🌸الودود🌸 6⃣ طيب يا قمرات احنا شفنا خطوة من الخطوات اللي تخلي ربنا سبحانه وتعالى يحبنا 🌸تعالوا دلوقتي نشوف المظاهر اللي في الكون اللي بتدل على تودد الله لينا وبعدين نشوف خطوة تانية من الخطوات اللي توصلنا لحب الله عز وجل 🎀من مظاهر ود ربنا سبحانه وتعالى لينا حاجة عجيبة جدا، والله الواحد بيتعجب ليها بالفعل ولكنه سبحانه الملك الودود الإنسان يُذنب يرتكب الجرم في حق نفسه وفي حق الله عز وجل ومع ذلك لا يعرض الله عنه، بل يناديه ويرسل له رسائل ربانية كتير تشده للتوبة يبقا الإنسان منا في طريق المعصية ومنغمس فيها، وتلاقي ربنا سبحانه وتعالى بعت لك اللي ياخد بايدك ويردك لطريق الهداية هو ده مش من ود ربنا لينا؟ مش بس كده ييسر لك طريق التوبة والهداية وتتوبي يغفر لك ذنوبك ويبدلها حسنات وبعدين يتنعم عليك بإنه يحبك سبحان الله! أمر يدعو للعجب المفترض في قوانين البشر إن العاصي يكون عند توبته في وضع يستدعي المعاتبة، والتأديب، ولكنه الله وقوانين الله عز وجل غير قوانين البشر قوانين الله عز وجل مختلفة تماما وده مش بس من كرم الله ولكنه من ود الله عز وجل لينا كمسلمين يا ترى مستشعرة ده؟ 🎀من مظاهر ود الله عز وجل لينا الهواء اللي بنتنفسه ايوه انا بستشعر ده فعلا بستشعر أنه أكثر من رزق إنه ود تخيلي لو الهواء ده بفلوس لو ملك الاغنياء فقط لو في ايد الملوك والحكام تخيلي حالنا هيكون عامل ازاي والله لو فكرنا بس في الهواء اللي ربنا خلقه لينا وجعله متاح للجميع حتى الكافر العاصي الهواء للجميع وده من مظاهر ود الله عز وجل للإنسان عامةوليس للمؤمن فقط 🌸من معاني اسم الله الودود أنه هو الذي يتودد إلى عباده بالنعم يعنى النعم دي مش مجرد رزق يا جماعة عاوزين نحس الأمر بشكل مختلف نحس المعنى ده ❤️الود العام هو ود الله لخلقه جميعا خلق لنا الهواء الماء السماء البحار الأنهار النباتات الحيوانات كل ده لكل البشر ❤️أما الود الخاص فده للمؤمنين وده امر مختلف تماما 🔴أحنا في الاول بنشرح الود العام اللي هو لجميع البشر تعالوا كده ننظر نظرة في الكون وفي انفسنا ونشوف الود العام لكل البشر وياريت تشاركوني مشاعركم ونظرتكم للأمر من ود الله عز وجل إنه خلق لنا الأرض مستوية 🌸يعنى تخيلي كده لو الارض مش مستوية وعشان تروحي مشوار تشتري حاجة ولا حد رايح شغله يفضل طالع تل، ونازل على جبل لحد ما يتهد حيله استواء الأرض نعمة كبيرة جدا تودد الله بها لعباده ود عام 🍃 أي لجميع البشر ✍بقلم رضا الجنيدى #الودود #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy