لفور سرزمین زیبایی

تِلار و گو بِنِه رِه، زَمبِه تِه نوم
خِریم آ سَر سِررِه، زَمبِه تِه نوم

اَگِه کُلّ مازِندِرون، مِه باشِه
اَرِه هادی، هَمِه رِه زَمبِه تِه نوم

#برگردان

کلبه چوبی و گاو بُنِه را بنامت میکنم
خونِه یِ آفتاب گیر را بنامت میکنم
اگر تموم مازندران مال من باشه
بله بگی همه را بنامت میکنم

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

تِه مِه تَلِه، مِن تِه اَیّا بَوُوشِم
تِه مِه تیرِنگ، مِن تِه صَحرا بَوُوشِم

مِه دِلِ سَر هامِج، هاکِن تِه چینِه
تِه مِه خواهون، مِه تِه دِلخوا بَوُوشِم

#برگردان (دگاردنی)

تو دامم بشوی منم ابیات بشوم
تو قرقاولم منم صحرایت بشوم
روی دلم راه برو دانه هایت را بخور
تو خواهانم شو منم دلخواهت بشوم

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

زِمِسّوُنِه تیکا، جیک جیک بِموئِه
پَرچیمِ شِخ بِچا، میک میک بِموئِه

هَلی بالِک، تَلِه مارِه دیاری
تَلِه زییِه میوُن، زیک زیک بِموئِه

#برگردان

زمستون توکای سیاه آواز میخونه
کنجشک کوچک سردش شد ناله میکنه
توکای کوچک زرد میاد نزدیکی دام
افتاد دام صدای نالشش در اومد

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

📸 #احمد_ساجدی

زِمِسّوُنِه تیکا، جیک جیک بِموئِه
پَرچیمِ شِخ بِچا، میک میک بِموئِه

هَلی بالِک، تَلِه مارِه دیاری
تَلِه زییِه میوُن، زیک زیک بِموئِه

#برگردان

زمستون توکای سیاه آواز میخونه
کنجشک کوچک سردش شد ناله میکنه
توکای کوچک زرد میاد نزدیکی دام
افتاد دام صدای نالشش در اومد

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#غزل_تبری

خوامبِه تا اَشِک آ، زَرجو دَهوُوِم
عاروس دومای، بِچا او دَهوُوِم

تِلار سَربَندِ، او رِه تِه خاطِری
بَخِرِم، تا خِرو نَرو دَهوَوِم

اِشکارِ، رَچ رَجِ پِه اِمبِِه اَندِه
تِه وَر، قَلعِه یِ کَنگِلو دَهوُوِم

اِمافت آ، اوریم آ مِلِردآ کِرمون
پایِین تِرِک، تا خَطیر کو دَهوُوِم

قَدِمگاه مِه سَرِه، سایِه بَهوُوِه
تاوِسّوُنِ ، اِفتابِ تو دَهوُوِم

مِرِه یادِ، پِلوِر تنگِه بِموئِه
مَشتی بِکِ هِمراه، کوکو دَهوُوِم

حُسَین خان، سِنگِسَّرِه تَش دَوِسّهِ
یِراق بِه کَمِرِه، جِلو دَهوُوِم

هوژَبر بِرنو رِه، هَیکَلی دَوِسّهِ
مِه دِل رِه خوانِه، سِوادکو دَهوُوِم

🔹واژه ها

#اَشِک و #زَرجو دو تا چشمه زلال زیر کوه #خرو_نرو ضلع شمال از سرچشمه سد سلیمان تنگه
#عاروس_دوما چشمه پشت دادوکلا و ولیکچال سرچشمه سد فریم
#تلار_سربند چشمه بالا دست سنگده که به روخانه تالار منتهی می شود.

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

زاه فِرام رِه، سِوا کِمبِه صِوایی
خالِک ماررِه، جِدا کِمبِه صِوایی

بَدوشتِه پِه، پِنو کِمبِه چِراخر
کَلّی دِمبِه، سِما کِمبِه صِوایی

#برگردان (دگاردنی)

گاو شیری و بدون شیر را سوا میکنم سر صبح
تازه زاییده را از برّه کوچک جدا میکنم سر صبح
بعد از دوشیدن میبرم بسوی چراهگاه
میخانم رقص خوشحالی میکنم سر صبح

