🌸الودود🌸 2⃣1⃣ 🌸طيب بخصوص الحياة الزوجية النبي صلى الله عليه وسلم قال وصف لخير النساء 🌸مين هي خير النساء خير نساءكم الودود الولود المواتية المواسية 🍃الودود يعنى المرأة اللي بتحاول تتودد لزوجها بالكلمة الحلوة بالتصرف الجميل بالأفعال الطيبة بالمظهر الحلو وهكذا الولود معروفة 🍃طيب المواتية يعنى المرأة اللينة اللي مفيهاش غلظة ولاحدة ولا استكبار ولا استعلاء على الزوج 🍃المواسية يعنى اللي بتواسي زوجها وبتقف جنبه 🌸شوفوا ربنا ذكر اول صفة الودود عشان النساء اللي كنا بنشرح انماطهم في محاضرة انماط الشخصية ولقينا نمطهم عقلانين تماما 🎀بنقولهم👇 العقلانية دي صفة مخلوفة في الرجل والعاطفية صفة مخلوقة في المرأة جميل انك تتسمي بالحكمة ولكن ليس بعقلانية الرجل املي قلبك ود املي تصرفاتك ود نسأل الله ان يؤلف بين قلوبنا وقلوب ازواجنا وإلا يجعل بأسنا بيننا 🌸من الحاجات الجميلة اللي ربنا امرنا بيها كأزواج ان لو حصل طلاق رجعي اللي هو الطلقة الاولى والتانية المرأة متخرجش من البيت والزوج مش من حقه يخرجها شرعا ولكن تفضل قاعدة في البيت لحد فترة العدة ما تخلص طب ليه الحكم ده؟ " لا تدري لعل الله يحدث بعد ذلك أمرا" يمكن يحصل موقف كده يحرك القلب فترجع المودة تاني في لحظة بأمر من الودود عز وجل 🌸من انواع خلق الود بين قلوب المؤمنين الود اللي بيكون بينك وبين اختك في الله تحبي حد اوي في الله تحسي انها جزء منك ان هي انت سعادتها هي سعادتك حزنها سبب حزنك تحبي تشوفيها وتسعديها بتحبيها من غير سبب مش عشان عاوزة منها مصلحة او فايدة تروحي تزوريها لله كده مش لاي سبب تاني مين اللي زرع الحب ده بينكم الودود عز وجل يرزقك اخت في الله تكون لك في السراء والضراء خير معين تكون لك دليل ومعين في طريق الحق تكون مراية ليك تبصرك بعيوبك ربنا يرزقك الانسانة دي ويرزقك حبها ويرزقها حبك ومش بس كده يجمعكم يوم القيامة على منابر من نور يغبطكم عليها الشهداء والانبياء عن معاذ رَضِيَ اللَّهُ عَنْهُ قال سمعت رَسُول اللَّهِ صَلَّى اللَّهُ عَلَيْهِ وَسَلَّم يقول:قال اللَّه عَزَّ وَجَلَّ: المتحابون في جلالي لهم منابر من نور يغبطهم النبيون والشهداء ( رَوَاهُ التِّرْمِذِيُّ وَقَالَ حَدِيْثٌ حَسَنٌ صحيح) . 🌸 يا ترى حسيتي الاحساس ده قبل كده🤔؟ يا ترى كلمة اني احبك في الله لما بنقولها بنكون مدركين معناها وحاسيين بالاحساس ده 🌸طب لو انا بحب اختي دي في الله بس قعدت فترة هي مسألتش عليا وبعدين جات تتصل عليا او انا اتصل عليها بعمل ايه بمسكها كده اديها كلمتين تمام وأنبها ولا بلتمس لها العذر 🌸لما بتنصحنى نصيحة بغضب😡 وازعل☹️ واقلب وشي او ابقى طول اليوم متضايقة منها ولا ببقا فاهمة انها بتحبنى فعلا وخايفة عليا من قلبها. ❤️الحب في الله رزق يا بخت فعلا من رزقه الودود بهذا الرزق أسأل الله أن يرزقنا جميعا احبة في الله صادقين في حبهم ويجعلنا صادقين في حبنا لهم ✍بقلم رضا الجنيدى #الودود #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy