حلم شفته يمهدي وكل فجر ينعاد
ومن أصحه اعلى خدي تجري الدمعه
اشوفك واگف وخلفك وگوف الناس
ويا محله الأذان بصوتك نسمعه
تصلي الجمعة بينه يم علي الكرار
وعالمنبر يمهدي تخطب الجمعه
كعبه للحوائج انت
يا مولاي
وأشوف الناس حولك كلها مجتمعه
واجيت انا وأجر الخجل يمشي وياي
طلب عندي يمهدي جدمك ترفعه
مثل سعي الحجيج بلهفة المشتاگ
شفافي بين نعلك والترب تسعه
وعد مني بظهورك ما تشوف الليل
أشب العين لجلك بالدرب شمعه
وأفرشلك يمهدي الگاع كلها ورود
بس اظهر يمهدي والظلم شلعه
#يا_أباصالح