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

مِه دِل خوانِه دِوارِه تِه،
مِه دوشِ سَرِّه لَم هادی

شِه گیسِه رِه مِه بالِ سَر،
تَنِک هاکِنی چَم هادی

کِرسی یِ بِن دالون خِنِه،
شِه چَش ره خو هاکِنی تِه

کِلِه تَشِ کِنار کِتری،
چایی جِهان رِه دَم هادی

تِه چایی بیاری مِن قَند،
چینی قوری آ اِستِکان

مِرسی لَوِیِ دِلِه تِه،
شِه طام پِلا رِه دَم هادی

مِنا تِه بالا کِلِسّی،
تِه تَنِ جِمِه کِل اوسّی

شِه نَرم نَرمِ خونِشِ جا،
مِه دِلِ غَم رِه رَم هادی

هِئی بوریم میوُن خِنِه،
اَتِه طاق آ اتِه بِنِه

تِه پیش جِلو آ مِن دِمبال،
مِه پَروانِه رِه شَم هادی

خِشی بوردِه دیگه نِنِه،
روزِگار ‌اِما رِه پِنِه

خِسّت نَکِن خواهونی رِه،
اَتِه ویشتِر نا کَم هادی

اِسا پیر بَیمی آ خَسّهِ،
دِ تا عَصا َ اَمِه دَسّهِ

نَگِردِنِه خِشی دیگهِ،
وَلِ کَمِر رِه خَم هادی

خواهونی رِه تازّهِ داریم
دِلِ گوش گِر بَزِه داریم

تِه‌ دوری خَلِه سَنگینِه
دوشِ بال رِه کِه دَم هادی؟

در مصرع چهارم (دَم) بمعنی درست کردنچایی می باشد و در مصرع آخر (دَم) بمعنی استراحت دادن می باشد.

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

چچی وِسّهِ مَرِه قال بِشتی بوردی؟
تَنّه نِخار، تِک رِه لال بِشتی بوری؟

نَدونِسّی مِرِه، قوش زَندِه ونّهِ؟
میوُنِ پَری آ، آل بِشتی بوردی؟

#برگردان (دگاردنی)

برای چی سر قرار نیامدی رفتی؟
تنمو بیمار، لبمو لال گزاشتی رفتی؟
نمیدانستی خوراک عقاب میشوم ؟
میان جِنّ پری و آل گزاشتی رفتی؟

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#رئیسکلا
📸 #احمد_ساجدی

شِه راه رِه، آسّوک آسّوک دیر هاکِردی
مِه خواهونی رِه، تِه زَنجیر هاکِردی

تِه کِه خواسّی، مِره سَر بِلی بوری؟
چی وِسّهِ، مِه اَرمونّهِ تیر هاکِردی؟

#برگردان (دگاردنی)

راهت را یواش یواش با من دور کردی
خاطر خواهیم را گرفتی زنجیر کردی
تو که میخواستی منو ول کنی بری؟
واسه چی آرزو هایم را گلوله بستی؟

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

فَقیر آدِمِ بَمِردِن سو نَکِندِه
"۱۶ هِجایی"

بَمِردِه روز بِرمِه نَکِن، دِ تا چِش رِه سِرمِه دَکِن
مِه بَمِردی دیِار نییهِ، کَهوُ رَنگ های بِرفِه دَکِن

کی نِه کَلِک رِه بولیمِه، شاب شابِ سَرّه ِنولیمِه؟
خِدا چِه مِرِه نَدیِه، شِه مَرزِه سَرّ رِه اولیمِه؟

نَدومبِه کینِسِه بارِم، یا که هیچ کَسّهِ نارِم؟
کَهوُ دِل هَسّهِ بی قِرار، چِتی دِلِ دلِه دارِم؟

مِنا مِه غَم تینارِمی، سونِه دِ تا بِرارِمی
اَتّا رِه مِن اَتّا رِه وِه، شِه وِسّهِ بی قِرارِمی

اون دِل دَکّل نَدوندِه کِه، مِه دِل وِنِسّهِ دِل بِه پِه؟
روجینِ سَر پِخوک بَزه، شو تا صِوایی کَت ِ پِه؟

تاریکِ شورِه سَر کِمب، شِه چِشِ اورِه دَر کِمبِه
نامِه دِمبِه چِه نَشونِه، پیشتاز آ دوبلِه تَمر کِمبِه

مَگِه سیستِم فیلتِر بییّهِ، بِتّر نَهی بَتّر بَییّهِ؟
او جول هَسّه مِه لینگ کِتا، مِه روزِگار قَمتِر بَییّهِ؟

اَتّا پِریک اَمِه وَری، گوش هادِه تِه اَمِه صِدا
مِه نامِه نِموئِه تِه دَس، کی وِرِه بَیتِه جا بِدا؟

مِه قاصِد تِه اَمین بییِه، مِه نامِه چِه نِمو تِه وَر؟
خَوِر بیاردِه عزرائیل، دیگِه مِه عُمِر بَیّیِه سَر

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

چه وِهِ اَمشو، مِه تِکّهِ وا دنییِه؟
هَف بَندِ لَلِه رِه، صِدا دَنییِه؟

مِنا لَلِه، دِتایی لال بَهیمی
مِرِه دَککِل، تیناری کا دَنییِه

#برگردان (دگاردندی)

