🌸الودود🌸 7⃣ من ود الله لينا خلق لنا أعضاءنا الحيوية بتشتغل بدون تحكم مننا..بشكل لا إرادي 🌸تخيلي لو أنت عشان تخلي قلبك يدق ويقوم بعملياته الحيوية ويضخ الدماء وغيره هتعملي ده بشكل إرادي زي لما بتحركي ايديك ورجلك .. تخيلي مدى المعاناة والتعب والاجهاد اللي كان ممكن يحصل لنا 🌸ولكنه الودود تودد إلى عباده بان يسر لهم حالهم وسهل لهم أمرهم فنحن والله غارقون في نعم الله عز وجل التي يتودد بها الينا ومع ذلك بنغفل عنها ..مش بنفكر إنها نعمة كام مرة فكرنا نشكر ربنا على قلبنا اللي بيدق 🔷على الكلى اللي بتقوم بوظائفها 🔷على جهازنا العصبي 🔷على كرات الدم البيضا وجهاز المناعة اللي شغال كإنه جيش بيحمينا من أي عدو 🔷على كل عضو في جسمنا قايم بشغله ليل نهار من غير حول منا ولا قوة 🌸كل دي نعم يتودد الله عز وجل بها لعباده ولكن البشر في طبعهم إما الجحود وإما النسيان وإما الاعتياد وإيلاف النعمة والتعود عليها فميحسش بحلاوتها ونعمتها. 🎀من مظاهر ود الله عزو جل لينا نعمة النسيان ايوه النسيان نعمة 🌸تخيلوا الإنسان لما بيموت ليه حد لو هيفضل طول العمر يتذكره كان هيكون ايه حاله لكن غصب عنا ومش بارادتنا بننسى فكري فيها كده وشوفي يوم ما توفى لك حد هل نفس احساسك زي النهارده تخيلي لو كل يوم هو احساسك نفسه احساس اول يوم 🌸المرأة المطلقة اللي عاشت مع زوجها سنين وبعدين طلقت منه وحست بصدمة بعد الانفصال وشعرت إن الدنيا وقفت على كده وبعدين بدأت تنسى وتتعافى وتنطلق في الحياة النسيان ده مش نعمة برضه؟ نعمة كبيرة من مظاهر ود الله عزو جل لينا فالحمد لله على نعمه التي لا تعد ولا تحصى الحمد لله على نعمه التي ندركها والتي لاندركها 🎀من مظاهر ود الله لينا كبشر إنه خلق لنا قلب وعقل ايوه بجد يا جماعة فكروا في النقطة دي كويس اوي اوي ربنا خلق لك قلب تحسي بيه وعقل تفكري بيه عشان تبقي متوازنه في حياتك عشان تعرفي تاخدي قرارتك صح عشان تعرفي تستخدمي العقل وقت احتياج العقل والقلب وقت احتياج القلب نعمة كبيرة لا يدركها الا من وصل لمرحلة التوازن ما بين القلب والعقل نعمة كبيرة يستشعر الم فقدها اللي عايش بقلبه بس ومش عارف يحكم عقله في اي امر فعايش تعبان واللي عايش بعقله بس بدون مشاعر فعايش تعبان 🌸ربنا الودود خلق لك القلب والعقل عشان تتوازني لو انت مش متوازنة يبقا المشكلة عندك انت عشان معرفتيش تستخدمي النعمة اللي تودد الودود بها اليك بشكل صح 🎀من مظاهر ود الودود لينا انه خلق الإنسان لما يصلح له 🌸يعنى لإن الأم هي اللي بتربي وبتتعامل مع الابناء خلى عاطفتها اقوى من العقل عندها 🌸ولإن الرجل بيخطط وبيخرج للعمل وبيحتك خلى العقل هو المسيطر عنده تخيلي بقا لو الامور مختلفة والرجل خارج لشغله بقلبه الحنين الرقيقي والست قاعدة تربي العيال بالعقل وكل حاجة بضوابط معينة وماشية معاهم بالمسطرة الحياة هتبقا متغلبطة بشكل يستدعي النفور من الحياة اصلا 🎀من مظاهر ود الله عز وجل لينا إنه خلق لينا شكلنا حلو شكلنا في احسن تقويم 🌸مش بتكلم عن ملامح ولكن الخلقة نفسها تخيلي لو عينك فوق راسك وعشان تشوفي لازم توطي راسك لتحت تخيلي لو بتمشي على بطنك بدل رجليكِ 🌸استواء الخلقة دي نعمة تستحق الشكر 🔴تودد الله لنا بيها ولكن احنا برضه اعتدنا عليها وايلاف النعمة بيخلينا ننسى الودود وننسى نعمه وبالتالي ننسى نؤدي حق النعم دي ✍بقلم رضا الجنيدى #الودود #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy