کانال شهرستان الیگودرز

عاشق او کَسیوم که غَمِه پاتِل بِکُنه
مِنِه گیرِ زِندیی چاره بِسی دِل بِکُنه

مُرده ی او کَسیوم تا به یه جایی اِرَسه
چی درخت پُرثمر سَیل سَرِه گِل بِکُنه

هر که عاشق اِبوئه نِصم دِلِس تِی گُلِسه
کاش که او یار بِخو تا دِلِه کامِل بِکُنه

چی نَمنده منه دنیا که نسازه ای بشر
کاش یَچی راس کُنِن لیوِنه عاقِل بِکُنه

یو دو روزه که یه دردی مِنِه سینه مونه کُشت
مَر اِبوهه که یَه دایی بَچِّسه وِل بِکُنه؟

هو که وا درد و غما هی سَرِنُک زَهنه به گِل
وا اُمیدس به خدا بوهه که واکِل بِکُنه

#رضا_همتی_موگویی

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌#کانال_شهرستان_الیــگودرز
https://t.me/joinchat/AAAAADyGmUFL9a9AessaLg

#مهردادناصری👇
زمین جُهمِست و دُنیانه تَکون داد
زمونه غم ببار آبید و جون داد
زِ داغی که به ایرونُم رسیده
فلک رُهمِست و هُمدَردی نِشون داد.

#فیض_الله_طاهری_اردلی👇
به" سَرپُل"سازِچپ اوفتاده وا کار
زَنه " فرهاد" وا سَر اِز غمِ یار
"زمین جُمبِش" پُلفنی "بیسُتونه"
خَور وی" قصرِشیرین" بیده آوار.

#رضا_همتی_موگویی👇
زمین جُهمسته روز آبی شَوِ تار
همه ایرون زنو وابین عزادار
ز کِرمونشاه اِیا هی جار و اَمداد
تموم ِ گویَلُم رَهن زیر آوار.

#روح_اله_شیرازی_موگویی👇
نَه مَه مَندِه بِه شَوگارُم،نَه پَروین
یَه تی هَرس وُ یَه تیم آبیدِه وا حین
رِوُم فَرهادِنِه آروُم بِه هِی جار
کِه تَحلِه روزگارِ قصرِ شیرین.

#عباس_کاظمی_آرپناهی👇
غمی وی مالُمه جُمنی دواره
بهونه حونُمه رُمنی دواره
به گِل امشو نشسته قصرِشیرین
دلِ فرهادنه چُمنی دواره.

#دانیال_مومنی_لندی👇
به گوشم ناله و جیغشت اِویده
به کرمونشا زِمین جمبشت اِویده
زمینس چیلنه دِرده، اگوی که:
هَفین سی خَردنِ بِنگشت اویده.

#زینب_ممبینی👇
اگون جهمس زمین ,قصره تکون داد
شرین ری سینه ی فرهاد جون داد
بوین ای عشق بعد از بیستونس
زنو هم ,منجزی از خس نشون داد.

@lorestanaligoodarz