برای چی از لبو نیم باد نمیاد
صدای هفت بند نی من نمیاد
منو نیم هردو امشب لال شدیم
اصلا منو تنهایی رغبت بازی نیست

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

شِه تِکِه پاس رِه بَیرِم، جار بَزِنِم
شِرِه راسّهِ بِسازِم، دار بَزِنِم

مَگِه غَم رِه بَتوندی جا بَدی تِه؟
وِرِه قِنداق هاکِنی، لا بَدی تِه؟

سونِه پِزغولِه بونِه، دَر اِنِه غَم
تِکِ خون کیلِه بونِه، سَر اِنِه غَم

چِتی سِراغ نَدِم، مِن شِه کورِک رِه
تا کِه پارِه نَکِنِم، شِه اورِک رِه

مِه شاخِ تِک، هَرِه هَسّهِ خَلِه توم
مِه کول آ یال، دَرِه هَسّهِ خَلِه توم

گَلی بَیتِه، چِمِر دَر یور نَشونِه
دِلِ اَرمون، دیگِه تا گور نَشونِه

چَندِه مِن، بی چِک آ چِمِر بَهوُوِم؟
تاریکِ شو رِه، بی فِنِر دَهوُوِم؟

دِتا گوش رِه، لاوند پِتی هادِئِم
لامیزِه رِه، آهِن چِلی هادِئِم

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

شمِه سِر پیشِ، کِنار رِه پِرِمبِه
یک چَکّی، چَفت آ تِلار رِه پِرِمبِه

تَش کِلِه هاکِنِم، شِمِه نِفارِ پیش
تِه خاطِر، تَش کِلِه مار رِه پِرِمبِه

#برگردان (دگاردنی)

از روی پرچیم حیاطتون میپرم
یک پایی اسکان گاو و گوسفند را میپرم
جلوی کومه تو آتش روشن کنم
بخاطرت از روی شعله آتش میپرم

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

مِه چِش راه دَرِه تِه، پِغوم کِه اِنِه
تِه نَرمِ خونِشِ، مِغوم کِه اِنِه

دِ تا چِش، تِه دِ تا دَس رِ اِشِنِه
تِه دَوِسّی آ، تِه پِشوم کِه اِنِه

#برگردان (دگاردنی)

چشم براهتم پیغومت کی میاد
صدای دلنوازت بگوشم کی میاد
چشمام دو تا دستاتو نگاه میکنه
بقچه و دسر بعد از شامت کی میاد

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#آلاشت زیبا

اِجازه هَسّهِ شِه ، بابا رِه بَوّوِم؟
شِه خِجیرِه بِرار ، دارا رِه بَوّوِم؟

گِنّهِ مِه خواخِرِه نوم ، هَسّهِ سارا
اَتِه شِه اِملاء آ ، اِنشاء رِه بَوّوِم؟

#برگردان (دگاردندی)

اجازه هست اسم بابامو بگم؟
اسم برادر قشنگم دارا رابگم؟
میگن نام خواهرم سارا هست
کمی از املاء و انشاء بگم؟

