🌸الودود🌸 8⃣ 🌸كل مظاهر الكون حولنا سواء مظاهر أساسية أو جمالية هي من مظاهر تودد الله عز وجل لينا. 🌸 كل مظاهر تكوينا الجسدي الداخلي والخارجي من مظاهر ود الله عز وجل لينا 🌸كل ده بنتعرف من خلاله على المعنى الأول لاسم الله الودود وهو الذي يتودد إلى عباده بالنعم 🌸طيب ازاي أتعامل مع الجزئية دي؟ وايه الأثر الإيماني للمعنى ده واللي المفترض إني أطبقه في حياتي عشان أكون عايشة مع الاسم ده بشكل صح؟ 🍃أولا متنسيش شكر ربنا على نعمه، واتعودي تشوفي النعم اللي بنغفل عنها احمدي ربنا على الحاجات اللي اتعودنا إنها حق مكتسب لينا. 🌸كان في حاجة حلوة عملتها مع بناتي في فصل الزهور وهي إننا عملنا نوتة اسمها نوتة الحمد وأنا عملتها معاهم وبقينا كل يوم نكتب نعمة من نعم ربنا تستحق الحمد. 🌸جربي تعمل النوتة دي عشان لما تلاقي نفسك مخنوقة عشان ناقصك حاجة أو تعبانة عشان في احتياج مش عندك تشوفي قدر النعم اللي أنت متنعمة فيها. 🍃أثر إيماني تاني للاسم ده إنك تتفكري في خلق السموات والارض وتشوفي النعمة اللي داخل كل حاجة. التفكر عبادة رائعة بتؤجري عليها ولكن مش كلنا بننتبه ليا للأسف. 🍃🔴أثر إيماني تاني مهم جدا هو إني أحافظ على النعم دي. مش معنى إنها نعم مجانية إني أتعامل معاها بسوء حكمة وسوء استخدام كل حاجة في الكون حواليك ربنا جعلها ملكك ولكن أحسني استخدامها. جددي النية إنك بتحسنى استخدامها حفاظا على النعم اللي الودود سبحانه وتعالى تودد إليك بيها. تخيلي _ولله المثل الاعلى_ لما يكون حد جايبلك هدية وأنت بتقطعي فيها أو بترميها أو بتهمليها! تخيلي الوضع عامل إزاي! كإنك بتقولي للحد ده هديتك مش مهمة، وكإن الحد ده مش مهم عندك. تخيلي -ولله المثل الأعلى- إنك بتهملي في نعم الله عز وجل 🔴طب ينفع إن ربك يتودد إليك بالنعم وانت تهملي في نعمه؟ ✍بقلم رضا الجنيدى #الودود #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy