الخُلود الحُسيني

للسيده زينب والزهراء عليها السلام


بيه الج حسره ...وكلمن وصبره
غربه صارت بالمدينه عيوني مخنوكات
توها جانت عافيتنه وماتت الكلمات
ياهو بعدج يبقه النه ذني هم حسرات   ذني هم حسرات
                             *

والله دارت... اي ييمه وجانت امالي اشكبرها
هسه صارت...الميته امه  يگضي عمره يم كبرها

جنت احسب يمه اشوفج فيء علينه
بسدج اكضي الليل كله يالحنينه
وينه حضنج يمه ذاكَ البي ربينه
والله مشتاكه لكعدتج وال حجينه

ضايع  ابعمره ...الفاكد الزهره
حزنج وفكدج ييمه بينه مرسومات
توها جانت عافيتنه وماتت الكلمات
ياهو بعدج يبقه النه ذني هم حسرات   ذني هم حسرات
____
شحجي يمه ... كلشي يكتل بينه صاير حتى فكدج
وكلشي ضلمه... منين اجيب الوان تشطب بينه حزنج

وحشه صارت كل محاچيها المضايف
الخنگة تفتر چنها واحد صوته خايف
ياهو مثلج من تعزبه تصب سوالف
حتى طير الله اليچهبج كلبه لاهف

بسمج السفره...حيرت فقره
ردت اضم اضلوعج النه تالي مكسورات
توها جانت عافيتنه وماتت الكلمات
ياهو بعدج يبقه النه  ذني هم حسرات   ذني هم حسرات
___
بنيه وحده ...وماتت امها تخيل بهاي المصيبه
ياهو انشده... يكلي اعضم يوم الج يوم الغريبه

يبدي دمعي ،بروحي اسافر كلبي شارد
بيمن التم شنهي اصيرن، وانه واحد
حيره من تكبر، صفنتي ،والمشاهد
ياهو بيكم شاف موته وهو كاعد

ينحفر كبره...المختنك صدره
الحيره تكبر بينه باجر وحنا علويات
توه جانت عافيتنه وماتت الكلمات
ياهو بعدج يبقه النه وذني هم حسرات.   ذني هم حسرات
___

يبدي فكري...من الحزن ياخذ مراحل انتصاره
منهو يدري...الواكف ابحيلين طالع من خساره

بهيبه توكف من يحصدوها السنابل
ماتنزل راس اذا شافت مناجل
زينب انه وهذا حالي بكل مراحل
من حزن امي وهضمها للمحامل

الينكطع عطره...روحه متأسره
باجر التاريخه يكتب ،هيبه، متأسرات
توهه جانت عافيتنه وماتت الكلمات
ياهو بعدج يبقه النه ذني هم حسرات.  ذني هم حسرات




ليث كريم جحالي

السان حال  عن مولاتي زينب ع
عندما رجع علي ع من الدفن


وين أمي وين أمي
يابويه راجع خالي
موفطرت دلالي
٠٠٠٠ ٠٠ ٠٠٠٠
زغيره بعدني عله اليتم وضيم اليتم شيحمله
يابويه اطلبنك طلب الباب كون تميله
مسمار كاسرله ضلع وشلون ذيج النبله
والمثلي امه تفارگه بهذا العمر موسهله

بعدني بسن طفوله وشابت عيوني
شفت منظر ذهلني ونخطف لوني
ياجلمت  يتيمه الخضرت بالبيت
اواسي اخوني لوهمه اليواسوني

الدمعات عالخد سالت
زهرة زماني انشالت
وين أمي وين أمي
٠٠٠٠ ٠٠ ٠٠٠٠
ابجي عله حالك ياعلي مدري  ابجي انه الحالي
الجناز ياخذ والگبر مايوم رجع غالي
فراگ الحنينه بكل وكت جتالك وجتالي
شمعت ليالينه نطفت من الدنيه راح هلالي

امي هاي يل ماكو بمحنتها
الله يعين روحي شلون شافتها
طاحت جنه ميته من عصرها الباب
ومحسن طاح من شوغات طيحتها

انشد واصيح شلونك
بويه الدمع بعيونك
وين أمي وين أمي
٠٠٠٠ ٠٠ ٠٠٠٠
شلون گلبك طاوعك بالحد فاطم تنزل
منها الضلوع مكسره الشيل الثره ماتحمل
يل جايني مصوب حجي وعينك وكلبك يهمل
شافوك شمات شكثر وعين الشماته التكتل

بظلام اليل ياحيدر تشيعه
وعن هاي البشر رادت تضيعه
الحارك دارهه وعاصرها عله الباب
تخاف من الحد باجر يطلعه

صاح الحسن بدموعه
زغير وحناها ظلوعه
وين أمي وين أمي
٠٠٠٠ ٠٠ ٠٠٠٠
بويه الورد مو للگبر ابستان كون وينشم
عطر النبي جوه الثره من هالظلم يتألم
وبياذنب من الزغر حسين وحسن يتيتم
بذهانه صورت جمر من عدها ابد مانسلم

دخيل الله ودخيلك بويه ياكرار
بدايتنه ظلع وحايط وبسمار
اخذني للحنينه وشلي بيها الروح
هاي النار باجر بويه نفس النار

باجر أصعب المنظر
اصيح وگلبي يتفطر
وين أمي وين أمي
٠٠٠٠ ٠٠ ٠٠٠٠
هوه الهضمني ياعلي راجع وضهرك محني
محتار من الفاجعه بيا فاجعه اتصبرني
كل خطوه بويه بمشيتك بيوم الطف تذكرني
هم مثلك ابقا الوحدي وخيل العده تعثرني

عله زينب ياعلي يتكرر المشهد
الهيب النار بخيامي حزن يصعد
افر من الخيم وركض الخوي حسين
وشوف حسين بخيول العده مفرهد

لاخنصره ولانحره
واركض واصيح الزهره
وين أمي وين أمي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

*نعي الزهراء عليه السلام
تخاطب المحسن ع*

      🚩🚩🚩🚩🚩🚩

*ياسباح الگلب ياماي العيون*
*انوح اعليك والمدمع بالجفون*
*زغير والاعادي  مايرحمون*
&&&

*عندي حلم  وتمنيت اضمك*
   *اهز المهد ياوليدي وشمك*
*وبيتي يزدهر  وناغي باسمك*
&&&

*يبني المهد حضرته يغالي*
        *يلبيك السهر يحلى الليالي*
*ليش امخضب بدمك اگبالي*
&&&
*فطموك العدى گبل الرضاعه*
    *حتى الفجر ماشفت الشعاعه*
*من ايدي رحت ابفرد ساعه*

&&&

*طايح علترب عيني تنظرك*
   *وانه امكسره اضلاعي ابكترك*
*دمي جرى يايمه ويا دمك*
&&&



*عاشقة الولايه*

           *نسالكم الدعاء*

https://t.center/khdmat

*بشان رجوع الامام علي بعد دفن الزهراء  عليهم السلام*

    
        🚩🚩🚩🚩🚩
*الـدنيا ظـلمه من دفنتـچ يـالزجـيه*
    *روحي راحت والنفس يصعب عليه*
&&&
ألجنح مني تكسر ياضوى الليل
    من غفت عينچ يازهره اتهدم الحيل
تحچي دمعاتي المها تجري كالسيل
    *من شلت بيدي الجنازه هالمسيه*
&&&
عالگبر ودعت روحي ابهل التراب
الجدم مايرضى يمشي يغلى الحباب
مختنگ دربي ماشوفه گلبي منصاب
     *شلون ارجع والهجر يصعب عليه*
&&&
     شبت النار بدليلي وزادت اجروح
ليش عفتيني بهضيمه ودايم النوح
   الصوره ماتفارك خيالي عني متروح
*ريت عمري دون عمرچ للمنيه*
&&&
شلون من يدفن حبيبه گلبه جمره
      وانـه بعيوني شفت الضلع كسره
المتن بالسوط اسود وعين حمره
*شاب راسي من عظم هاي الرزيه*
&&&
    اه ياسلـوة حـياتي اعليچ محزون
من دفنت ابليل اظلم تهمل اعيون
     اجـذب الونـه خـفيه وهما يدرون
*ملتزم بمر النبي حفظ الوصيه*


*عاشقة الولايه*
             *نسالكم الدعاء*






https://t.center/khdmat



  

‏مقطع صوتي من صوت الحسين

*بشان فراق الاحبه*

🚩🚩🚩🚩🚩

دهري رماني… وروحي ناحت بالمصاب
واغلى الحبايب ... انا ادفنت بالتُراب

بالحزن ظليت .... هاي المسيه

من فارگتهم...تنزف اجروحي ابعِتاب
___

جمره بضلوعي… تحرگ گلبي المنفجع
والموت اخذهم…وغرگ اعيوني الدمع
روحي ماتقنع…بالفرگه وتدري الوضع
والگبر ياخذ … وماينطي غير الوجع

ابلوعتي ونيت … ناري سريه

من فارگتهم… تنزف اجروحي ابعِتاب

___

بليلة الوحشه… انظر يمين ويسار
وي ذكرياتي… احچي وادور الآثار
لانهم كياني… وبالنفس ليل ونهار
ياالف وسفه… راحو ظليت بالمرار

دنيتي ظلمه وصعبه عليه

من فارگتهم تنزف اجروحي ابعِتاب
___
مختنق صدري… وذكر لحظات الوداع
مادرو ظليت… عايش بالهم والصراع
انطفى سعدي…والسمه ضاگت والگاع
عمري مايسوه…من بعدهم كلشي ضاع

بالگبر ياريت صرنه سويه

من فارگتهم تنزف اجروحي ابعِتاب
___

اعزاز فارگنه… نامو ابوسط اللحود
مابقى عدنه… غير الصور والشهود
نذكر الگعده… الحلوه ونتمنى تعود
ويلتم شملنه… وهما يمنه كالورود

شالو احبابي وانا شبيديه

من فارگتهم تنزف اجروحي ابعِتاب

___

راحو السلوه… من عدي وخاب الامل
كل ظني بالضيج… عني يشيلو الحمل
تالي عافوني… وحدي واتمنى الاجل
من مشو ياناس…غصني ياويلي ذبل

دمعي ماينشف ونتي شجيه

من فارگتهم تنزف اجروحي ابعِتاب

عاشقة الولايه
و_ام اباذر السكيني
نسالكم الدعاء

بهذا الطور👈. يمه ذكريني


https://youtu.be/X0KOpOGR8y4?si=culz871GDlpn-dgl

*رجوع الركب الحُسيني الى المدينه*
         *نعي بوزن الفائزي*
           🚩🚩🚩🚩

يهل المدينه ضجت الاكوان بنوح
بالهظم كل الانبياء تبچي يامذبوح
عرش الجليل ابعزته والقلم واللوح
تنعه الغريب الجثته اصبحت طشار

&&&

يهل المدينه دسمعو مني هالاخبار
ضعن الهواشم من وصل الدمع نثار
فرگ شملهم الدعي وعصبة الاشرار
مذبوحه كلها بالضمه ونگصفت اعمار

&&&

يهل المدينه بالعجل نصبو المآتم
حسين بسيف الغدر مارجع سالم
ابرمح عالي الراس يااهل المكارم
بلارحم داست الجثه گوم الاشرار

&&&

يهل المدينه منذبح مهشوم صدره
سهم المثلث طلعه من خرز ظهره
هبر اوداجه الشمر بثنعش طبره
ضجتله املاك السمه وعزة الجبار
 
&&&

يهل المدينه بالعجل گومو للايتام
جات الضعينه بالحرم تلطم عله الهام
زينب حزينه امحيره وجارت الايام
اتگول راحت عزوتي وجملة الانصار

&&&

يهل المدينه بالحزن علنو الحداد
بهالمصيبه واسو الحره والسجاد
عللي گضو ابكربلا لبسو السواد
عزو الزچيه والنبي وحيدر الكرار




*عاشقة الولايه*
     *نسألكم الدعاء*

https://youtu.be/EZFGm0LP9lQ

لبيك ياحسين ع
ابوذيات بحق النّبي وحفيده الامام الصادق عليهما السلام:

حـكــم كــل الأرض طــه       والاطراف
شهـدله بـهايه كل جسمي      والاطراف
طـريفـه ابأسمه هـالحفله      والاطراف
ذكر صادق حفيده بهل المسيه
           …… ..
نشـــر دينــه عـلى مـهلـه        ورسـله
ختــم كــل انـبيــا ربـنــه        ورسـله
تــحايا امعطـره ابعـثهــا        ورسـله
لبو الزهره وخو حامي الحميه
          ……… .
محــبتك نابـت بلحمــي         والاعظام
شــغف يحمل الك گلـبي        والاعظام
يعـالـي بـالـقــدر شـانـك         والاعظام
اخلاقك يبو الزهره الزچيه
         ……… 
حضـرنا بـمــولـد الصّادق        وأحمــد
لـــذلـك أشــــكــر الــبـاري        وأحمــد
كتبت اشعاري بيها امـدح        وأحمــد
أفعـال النّبي وابنـه سـويه
           …… ..

بقلم :خادم الرسول أبــو دريـد الشبكي

أّلََّسلَأّمَ عٌلَيِّګمَ خَدّأّمَ أّلَحٌَّسيِّنِ (عٌ)
نرحٌبِ بِګمَ فی قناة الثورةالزینبیه
(خَدِمَةّ أّلَحٌَّسيِّنِ شٍرفِّ لَنِأٌّ

لبیک یاحسین ع
ابوذيات لأمير المؤمنين عليه السلام

( مرّسائل )

علي راكع وصدفه مرّسائل
تزكه وعلي شيحمل مرّسائل
يسامع مره شايف مرّسائل؟
التصدُق والصلا صارن سويه

(( قدما ))

▪علي من قبل آدم چان قدما
▪وإجت كل الصعاب عليه قدما
▪عظيم ولو وكف عالأرض قدما
▪چفوفه تخرق السبعه سويه


(( نصلاه ))

▪فكر حيدر مته يا يوم نصلاه
▪المكارم نصها للمختار نصلاه
▪تدري اشنزل بالقرآن نصلاه
▪صراط وتهتدي ليه البريه


(( من بيه ))

▪بس حيدر خليفه وغيره منبيه
▪عـالإســلام رب العــرش من بيه
▪گلب الهادي افتحه وشوف من بيه
▪إبنص گلب النبي حامي الحميه


(( وصلي ))

▪أمــر من خالق الدنيا وصلي
▪اسـلـم عـالنبي وآلــه وصلي
▪اريـد الزهره تنطيني وصلي
▪ويختمه المرتضى حامي الحميه


(( مندار ))

▪علي داره عظيمه وجزء مندار
▪الرسول البيها رحمه وعطف مندار
▪الكون بخنصر الظرغام مندار
▪يطيح بلايه چف حامي الحميه

#الشاعر_مصطفى_الشافعي

لبیک یاحسین ع
( يارسول الله )

ابنهجك فاز مَن آمَن وَسَلَّم
يَمَن حُبَّك صراط النه وَسِلَّم
صَلَّى اعليك بارينه وَسَلَّم
ابقرآنه وإلك ألقى التَّحِيَّه

گلبنه اوياك مايگطع وَصِل لَّه
مَكان الرِّفعه مَن مِثلك وِصلَّه
كون الله فُرَح لجلك وَصَلَّى
كل مؤمن عليك ابهالمسيه


الگلب بالخدمه ياهالناس وآله
وربح كلمن الأهل البيت وآله
صَلُّوا عالنِّبي المصطفى وآله
أجر بيهه ورضا الرَّبِّ البريه


( هوسات )

ابسرور اگلوبنه وفرحتهه هالجينه
ابعشگ ( للسيِّده آمِنَه ) نادينه
تهانينه ابولادة طه هادينه
( ميلاد العِز ياميلاده )

إسم الخير إسمك يانبع صافي
اشما عَدِّينه فضلك صِحنه مو كافي
مطلوبين الك شنسوي مَنوافي
( لليوم افضالك يالهادي )

(الولاده الجعفريه)

مو بالسِّر عَلَن نادينه عالمنبر
نتباهه انتمينه المدرسة جعفر
على كل نهج هذا النهج يتصدَّر
( والصادق نور ويهدينه )

ولادة جعفر الصادق ولادة نور
يهدي العالمين وللبشر دستور
فرحان الموالي ابمولده ومسرور
( وايهنِّي المَهدي ابميلاده )

سيد علي الموسوي

موال الي الرسول ص
من بزغ نور النبی..ابساق العرش لاله
جبریل وبکل فخر..المهدی النبی لاله
صاح اشهد انك نبي..وغيرك فلا لاله
نار الفرس انخمد..مايه اختفه ساوا
الحر سوا ويل عبد..المصطفي ساوا
وصنام اهل الجهل..وي الارض ساوا
اوصبح ضياء اشمس يم النبي لاله
سيد موسي الموسوي

‏مقطع صوتي من صوت الحسين

قصيدة في مولد الإمام الصادق عليه السلام  .
ـــــــــــــــــــــــــــــــــــــــــــــــــــــــــــــــ
**

هالليلة كِل هَمنه ٱنجلَِه والبَهجة غُمرَتنه
ونِزلَت ملائكة السّما ٱتشــاركنَه فَرحتنَه

