انا معنديش مشكلة مع اللى بيتابع كورة وبيتفرج على فريقه وعلى بعد كيلومترات بسيطة فيه ناس بتتشرد وبتجوع وبيوتها اتدمرت وناس بتموت وبتتعذب بكل أشكال العذاب احنا كلنا او ٩٩ ٪ مننا بيمارس حياته الطبيعية وبيروح شغله وبيقابل صحابه وبيهور معاهم .. مش مجوعين ولا مكدرين نفسنا تضامنا معاهم وان كنا متضامنين معاهم قلبا وقالبا. لكن اللى مش عادى واللى عندى مشكلة معاه هو الحزق المبالغ فيه من الطرفين ... التحفيل والفرحة المبالغ فيها من الطرف الكسبان ولا كأننا عملنا انجاز كبير والحزن المبالغ فيه والتحليلات والانتقادات الكبيرة من الطرف الخسران او التحفيل المضاد بالماتش اللى قبله. الفرحة او الحزن بالشكل الهيستيرى ده بيوضح قد ايه احنا عقلياتنا واصلة لمرحلة من السطحية والفشل محصلتش فى التاريخ، ان فى كل الظروف اللى احنا فيها تكون الكورة هى المصدر الأساسى لفرحتنا وحزننا وخناقاتنا. ◉‏ منقول