🌸 البر 🌸 2⃣ 🌸طيب خلونا نمشي تطبيق عملي خطوة بخطوة💪 🤔إيه التطبيق العملي اللي ممكن اطبقه في الجزء اللي فات ده؟ 🌸بداية كده اشوف ذريتى وانتبه ليها وأحاول أقربها من ربنا سبحانه وتعالى ميكونش كل اهتمامي بالدنيا والتعليم وبس وأمر الاخرة أكون غافلة عنه. 🌿تكون الدروس الخصوصية اهم عندي من القرآن عشان الدنيا غالية فالدرس أهم والقرآن مفيش فلوس ليه للاسف😔 أو إني مخلية القرآن في الصيف بس 🌿أو إني بصحي الولاد للمدرسة عشان ميفوتهومش اليوم الدراسي لكن الصلاة الجو برد حرام اسيبهم نايمين شوية😥😥😥 🌿خليكي محسنة مع ولادك وحاولي تقربيهم بالحب واللطف لله عز وجل عشان يكون لك نصيب من اسم الله البر وعشان ربنا يرزقهم الدرجات العلى بإذن الله. 🌸 كمان من البر إنك تبري نفسك وتحسنى ليها وشوفي حال مامتك وباباكِ لو هما أعلى منك في الإيمان ليه محسنش لنفسي وأكون زيهم وامشي على نهجهم؟ طيب بلاش ده عشان لو الأم والأب بعاد عن ربنا مثلا 🌸عاوزين نبر نفسنا ونحسن إليها ملناش غير نفسنا في الآخرة يا جماعة والله كلنا هنهرب من بعض يوم الحساب هنهرب من الأم والأب والزوج والصديق والولاد وكلهم هيهربوا مننا 🤔طب نبر نفسنا ونحسن إليها ونقيها النار اللي وقودها الناس والحجارة نبرها بإننا نتقي الله عز وجل وأول خطوات التقوى إن ربنا سبحانه وتعالى يراني حيث أمرني يعنى وقت الصلاة ربنا يراني وأنا واقفة على سجادة صلاتي بصلي مش قاعدة على النت أو أدام التلفزيون ولا حتى قاعدة أقرأ القرآن. 🌸خلونا أول تطبيق عملي للبر بأنفسنا إننا نحافظ على الصلاة في أوقاتها ووقت الصلاة نترك كل ما في ايدينا ونقول: "وعجلت إليك ربي لترضى" 🌸من البر بأنفسنا من خلال الآيات السابقة إني أستزيد لنفسي من الدعاء 🍃الدعاء ده الكنز اللي بندخره ليوم القيامة مش بس للدنيا 🍃يعنى ندعي بيقين وبتضرع وبإشفاق ووجل 🍃ندعي إن ربنا يحمينا من النار ويتفضل علينا ببره واحسانه بنعيم الجنة عشان يوم القيامة لما نقبل على بعض ونسأل بعض عن سبب دخولنا الجنة نردد بفرح وسعادة "إنا كنا من قبل ندعوه إنه هو البر الرحيم" 🌸هندعو الله البر عظيم الإحسان بإنه بإحسانه وبره يتفضل علينا بالجنة مش بعملنا ولكن بفضله وإن شاء الله نجد استجابة الدعاء ده في الاخرة ونسعد بالاستجابة دي.❤❤❤ ✍بقلم رضا الجنيدى #البر #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy