زوجتي انسانة فاضلة ،محترمة ، متعلمة ، مثقفة و مصلية والحمد لله دايما تالية لكتاب الله ، الحمد لله مربية اولادي تربية حسنه كل الجيران بيحسدونا عليهم لديَّ من الأبناء 4 أكبرهم في تانيه  كلية الطب  متزوج منذ  أكثر من عشرين عام ,اعمل بدولة لكويت ، بحاول دايما على قد ما قدر انزل اجازة كل 3 او 4 شهور لرؤية عائلتي حيث كانوا يقيمون معي من قبل واضطريت انزلهم عشان المرحلة الجامعية ، الحمد لله ظروفنا المادية معقولة ،, بصرف على اولادي كويس والحمد لله من ست شهور تقريبا قالتلي زوجتي انها غلطت قبل بداية جوازنا مع مديرها في العمل مش عارف ليه قالتلي الكلام ده دلوقتي وعملت ترقيع والحوار ده ، طبعا الكلام كان صدمه مستوعبتوش ساعتها عامل ذي الكابوس . المهم سألت مشايخ كتير قالولي كل انسان خطأ وخير الخطائين التوابين والحمد لله مربية اولادك كويس ، الحمد لله بعد الاستعانة بالله شلت الموضوع من دماغي  عشان فعلا حاسس انها انسانه جميلة من جوه وطيبة وقلت امشي الامور عشان ولادي  . المشكلة   ان زوجتي بعد كلامها  ده في اللقاء الحميمي ما بقتش زي الاول ، كمان بحس انها معدش ليها رغبة في هذا الامر وبعد سفري وعودتي لعملي  لقيتها عملالي  حظر ع الهاتف والواتس لاكتر من ثلاثة شهور حتى الان ع الرغم من اتصالي الدائم بااولادي وعدم تقصيري معهم ماديا ومعنويا وحين طلبي للحديث معها  ترفض الحديث معي  سواء هاتفيا او عن طريق الواتس هل هذا يعقل ؟ حاولت مرارا وتكرارا  بإرسال الهدايا و الكلام الحسن وبأنه لايجوز الخصام لأكثر من ثلاثه ايام حيث أن ذلك من الفُجر في الخصام وموجب لغضب الرب، على الرغم من قضاء فترة الاجازة معها ومع الاولاد مصايف و فسح وانبساط وكده ولم نتشاجر مع بعض إلا مشاجرات عادية بين الازواج—اريد معرفة تغييرها المفاجيء وهل له علاقه بالاعمال والسحر  هل حد مر بالتجربة دي من قبل و هل تدخل في حكم الزوجه الناشز ؟ عشان نفسيتي تعبت جدا ومأثره على شغلي ، ارجو النصيحه  لوجه الله للتعامل مع مثل هذه الحاله وتقبلوا تحياتي اترك نصيحتك هنا ....👇👇 @muradbat