وهيبدأ ينفق في سبيل الله وهينوع مصادر الإنفاق دي فهينفق على الأقارب الفقراء حتى لو هما مش بيوصلونا 🌸لإن مش بتصدق عليهم عشان يصلوني ولا لإني منتظر منهم حاجة ولكن البر في الإنفاق يتطلب الإخلاص ويتطلب إني منتظرش حاجة منهم بل يتطلب إني أتحمل أحيانا أذاهم وانفق عليهم من أجل الله عز وجل. 🌸وده اللي حصل مع أبو بكر الصديق رضي الله عنه لما الصحابي مسطح تكلم عن السيدة عائشة في حادثة الإفك ونال منها. ولما عرف أبو بكر أقسم إنه مش هينفق عليه لإن مسطح كان فقير وأبو بكر كان بيتولاه بالإنفاق تنزل👇 الايه الكريمة لَا يَأْتَلِ أُولُو الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَىٰ وَالْمَسَاكِينَ وَالْمُهَاجِرِينَ فِي سَبِيلِ اللَّهِ ۖ وَلْيَعْفُوا وَلْيَصْفَحُوا ۗ أَلَا تُحِبُّونَ أَن يَغْفِرَ اللَّهُ لَكُمْ ۗ وَاللَّهُ غَفُورٌ رَّحِيمٌ لما نزلت الأية دي أبو بكر قال بلي أحب أن يغفر الله لي وزاد من إنفاقه على مسطح أكتر من الأول هنا يظهر البر بإني أتخطى حدود مشاعري وغضبي وأستمر في الإنفاق رغبة في إرضاء الله . وهنا تظهر النوايا الحقيقية أنا بنفق لله ولا لغرض دنيوي وهنا يظهر لك هل أنت من أهل البر حقيقة أم من أهل البر ظاهرا فقط. ✍بقلم رضا الجنيدى #البر #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy