لفور سرزمین زیبایی

بِهارِه وا، شونِه زَندِه تِه می رِه
اَلوک دِنِه، خِل آ چَچکَل آ دی رِه

نیشِمبِه دَشتِ سَر، تِه فِکر آ خیال
تِه دِمبال بَگِردِم، هِمِند آ سی رِه

#برگردان

باد بهاری موهایت را شانه میزند
آتش زیر خاکستر را روشن می کند
بالای دشت بفکر و خیالت می نشینم
پی تو، توی دشت و کوه ها می گردم

✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

#لفور یا #لَپور گردی

"با اجازه آقای محمودی عالمی و
بزرگواران صداقتی"

خوامبِه بورِم، لَفور رِه دور هاکِنِم
شِه دِلِ غَمیرِه رِه، یور هاکِنِم

چَن تا خِجیرِه مَلِه، داشتهِ لَفور
اَتِه اویِ بِن بوردِنِه، اَتِه یور

قُرآن نِفارِ مَلِه رِه ، بوردی یور
شارِقَلدِه، دِ پیچ رِه بَزِنی دور

دِهکَلونِ، خِجیر خِجیر کیجائون
وِشونِه سِفرِه سَر، پَندیر آ نون

وِنِه راسّهِ راه پِه، مَشتِ زولِنگِه
هَمِه باغ آ لَتِه، مَشتِ تیرِنگِه

مِه دِل خوانِه، دِ او تِک رِه بَوینِم
او بِن بورِم، لَفورِک رِه بَوینِم

او بِن دَیمِه، چَن تا مَلِه بَدیمِه
گِلی خِنِه، باغ آ لَتِه نَدیمِه

گِش نِیُونِ مَلِه، کِردِه او خارِه
وِنِه اسری، مِه دِل رِه کِردِه پارِه

چاشتِ خوارونِ، نِمدار کِجِه بوردِه
اِسبو کِلای، سِرخ دار کِجِه بوردِه

کِفاک آ بورخانی، دَرنّهِ شاعِر
صِداقِت، بابا تافتِه اَمِه فاخِر

بورِم سَدّه سَرِه، او رِه هارِشِم
وِنِه سَردرمِه، گَزو رِه هارِشِم

میُون دِلِه، گالِش کِلا رِه بَوّوِم
بالا تِرِک، میارکِلا رِه بَوّوِم

دَگِردِم مَرزی دَرّهِ، چِش بِرا هِه
مَلِه پِچُوکِه، خَلِه با صِفا هِه

عالِم کِلا، کالی کِلارِ بورِم
راسّهِ روآر، رَئیسکِلارِه بورِم

تَمِر، اون وَرِ روخِنِه دییارِه
یورِه آقا، تا شاهکِلارِه دیبارِه

خَلِه جا رِه، نَشیمِه سَر نَزومِه
چو پِل رِه او بَوِردِه، پَر بَزومِه

شاب بِه شاب، گالِشِ مِنزِل آ مَنگِل
تیکا دیگِه، پی دا نَوُونِه جِنگِل

تَرنه مارمَنگوئِه تال، نِنِه مِه گوش
خیکِ راغون، دَنییِه گالِشِ دوش

گالش مِنزِل، هَمِه جا بَییّهِ ویلا
پَر آ پِر غال، دیگه نَوُنِه پی دا

هَمِه بوردِه پِه، تازِه گاز بِموئِه
تِلار بوردِه، گالِش بِه داز بِموئِه

دِلِ‌ دَرد، اَتّا دِ تا نییِه بَوّوِم
شِه تِکّه میم بَزِنِم، خِنِه دَوّوِم

اَگِه نَتبوم، کَهوُ دِل بییِه پارِه
دَیّن زورآ، بَمِردِن خَلِه زارِه

لَفور، لَپور هم گِنّهِ
در اصل لپور عربها چون حرف پ
نداشتنه لفور بخوندسنه

از اینکه خَلِه جارِ نَشیمِه او پِری هاکِردِه
چو پِلّهِ او بَوِردِه بَتونِسِمِه بورِم بِبَخشین 🌷🌹🙏🙏


🍒✍ #علیرضا_رحمانی_کوتنایی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.