🌸الودود🌸 🔟 🌸طب ايه تاني يوصلنا لمرحلة الإيمان والود الخاص وحب الله عز وجل لينا؟ يقول الله عز وجل: (وَاللَّهُ يُحِبُّ الصَّابِرِينَ) مقام الصبر مقام عالي جدا مش أي حد يوصله. ربنا يرزقنا الصبر يارب الصبر معناه👇 حبْس النفس عن الجزَع والتسخُّط، وحبس اللسان عن الشكوى، وحبس الجوارح عن الإتيان بأي عملٍ يُنافي الصبر. 🌸يعنى ايه الكلام ده 🤔 يعنى ماتسخطيش وتقولي ليه ربنا بيعمل فيا كده ولكن ارضي بقضاء الله وتأكدي إنه هو الخير ليك. تأكدي إن حتى المصيبة اللي بتمري بيها احيانا بتكون ود من الله ليك تخيلي🤔 ايوه عشان يقربك ليه عشان يطهرك من ذنوبك عشان يرفع درجاتك فأول تطبيق للصبر متسخطيش وارضي عن الله وعن أفعاله. تاني معنى تحبسي لسانك عن الشكوى متمشيش تشكي لطوب الأرض وتفضلي تحكي دا انا حصلي وحصلي وحصلي طب انت بتشكي مين لمين بتشكي ربنا لعباده ؟ 🌸ما هي دي أفعال ربنا سبحانه وتعالى حاولي تمشي بالآية القرآنية "إنما أشكو بثى وحزني إلى الله" صحيح من وقت للتاني هتحتاجي تفضفضي وتخرجي من اللي انت فيه ممكن تفضفضي لحد بتحبيه وخلاص ولكن مش همشي أشكي وأحكي لكل الناس وأعيش في دور الضحية والمظلومة واللي حياتها لونها أسود واللي شايلة هموم الارض كلها 🌸طيب تالت حاجة حبس الجوارح عن أي فعل يغضب الله يعنى ايه 🍃يعنى مثلا الواحدة اللي لو مات لها حد تفضل تصرخ وتصرخ وممكن تلطم على وجهها وممن تقطع هدومها 🌸عودي نفسك من دلوقتي كده اي حاجة صغيرة وحشة تحصل لك تقولي بشكل تلقائي إنا لله وإنا اليه راجعون 🌸عشان لا قدر الله لو حصل لك ابتلاء تلاقيها بتجري على لسانك لا شعوريا وتلاقي نفسك ماسكة نفسك ومعملتش سلوك يغضب الله عز وجل. 🌸من الحاجات اللي تجعلنا نحصل على حب الله عز وجل وننعم بيه التقوى التقوى دي حكاية كبيرة وطول ما أحنا ماشيين بندرب نفسنا عليها نوصل مرة ونقع مره بس المهم نحاول ونجتهد لحد ما نتنعم بيها إن شاء الله 🌸اسأل الله ان يرزقنى و اياكم التقوى ربنا سبحانه وتعالى بيقول: إِنَّ اللَّهَ يُحِبُّ الْمُتَّقِينَ ﴾ طب يعنى أيه تقوى اصلا؟ يعنى ببساطة كده تخلي بينك وبين الحاجة اللي تأذيك وقاية طيب ايه اكتر حاجة تأذينا؟ المعاصي والذنوب وعدم طاعة الله عزو جل 🌸قال عمر بن الخطاب لأبي بن كعب : ما معنى التقوى التي أكثر الله من ذكرها في كتابه ؟ فقال أبيْ : يا أمير المؤمنين أما سلكت طريقا ذا شوك ؟ قال: بلى ، قال فماذا كنت تفعل؟ قال: كنت أشمر ثيابي وأحترز . قال: هذه التقوى 🌸قال ابن كثير : وقد أخذ ابن المعتز هذا المعنى من أبي بن كعب فنظمه فقال : خـــــل الذنوب صغيرها وكبـيرها ذاك التقــــــــى واصنــع كمــاش فــوق أرض الشـــوك يـــحذر ما يرى لا تحقرن صغيـــــــرة إن الجبـــل من الحصــــــى 🌸يعنى ببساطة لو ماشية في طريق كله شوك كله زجاج مكسر كله حاجات هتأذيك هتمشي برجلك كده عادي وأنت قلبك جامد ولا هتلبسي حاجة متينة في رجلك وهتحاولي ترفعي رجلك وتبعدي عن الأماكن اللي فيها الشوك والزجاج؟ 🌸من التقوى انك تبعدي عن صغائر الذنوب لإن الصغائر بتكرراها بتبقا عاملة زي الجبل من السيئات ونفتكر إن الصغيرة في حق الله كبيرة يعنى احنا مش بننظر لصغر المعصية يا جماعة كما قيل ولكن ننظر إلى عظمة من عصينا نفتكر ده ذنب عملناه في حق مين؟ في حق الله عز وجل فنحس انه كبير جدا وانه يستحق التوبة وانه يستحق التقوى بإننا منكررهوش تاني ابدا. 🌸من الحاجات اللي نعملها عشان ربنا سبحانه وتعالى يحبنا التوكل على الله إن الله يحب المتوكلين يعنى ايه توكل اعتماد القلب على الله تعالى في استجلاب المصالح ودفع المضار يعنى انت بتاخدي بالاسباب بس قلبك معلق بمسبب الاسباب مش بالسبب انا باخد الدوا بس يقينى ان ربنا هو الشافي مش الدوا الدوا مجرد سبب انا بتعبد لله بيه وانا باخده اني باخد بالاسباب 🍃انا بذاكر كويس بس بتبرأ من حولي وقوتي وعارفه ان تفوقي وتميزي هو من الله عز وجل مبركنش للسبب يعنى التوكل قلبي معتمد على الله ولكن مع اخذ السبب مينفعش توكل من غير اسباب 🍃نعمل زي الطيور اللي بتخرج من اعشاشها كل يوم الصبح وهي بطنها فاضية وبتاخد بالاسباب فربنا بيرزقها 🌸عاوزة اتغير واعدل من عيوبي واصلح نفسي واصلح اسلوبي مع ولادي ولا مع صحابي ولا في ادارة حياتي بتوكل على الله وباخد بالاسباب 🌸التوكل معناه اني افوض امري لله ارمي حمولي على بابه اعرف اني مليش معين غيره ان البشر كلهم ممكن يتعاطفوا معايا في مشكلتى ممكن يزعلوا عشاني ممكن يحاولوا يساعدوني ممكن يساعدوني بالفعل 🌸لكن مين اللي بايده حل مشكلتى وتغيير حالي للأفضل 🔴الله عز وجل☝️ 🔴الله فقط☝️ ✍بقلم رضا الجنيدى #الودود #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy