🌸الودود🌸 3⃣1⃣ صور الود جميلة جدا وكتيرة جدا بس أنا جبت نماذج بسيطة عشان نوصل لمعنى الودود الذي يخلق الود بين عباده طب دلوقتي ازاي بقا انا اوصل لمرحلة ان الناس تشيلي ود في قلبها الناس تحبنى❤️ ؟ 🌸سلامة الصدر جميلة اوي واجرها عند الله كبير ولكن وحدها لا تكفي لإن الناس تحبك❤️ انا عاوزة خطوات عملية الناس تحبنا من خلالها 🌸يعنى بذل الخير للناس من اهم الحاجات اللي بتخلي الناس بتحبك فعلا لما تستشعر انك بتحاولي تساعديهم من غير مصلحة منتظراها 🌸الاحساس بمشاعر الناس ومشاركتهم احزانهم وافراحهم التواضع وعدم التكبر على الناس 🍃ممكن كمان الابتسامة 😊 🍃العفوية ونقاء القلب 💖 🍃الكلمات اللطيفة 🌸 🍃المساعدة وتخفيف الحزن والاهتمام عموما بيجلب الود ✨ 🌸عَنْ أَبِي هُرَيْرَةَ رضي الله عنه قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : "لَا تَدْخُلُونَ الْجَنَّةَ حَتَّى تُؤْمِنُوا ، وَلَا تُؤْمِنُوا حَتَّى تَحَابُّوا ، أَوَلَا أَدُلُّكُمْ عَلَى شَيْءٍ إِذَا فَعَلْتُمُوهُ تَحَابَبْتُمْ؟ أَفْشُوا السَّلَامَ بَيْنَكُمْ " . رواه مسلم في صحيح 🌸الرسول صلى الله عليه وسلم جعل الحب بين المسلمين جزء اساسي لاستكمال الإيمان وجعل السلام سبب اساسي لتكون علاقة الحب ❤️ 🌸لما بتكوني في مكان وتسلمي على حد بحب كده بيتوصله رسايل قلبك وبتوصل المشاعر 🌸ساعات كده الاقي ناس بيسلموا عليا بستشعر في لمسة ايديهم🤝 والله الحب❤️ العميق سبحان الله السلام الصادق الجميل سبب من اسباب زرع الحب في القلوب 🌸من اساليب زرع الحب❤️ في القلوب الهدية النبي صلى الله عليه وسلم بيقول تهادوا تحابوا سبحان الله الهدايا🎁 فعلا بتعمل تحولات عجيبة في نفوس البشر ومش شرط يكونوا محتاجين الهدية دي ابدا ولكن الهدايا فعلا بترقق القلب وبتعمل علاقة جميلة بين القلوب وخاصة مع الوقت وتكرارها 🌸مش لازم الهدية🎁 تكون غالية على فكرة في ناس بتحبنى وبحبهم وساعات يجيبولي هدية شكولاتة حتى لو شكولاتة تمنها كام جنيه بس ولكن هتفرح اللي ادامك لما يحس انك افتكرتيه مخصوص بحاجة بيحبها مش لازم تجيبى هدية غالية لو عملتي طبق حلويات وهاديتى بيه حد بتحبه هدية حلوة برضه عادي يعنى بس احنا بنحط في مخنا ان الهدية لازم تكون حاجة غالية بقا وكبيرة اوي بالعكس والله كل ما الهدية ما بتكون بسيطة كده الواحد بيحس انها طالعة من القلب اكتر 🌸من اكبر الاساليب اللي بتزرع الود❤️ احسان الظن 🌸ومن اكتر الامور اللي بتزرع البغضاء😒 سوء الظن دايما احملي تصرفات وكلام اللي حواليك على محمل حسن إلى ان يظهر غير ذلك و قد قيل: الحب❤️ يتحمل الموت والبعد أكثر مما يتحمل الشك وسوء الظن. 🌸يقول سفيان بن حسين: ( ذكرت رجلاً بسوء عند إياس بن معاوية، فنظر في وجهي، وقال: أغزوتَ الرومَ؟ قلت: لا، قال: فالسِّند والهند والترك؟ قلت: لا، قال: أفَتسلَم منك الروم والسِّند والهند والترك، ولم يسلَمْ منك أخوك المسلم؟! قال: فلَم أعُد بعدها )). 🌸🔴عاوزة من المشهد ده اقولك حاجة مهمة جدا 🍃كل ما بتحفظي لسانك عن اللي حواليك حبك في قلبهم بيزيد اكتر كل كلمة بتتقال بتتنقل وغالبا بتوصل تاني للي اتكلمنا عنه 🌸الكلام ده بيزرع البغضاء في القلب طب انت احفظي لسانك👅 عن الخوض فيمن حولك عشان ربنا يديم الحب❤️ بينكم. 🌸احنا اخدنا بعض الأساليب البسيطة اللي تخلي في مودة بينا وبين الناس أسأل الله أن يجعل بيننا وبين قلوب المؤمنين ودا❤❤❤ ✍بقلم رضا الجنيدى #الودود #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy