🌸الودود🌸 2⃣ الود اللي ربنا هيجعلهولك في قلوب خلقه هيكون أمر إلهي محدش يقدر يكون ليه فيه كلام تاني ربنا سبحانه وتعالى هيبلغ جبريل عليه السلام إنه بيحبك تخيلي دي لو أنت كنت من أهل الحظوة دي يا ترى هيكون إحساسك أيه؟ مش بس كده ده ربنا سبحانه وتعالى هيدي أمر لجبريل حامل الرسالات والكتب السماوية إلى الأرض إنه يحبك مش بس كده جبريل ينادي في أهل السما ويأمرهم إنهم يحبوكِ لإن ربنا يبحبك وربنا أمر بكده تخيلي أهل السما كلهم بقوا يحبوكِ أيه الجمال ده كله!!! ايه العظمة دي!!! ايه الكرم ده!!! ايه الود ده كله من ربنا سبحانه وتعالى!!! دي كفاية دي والله بالدنيا وما فيها حتى لو أهل الأرض لقينا منهم الصدود والهجر والجحود ولكن الله الودود بعد كل هذا الكرم يضع لك القبول في الأرض فكل ما تروحي مكان كده تلاقي الناس بتألفك وبتحبك وبتحس أنك واحدة منهم الكبير والصغير الغنى والفقير المتعلم والأمي طبعا هيكون لك بعض الكارهين والحاقدين ده طبيعي وهنعرف ليه برضه مع بعض ادام شوية 🌸تعالوا نشوف مع بعض الدليل على كلامي ده عن أبي هريرة - رضي الله عنه - أن رسول الله - صلى الله عليه وسلم - قال: ((إذا أحب الله العبد نادى جبريل: إن الله يحب فلانًا فأحببْه فيحبه جبريل، فينادي جبريل في أهل السماء: إن الله يحب فلانًا فأحبوه، فيحبه أهل السماء، ثم يوضع له القبول في الأرض))؛ متفق عليه. 🌸أنا عاوزاكِ النهارده كده تعيشي بإحساسك مع الموقف ده موقف إن ربنا بيحبك وبيأمر خلقه بحبك عاوزاك تفكري في حد بتحبيه اوي ورغم ذلك ملقتيش مقابل الحب ده عنده سواء بالمشاعر أو السلوك ألا يكفيكِ أن يحبك الله ويتودد إليك ويخبر جبريل بحبك ثم يأمر أهل السماء بحبك؟ الإحساس ده مش كفيل إنه يخليك تكتفي بالله وبحب الله ؟ الإحساس ده مش كفيل إنه يرفع معنوياتك اوي؟ يديك احساس بالأمل وبجمال الحياة؟ 🌸طيب أحنا عاوزين نوصل للمرحلة اللي يكون ربنا سبحانه وتعالى بيحبنا فيها بالفعل ..يا ترى نوصل لده ازاي ؟ نوصل ازاي للمرحلة اللي ربنا سبحانه وتعالى يجعل لنا ودا؟ ✍بقلم رضا الجنيدى #الودود #أسماء_الله_الحسنى جروب حياة القلوب👇 https://t.center/joinchat/FBi6QENHPTFvEnwTEDkBFg صفحة المدربة والمستشارة الأسرية رضا الجنيدي على التلجرام👇 @Redaalgeneedy صفحتنا على الفيس بوك👇 https://m.facebook.com/Reda.Geneedy