تِحمِل وَرِد واليَاس    في مولد الصادق
فَرحانَة هاي الناس    في مولد الصادق

ـــــــــــــــــــــــــــــــــــــــــــــــــــــــــــــــ

طَير السّعَد  فَرحان
وِيخاطب الأغصان
وبأعــذَب الألحــان
أحمِل إلِچ  أخـبار

عالدنيا أشــــرق نور
ليلة  فَرَح  وِســــرور
بساق العَرِش محفور
إسمه بحِبِر أنوار

ساحِر جَمالَه الكون
بحُبّه الگلب مفتون
وبمَولِده  المَــيمون
تِتناثَر الأزهار

هذا الخبر أجمل خبر يِمكِن تِسمعينَه
طَبعاً شُعورِچ  يخـتلف لَمّن تِشوفينه

يِتشابَك  الإحساس  في مولد الصادق
فرحانة هاي الناس   في مولد الصادق

ـــــــــــــــــــــــــــــــــــــــــــــــــــــــــــــــ

جَدّه  النّبي  المختار
بوَصفه العَقِل مِحتار
وَجهَه  اليِـشِع  أنوار
سُبحانَه  مَن  سَوّاه

سادس وَتَد معصوم
بخَدّه الورد مَرسـوم
بحُبّه  الوَجِد مَهيوم
ولكِل جَرِح  سَلواه

مَنبَع  تُقَى  وإيمان
وللطِيبة  والعِرفان
أقوالَه كالمَـــرجان
لِليفتِهِم  فَحواه

حَتى الفَلَك مِن فَرحـــتَه مِبتَهجَه أبراجَه
باب الحَوائج ما يِخِيب اليِگصِدَه بحاجة

للأمة رَفعـــة رَاس    في مولد الصادق
فَرحانَة هاي الناس    في مولد الصادق

ـــــــــــــــــــــــــــــــــــــــــــــــــــــــــــــــ

ضنوة علي الكرّار
عِندَه  العِلِم أسرار
مِن  عادِتَه  الإيثار
تِتناقَلَه  الأجيال

إبن  النبي  ومَـعروف
حَولَه الشهامة ٱطّوف
دَمعِ  الفَــرَح  مَذروف
فوگ المحاجِر سَال

كِل  التحايا  اليوم
للصادق المعــصوم
لو شافه أي مهموم
كِل هَمّه رَاح وزال

كِلّ  البلابِل غَرّدت  فرحــانة  مَسرورَة
تِلبَس بَراقعهه الشمس لو عايِنَت نورَه

چَنّه  الگُمَر عَبــاس     في مولد الصادق
فَرحانَة هاي الناس     في مولد الصادق

ـــــــــــــــــــــــــــــــــــــــــــــــــــــــــــــــ

وبمَولِده  الميمون
كِل شِيعته ٱيهنّون
مَهدينا  وِينشدون
يَمتى الفَرَج مَولاي

يا حُجّة المعبود
يا أيها الــموعود
والإشتياق ايزود
صَحرَا وتِريد المَاي

بِينه الگلب مَجروح
رَافگنه  بَـس  النوح
يَمتى بلُواك ٱنــروح
لِلصّادق الوَفّاي

ونِبني الضّريح وبالفَرَح جَمرَتنه لَهّابَه
ونِقرَه الزيارة الناحية والنُّدبة يَم بَابَه

عِتبَة  ذَهَب  تِنباس     في مولد الصادق
فَرحانَة هاي الناس      في مولد الصادق

ـــــــــــــــــــــــــــــــــــــــــــــــــــــــــــــــ

يا صادق الأقوال
والسيرة والأفعال
مِن أفضل الأعمال
نِفرَحلَك ٱحنه اليوم

وبفَرحة المِيلاد
تِتوافَد  الأمجاد
كِلمَن يِريد ٱمراد
مِن خالِقه القَيّوم

مِنّ  الفَــــرح آيات
تِنقِلهه إلَك نَسـمات
مَشحونة بالبَسمات
مِن عاشِگ ومَحروم

نِبعَث تهاني بمَولِدِك  لِلمَهدي هالليلة
وِنگِلّه  طالت غَيبتَك  يَمعَدّل  المَيلَة

تِتلاهَب الأنـــفاس      في مولد الصادق
فَرحانَة هاي الناس     في مولد الصادق

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

قصيدة في ولادة النبي الأكرم صلّى الله عليه وآله وسلّم  . مُلَمّع
ـــــــــــــــــــــــــــــــــــــــــــــــــــــــــــــــ