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#دِلِ_گَپ

کِه خوانِه، مِن شِه تَن رِه دَم هادِم
اَسری جا، دِلِ غَم رِه نَم هادِم

دیگِه مِه دَسّ آ لینگ رِه، نا دَنییِه
دیگِه دِنیا مِه وِ سّهِ، جا دَنییِه

بَهوُوِم، مِه دِلِ غَم چَندِه هَسّهِ
دِماوند، مِه غَمِ وَر اَندِه هَسّهِ

دیگِه، طاقِتِ راه بوردِن نارِمبِه
اَرمونِ دِنیا، بَمونسِن نارِمبِه

نَدومبِه، روزِ ماه کِه اِنِه شونِه
زِمِسّون آ بِهار، کِه اِنِه شونِه

مِه سَرتَن تابِ، لینگِ لو نِدانّهِ
دِ تا چِش، اِلا هَسّهِ سو نِدانّهِ

خِدا چِسّهِ، مِجا بَلِک هاکِردِه؟
غَمیرِ رِه، مِه وَر اَلِک هاکِردِه؟

مِرِه نون نِدائِه، چِه غَم هِدائِه؟
غَم رِه خَلِه، خِشی رِه کَم هِدائِه؟

خوامبِه، تَنِ جِمِه رِه چاک بَزِنِم
می رِه بوجِم، شِه سَر رِه خاک بَزِنِم

اَتّا دارِه بَخِرِه، پارِه بَوّوِه
اَتّا وِشنایی، وِنِه چارِه نَوّوِه؟

بیخِد، شیطونِ حَرفِه گوش ندامِه؟
شِه بوسِندی اِقبال رِ، جوش ندامِه؟

داشتِه بوم، شِسّه اَلان هَیرا هَیرا
کوهِه کاخ آ، لَبِ دِریای ویلا

جِمِه یِ پولِک رِه، تا حِخ دَچیبوم
دیگِه این هَمِه سَختی رِه، نَدیبوم

داغی جا شِه، سُئوال رِه داغ بَزِبوم
گَپ رِه آسّوک، شاب رِه فِراخ بَزِبوم

اَرِه، جانِ بِرار آ جانِ خواخِر
نَدومبِه کی مِسلمونِه، کی کافِر

بِرار شِه بِرارِه جا، رَحم نَکِندِه
وَچِه پییِرِه سِه، سَر خَم نَکِندِه

شِه سَرِه کِلاه رِه، قایِم داریم تا
شِرِه هَر نا کَسهِ پَلی، نَدیم کا

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

اَنجیلی تَنِ رَخت رِه، نو هاکِردِه
موزی کِلّاکِ تِک رِه، سو هاکِردِه

اِزّارِه سَرآ ریش، خال خال بَهییِه
نَمدارِه شِل شِه خِد رِه، خو هاکِردِه

#برگردان (دگاردنی)

درخت انجیلی لباسشو نوکرد
بلوط نوک بذرشو روشنایی داد
برگهای درخت آزاد همه ریخت
نهال نمدار خودشو بخواب زد

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#کرونا

اَمِه میچکا کِلی رِه، مَر دَکِتِه
سونِه شو قول، اِما رِه سَردَخِتِه

پِچ‌ کِل کِندِه، خِجیر خِجیرِه وَنّهِ
ویشتِر جِوون آ، با مِزّزیر رِه وَنّهِ

قَشِنگ اِشناسِنِه، فَقیر کی هَسّهِ
وِنه پَلی آغوز، هاپرسی هَسّهِ

فقیرِ بَمِردِن، وای وای نِدانّهِ
دارای یار بیتِن، های های نِدانّهِ

فَقیر نواجِش آ، بِلَنگو نانّهِ
دارا سِرنا آ ساز آ، اکو دانّهِ

کاش کِه گَهرِه دَکِت بوم آ، نَدیبوم
یا کِه جیگ مِرد بَیبوم، دِنیا دَنیبوم

#برگردان (دگاردنی)

لانه گنجشک ما مار افتاد
مثل خواب وحشت رو سرمون افتاد
کمین میکنه زیبا رویان را میبره
بیشتر بجان جوونها افتاد تا پیران
دقیق میدونه کی بدبخته
مثل گردوی بازی تو دستشه
مرگ فقیران ناله بلندگویی نیست
برای سرمایه دار ساز و سرنا میارن
کاش از تو گهواره حلق آویز میشدم
کودکی میمردم این دنیا را نمیدیدم

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#پَئیزِ_وا

پَئیز آسّوک، شِه لا لوت رِه دَوِسّهِ
پولِکِ پَسِّک آ، کُت رِه دَوِسّهِ

شِه رِه لا بَدین، سِرما رِه نَخِرین
دَمبِ صُبِ، بِچا وا رِه نَخِرین

شِما دونّی، پَئیزِه وا خِنِکِه
موزی دارِه، گِلامِه لا کِنِکِه

هِوا شِه، پَتِ پِل رِه کِم هاکِردِه
بِسینگِلام، اَمِه جا رَحم هاکِردِه

اِزّار، زَردِ مِکِنا دینگوئِه سَر
سییوُ مییا، هامیس کِنده کوئِه وَر

وَرفِ شِلاب، خوانِه هادِه اِمارِه
کولِک دی آ، گِلاب هادِه اِمارِه

بوریم شِسّهِ، پوسّی کِلا بَدوجیم
پَشمی جورِب آ، لَم چوغا بَدوجیم

شِه تَن رِه گَرم داریم، گاز شونِه نِنِه
اَمِه سِلابِ تَن، وا خِنّهِ چِنِه

"اتّا کلمِه فارسی هَسّهِ ببخشین"

#برگردن (دگاردنی)

پائیز یواش کوچ و بار شو بست
دکمِه ی کُت و جلیقه شو بست

خودمونو بپوشیم تا سرما بخوریم
بادهای سرد صبح پاییزی را نخوریم

شما میدونین که باد پاییز خنکه
فصل درختان بلوط برگ ریزونه

هوا گرمایش را کمتر کرده
به اصطلاح کمی به ما رحم کرد

درخت آزاد روسری زرد گذاشته
ابر سیاه با کمینش کوه را گرفته

بما میخواد برف و بارون بده
دود اسپند با گلاب بما بده

بریم برای خودمون کلای پوستی بدوزیم
جوراب پشمی با پالتو نمدی بدوزیم

تنمون را گرم داشته باشیم گاز قطع میشه
تن لاغرمون باد سرد میخوره سرما میخوره

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.