قناة:: أم حيدر مكي النصاري

في حق بطلة الإسلام زينب الكبرىٰ س

يالعقيله امن البداية الباري خطلچ هالاسم
زينب الكبـرىٰ عَطايـه ابحيث يتباها العِلم
حِكمة الله انتـي حُرمه چا حكمتي عالزلم
       چن حيدر قائد للشيعه

  ✍🏻    .. ام حيدر النصاري

الهوسه 💔💔

الله يا گعدة اهلنـــــــه ابوكت الغروب العصر
تفــوح ريحت گهوة اهلي بالدلال اعلىٰ الجمر
وهسه مشتـــــاگه العطرها ما اضن ترجع تمر
لاچمني اعليهم دلالي

✍🏻 ام حيدر مكي النصاري

(☜. لسان حال خواتنا في غزة ولبنان)

من غزو برحيّة اهلي وارضي داسوها بخَنسّ
استهظمت عالماتنخّه اشواربــه ابحلگه ترسّ
صيّحِت والعرب نــومه حشمت بأهل الفرسّ
          للعجمي الدگ ثايه ابزوده

        ✍🏻  ام حيدر مكي النصاري

(☜. مواساة لإخوتنا في لبنان وغزة)

عاتبـــت ملعب يزلنـه وگتله يا ملعب سؤال
عدنه حُرمه ابغزة ناحت يمته تتچفّه الدلال
ليش متفـزعِ النشامه وتنخــه ابزود الرّجال
      وتگطع چف خصم الصهيوني

    ✍🏻   ام حيدر مكي النصاري

طفلة

طفله ومضيــّـــــــعة الأهل ويه الأمان
تلگـــــــــه موش بنيه اِجنــــازه تصير

التـــــمُر ابهالعمُر مـــــــــــو شي قليل
ولاهي لعبـــــــهِ تگول تخلص بالأخير

والأهم السكتـت اشيــــــــوخ الضَلال
الكشخت ابعــَــــــــار الكفر ابلا ضمير

كـــــــون تمطر غيـــره عالمايستحون
وكون تدفنهم جَمع ابعين بيـــــــــــر

اليمته تسبـَــــــح بالدمه كُومة جهال
گبّـــــعَت حتى الشمس چن تستجير

وينه لي يرحَم طفل صاح النه غُوث
الوحده معيوف ابوَهم يرجهِ النصير

چنــــها سالوفة عجـــــــايز بالشتاء
لاهي تگضي ولاهيه امنومه الفطير

اشوكت يندَگ علم بيـــــه ياحسين
يتــــــــرس الأنظار وايموَت الحقير

✍🏻  ام حيدر مكي النصاري

ياباك


هظيمه اعله الوڪت مايوم ياباك
النـزلنه البـــيك دوم الجِفن ياباك
ولك منك من امك عـــــود ياباك
القساوه البيـــــــك وارثها هديه

✍🏻.. ام حيدر مكي النصاري

دارمي

كون الوفه ينباع چان اشتريته
للماوفه ويـــــاي صوغه هديته

✍🏻 .. أم حيدر النصاري

للعباس عمي

من لكدها اعلى المعاره وصاح حي اعله القتال
كربله غيّـــــم سماها احتـــارت ابزوده الرجال
رفع راية نصر بيـــــده وداسها اخشوم النذال
         بالطگ چن حيدر عصاته

  ✍🏻   ام حيدر مكي النصاري

في حق الزهراء البتول س

الزچیه المَڪرمه من الله يتلها
وفضلــها المصحف بنَـصه يتلها 
هظیــمه الرجس یتجاسر يتلها
وعلي ماثــار سيـفه ابهالمسيـه

✍🏻  #أم_حيدر_النصاري

في حق الرسول الأكرم (ص)

حزن خيّـم علىٰ العالم ولكوان
يگلبي عالنبــــي الأمـه ولكوان
اهمومی المرّدن چبدی ولکوان
فــــــرگة والـــدی أعظم رزيّه


✍  أم حيدر مكي النصاري

اللهم نسألك الشفاء والعافية

غده ابعظمي المرض ياكل ولا شف
وصبـــح جفني دمع ينزف ولاشف
يريت العيـن هم عميـــــه ولا شف
ذليله والحـــــــــــــــزن خيّم عليه

✍🏻    أم حيدر مكي النصاري

في حق الحوراء زينب سلام الله عليها

أخــوي الوزّعوا عَظمه #ولحما
ومشيت مگيّده ابهمي #ولحما
دليـلي اشلون اطيـبنه #ولحما
وخوتي بلادَفن فوگ الوطيّه

  ✍🏻 ام حيدر مكي النصاري

في دفن الأجساد الطاهرة 🏴


العده واسیوفها تخسه کفنهم
او یاهو اللي يصح فنّه کفنهم
غســــــلهم دم والترابه كفنهم
الحسين و هله وصحبه الأبيّه

✍   أم حيدر مكي النصاري

نسولف بيڪ لأخر لحظه بينه
وانت الماتـــرد طلاب لو جينه

✍🏻.. #ليلا_الڪعبي 💔