حَبيبي يا مُحمد يا مُحمد
حَياتِي يا مُحمد يا مُحمد
ـــــــــــــــــــــــــــــــــــــــــــــــــــــــــــــــ

على الأغصانِ طَيرُ الحُبّ غَرّد
وهاجَ  الشوقُ في قلبي  وَوَرّد

وغَيثُ اللهِ قَد نَزَلَ ٱحتفاءً
بمَولِدِ سَيّدِ  الثّقَلَينِ  أحمد

عَليمَن تِسأل وتِنطُر جَوابي
تِخِبرَك هالسهول وهَالهِضابِ
بِزَغ فَجرَه وگِشَع كِلّ الضبابِ

وفَرَح هالكون في ميلادِ أحمد
حبيبي يـــــا محمد يـــا محمد

ـــــــــــــــــــــــــــــــــــــــــــــــــــــــــــــــ

وأوصالي وما يَسري بجِسمِي
وأنفاســــي  تُنادي  يا  مُسَدّد

رســـــولٌ طاهِـــــرٌ بَرٌّ  نَقِـــــيٌّ
لَكَ الأعداءُ قَبلَ الصّحبِ تَشهَد

رسـول وأكرَمَك رَبّ البَرِيّة
حَبيبه وخَصّك بهاي المَزِيّة
أمين وصـادق ورَادَك  نَبِيّه

ولا يوصَل مكانَك طه أحّد
حبيبي يــا محمد يا محمد

ـــــــــــــــــــــــــــــــــــــــــــــــــــــــــــــــ

بُعِثتَ إلى البَرِيّةِ فٱستنارَت
وكانَ نهارُها بالشّركِ أسـوَد

بُعِثتَ تُتَمّمَ الأخلاقَ فِينا
ومِن أنوارِكَ الدُّرّيُّ يُوقَد

إلهي الأرسَــلَك للناسِ هادي
وجَعَل حُبّك خلاص لهَالعِبادِ
الشّرِك هَدّمتَه ورموز الفسادِ

وجَعلتِ البَرّ والفاجِر يِوَحّـد
حبيبي يــــا محمد يا محمد

ـــــــــــــــــــــــــــــــــــــــــــــــــــــــــــــــ

ولَم تَقبَل سِوَى الإسلامِ دِيناً
وتَأبَـــى أنّ  غَــيرَ اللهِ  يُعبَد

رَسولَ اللهِ يا أمَلَ البَــــرايا
أهذا طِيبُ ثَغرِكَ أم زَبَرجَد ؟

رسولَ الله  ونِعِم  مِنّك  يَطَه
وَصِيّك حَيدرالجَنّة  ٱشتَراهَه
سَلامي لفاطمة الكوثر وَباهَه

وعلى العِترة الشريفة المِنهه تِمتَد
حبيبي يـــــــا محمد يــــــا محمد

ـــــــــــــــــــــــــــــــــــــــــــــــــــــــــــــــ

سَيَبقى فيكَ مَدحِي وٱعتقادي
فَمَدحُكَ مِنهُ مَدحُ الحَقّ يُولَد

بِكَ الرّحمنُ قَد بَاهَى وصَلّى
عَليكَ وقَلبُك المِعطاءُ مَعبَد

هُوَيتَك مِن قَبِل ما نُطفة أصبَح
حِزَنـــتِلكُم  يَـطَه  وإلكُم  أفرَح
يفوز اللي مِشَى بنَهجَك ويَربَح

أنا  بوَصلَك  جَمُر  دَلّالي  يُبـرَد
حبيـــــبي يا محمد يا مـــحمد

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

قصيدة في ولادة النبي الأكرم صلى الله عليه وآله وسلم  .
ـــــــــــــــــــــــــــــــــــــــــــــــــــــــــــــــ

نورَه مِن سِطَع      نورَه مِن سِطَع

           هَلّ البِشِر عَلينا

نورَه مِن سِطَع      نورَه مِن سِطَع

            كِلّ الهَلا بنَبينا

ـــــــــــــــــــــــــــــــــــــــــــــــــــــــــــــــ

طَير السّعَد  إجانَه
وِيرَدّد  بعِبارة

يَهلِ الارُض جميعاً
عِندي لَكُم بِشارة

كِلمَن دِليلَه ظامي
ومَحّد يِطَفّي نارَه

نورِ النبي محمد
عالدّنيا شَع نَهارَه

سَيد البَشَر          سَيد البَشَر 
 
       بجَيتَه الأمَل يِجِينا

نورَه مِن سِطَع       نورَه مِن سِطَع

             كِلّ الهَلا بنَبينا

ـــــــــــــــــــــــــــــــــــــــــــــــــــــــــــــــ

طَر فَجرَه عالخلائق
نورِ النبي إجانَه

وتزَيّنَت  أرُضنه
وزَخّت فَرَح سِمانَه

بمَولِد نَبينَه أحمد
خَل تِفرَح الحَزَانه

طِيبة وصِدِق صِفاتَه
ومِن شِيمِتَه الأمانة

طاهِر النّسَب       طاهِر النّسَب
        
         وَصَاحِبِ السكينة

نورَه مِن سِطَع     نورَه مِن سِطَع

           كِلّ الهَلا بنَبِينا

ـــــــــــــــــــــــــــــــــــــــــــــــــــــــــــــــ

صَرحِ الشّرِك تِهَدّم
وبيَمنِته يِزيلَه

وغَيم الكِدَر تِلاشَى
مِن بَسمِته الجميلة

وطَير السّعَد تِغَنّى
وبرَوضِته الخميلة

وحَتّى الصّخَر تِصَدّع
يَم حَضرِته الجَليلة

خاتَم الرّسُل        خاتَم الرّسُل

           وقائد السفينة

نورَه مِن سِطَع       نورَه مِن سِطَع

           كِلّ الهَلا بنَبينا

ـــــــــــــــــــــــــــــــــــــــــــــــــــــــــــــــ

بارِينه كِل رَحِمتَه
وكِل مَنقبة كريمة

خَلّاهه في حَبيبَه
بأخلاقهِ العظيمة

مِتكامِل  بصِفاتَه 
وبفِطرِتَه السلِيمَة

بي تِهتدي البَريّة
وبنظرِتَه الحكيمة

لشوفِتَه الگلُب         لشوفِتَه الگلُب

            يتلاهَب بحَنينَا

نورَه مِن سِطَع        نورَه مِن سِطَع

           كِلّ الهَلا بنَبينا

ـــــــــــــــــــــــــــــــــــــــــــــــــــــــــــــــ

أبعَث إلَك سَلامِي
يا سَيّد البَرايَا

أشواقي ومنياتي
وَي خالِص التحايَا

أعلِن إلَك وَلائي
يا طَيب المَزايَا

بيك أرجو مِن إلهي
يِغفرلي  هالخطايا

يا بو فاطمة          يا بو فاطمة

          فَضلَك فلا نِسينا

نورَه مِن سِطَع       نورَه مِن سِطَع

           كِلّ الهَلا بنَبينا

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

قصيدة في ولادة النبي الأكرم صلّى الله عليه وآله وسلّم  .
ـــــــــــــــــــــــــــــــــــــــــــــــــــــــــــــــ


حُبّ النبي الهادي
وَرّثـــتَه  لأولادي
كِل رايِـح وغادي
أسأل عن أخباره

ساكِن نَبينَه      بأرضِ المدينة
ـــــــــــــــــــــــــــــــــــــــــــــــــــــــــــــــ

يالرّايح  لمَحبوبي  وَصّل  سلامي
ويّاك إخِذ مكتوبي وحُبّي وغَرامي

گِلّه  الجِــفِن  ما  نايِم
بحُبّه الگلُب ظَل هايم

صايِر سَجِينَه    بأرض المدينة

ـــــــــــــــــــــــــــــــــــــــــــــــــــــــــــــــ

وَيّ  النّسيم  أبعث  إلَه  أجمل تهاني
بدَمعِ الفَرح أرسِم صور تِحمِل أماني

مِن هَب عِطِر مِيلادَه
خَنيَب  نَهَر أمـــجاده

بمايَه ٱرتوينه    بأرض المدينة

ـــــــــــــــــــــــــــــــــــــــــــــــــــــــــــــــ

حُبّه البَحَر والسفّان عِشگي ووِصالي
بغيابه  الگلب  حيران  ظلمة  الليالي

سَهران أعِدّ ٱنجومي
وتگبّعِت  بِهــــمومِي

وروحِي الحَنينة     بأرض المدينة

ـــــــــــــــــــــــــــــــــــــــــــــــــــــــــــــــ

گالوا  وَجِه  طَه  ٱيــــنور  شَعّت  خُدودَه
رَيت العِمَى ٱيصِكهه العَين ذيچ الحسودَة

