🌸 البر 🌸 3⃣ 🌸نشوف مشهد تاني من مشاهد بر الله عز وجل بنا قلنا إن البر هو المحسن بلا حدود وعظيم الإحسان 🌸طيب من مشاهد إحسان الله عز و جل لنا وبره بنا الحديث القدسي الرائع ده: عَنْ أَبِي هُرَيْرَةَ رَضِيَ اللَّهُ عَنْهُ ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : " إِنَّ اللَّهَ عَزَّ وَجَلَّ لَيَرْفَعُ لِلْعَبْدِ الدَّرَجَةَ ، فَيَقُولُ : أَيْ رَبِّ أَنَّى لِي هَذِهِ الدَّرَجَةُ ؟ فَيَقُولُ : بِدُعَاءِ وَلَدِكَ لَكَ . 🍃يعنى ببساطة كده أجي يوم القيامة وأعمالي بتقول إني أكون في درجة معينة في الجنة أجد نفسي في درجة أعلى أتعجب!!!! أسأل الله عز وجل؟؟؟. يارب ازاي أنا بقيت في الدرجة دي أكتشف إنه بسبب استغفار ولادي ليا يا سبحان الله على إحسان الله عز وجل ! 🌸طيب يا جماعة تعالوا نطبق ده عملي أولا محتاجين نبر أبائنا اللي رحلوا عن الحياة نفتكرهم باستغفار مش احنا برضه مأمورين ببرهم؟ أهو نوع من أنواع البر للي اتحرم من بر والديه في حياتهم عشان كان بعيد عن ربنا أو اللي برهم و عاوز يبرهم اكتر 🍃استغفر لوالديك 🍃تصدق عنهم 🍃ادع لهم 🌸تخلق باسم الله البر حقق وصية ربك ليك "ووصينا الإنسان بوالديه " 🌸طيب نبر نفسنا تاني ازاي من خلال الحديث ده؟ 🍃ببساطة عودوا ولادكم من دلوقتي يدعولكم 🍃لما يجوا يصلوا قولولهم ادعولي بحب دعائكم😘 🍃خلوهم يسمعوكم وانتم بتدعوا لأبائكم وأمهاتكم 🍃عرفوهم إنك بتتصدقوا عنهم. 🌸ساعدوهم إنهم يبروكم بعد عمر طويل إن شاء الله. ✍بقلم رضا الجنيدى #البر #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy