#نعي_وابوذيات_للعباس_وزينب{ع}
علختك لو نشدت اليوم ٠٠ونها
مسبيه وتجر عل النوگ ٠٠ونها
مشت للشام وي اعداك ٠٠ونها
*مچتوفه ادخلت ديوان اميه*
ادعي اعله النهر خويه٠٠٠ومايه
من راح الكفل يمه ٠٠٠ومايه
العده عباس مو عشره ٠٠ومايه
*اضن سبعين الف بالغاضريه*
#طور_التغريد_الحزين#كأني_بالسان_حال_مولاتي_زينب تكلم اخوها وكفيلها اباالفظل بعد مقتله
صدك ياخويه عفتوني
حرم واطفالي بالهيمه
اخوتي شلون خلوني
عباتي اصبحت خيمه
*سباااني ويشتم العباس*
*بسياطه ضرب هالراس*
اعاين والشمر يضحك
يزماطج طلع چذاب
لا اخوة وكفيلج مات
*سبية وكلهم عالتراب*
*خوانج صفوا غياب*
#نعي_طور_الفراق_ لسان حال العباس وهو يكلم مولاتنا زينب
*ها يزينب* شلونج بگطع الراس
*ها يزينب* طاح راس العباس
*ها يزينب* شنهو جان الاحساس
*هاا يزينب* عالنهر طايح كفيلج
*ها يزينب* وحدج الله يعينج
*ها يزينب* والسهم صايب دليلج
#نعي_طور_الجفيري#لسان حال العباس وهو يطلب العذر من اختهُ عقيلة بني طالب ع
يازينب انه اتعذرج
وشطلب عذر يم الخدر
مدنگ يظل راسي بخجل
وعالغبره يهمل مدمعي
بحماي جيتي لكربله
وجبتج اميره مدلله
شاء القدر ينزل بله
رايد عذر يابت علي
✍باقر جبار الشويلي
للتواصل والاستفسارللقصائد
@MolatyzeenabBBB1_bothttps://t.center/lAfiteamoun