بوَجهَه وجَمال ٱعيونه
كِلهه  الخَلَگ  مفـتونة

وظَلّت رَهِينة      بأرض المدينة

ـــــــــــــــــــــــــــــــــــــــــــــــــــــــــــــــ

إسمَه الضُّمَد لجروحي ما لِكنِي سِحرَه
تِســـــكِن  تِهَـــوّد  روحي  كِلما  أذِكرَه

لَجلَه  الشّعِر حَبّيتَه 
بأجمَل لفظ  قَفّيتَه 

دَلّالي وَينَه     بأرض المدينة

ـــــــــــــــــــــــــــــــــــــــــــــــــــــــــــــــ

بفراگه تُبقى ٱدياري وَحشة ومُظِلمَة
والباري أرســـل  طَــه  للأمة  رَحمة

هَوّه الشفيع الأكبر
للأمة يوم المَحشر

بهَجرَه ٱنچوينَه      بأرض المدينة

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

أبوذيّات في ولادة النبي الأكرم صلّى الله عليه وآله وسلّم  .
ـــــــــــــــــــــــــــــــــــــــــــــــــــــــــــــــ

مَقامَك  طَه  ما واحِد   وَصَلّه
عَليك الباري مِن سَلّم   وَصَلّى
العَبِد  لولاك  ما  كَبّر     وَصَلّى
ولا عُرفَـــت حَلال الله  البَرِيّة

ـــــــــــــــــــــــــــــــــــــــــــــــــــــــــــــــ

إنعَرَف شَرع الله بَخلاقَك   وَعَدلَه
وَانَه لمَــــولِدَك أحسِــــب   وَعِـدلَه
تِصِـح بَس مِــــنّك الزّينة    وَعَدلَه
أمين وعِصــــــمِتَك صَـــارت مَزِيّة

ـــــــــــــــــــــــــــــــــــــــــــــــــــــــــــــــ

يَمَن وَجهَك جَمال ٱهلال   مِن هَال
كريم  وچفّك  لكِل جود    مِنـــهَال
مُطَــر مَدحِ وثناء اعليك   مِنــــهَال
وأصلّي ٱعليــــك كِل صُبح ومِسِيّة

ـــــــــــــــــــــــــــــــــــــــــــــــــــــــــــــــ

گِطَع يَمـــناك رَاس الكُـــفُر   وَالهَام
يِجيك إحساس عالمَظـلوم   وِلـهَام
يَمَن شوفَك يِزيل ٱغموم      وَالهَام
رسول وصـــــــادق وكِلّك حَـــــمِيّة

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

قصيدة في مولد الرسول الأكرم صلّى الله عليه وآله وسلّم  .
ـــــــــــــــــــــــــــــــــــــــــــــــــــــــــــــــ


نور و جـمال
حُب ووصال
كِل هَمنه زال
بِولايِته

أجمل كلام
يِحمِل غَرام
لخَيرِ الأنام
بِولادِته

ـــــــــــــــــــــــــــــــــــــــــــــــــــــــــــــــ

لحظة فَرَح  هَالليلة جِمعَــتنه
نِنسى الحِزِن والبهجة غُمرَتنه
يِحـلَى السهر والليـــلة  لِيلتنه
بأجمل شِعِر تَرجمــنه فَرحتـنه

نِشعِل ضِــلوع
ٱبدال الشموع

بلَهفة صُدور
نِنـثُر زُهـــور
فاحَت عُطور
بِمحَبتَه

ـــــــــــــــــــــــــــــــــــــــــــــــــــــــــــــــ

اليوم الشمس لاحَظنه غَيرَتهه
نُور الرسول الهــادي باغَتــــهه
مِن هالجَــمال شاهَدنه حَيرَتهه
وبكِل سُرور ألقَــت قصــيدَتهه

أهلاً تِگـول
يابو البتول

نُورِ الحَـــبيب
ساطِع عَجيب
لازم أغيـــــب
في حَضرِتَه

ـــــــــــــــــــــــــــــــــــــــــــــــــــــــــــــــ

شافَه  الگمر مِن  لَهفِته  ٱتعَنّه
يِنضَح  خَجَل  لو  يِقتِرِب مِنّه
يِلمَع  ذَهَب  مِن  يِبتِسِم  سِنّه
ويِصبَح  يَتِــيم  اليِبتِعِد  عَنّه

آية جَمال
مَنبَع دلال

كوكــب نَقاء
مَصدَر صفاء
شَعّ الضــياء
مِن وَجنِتَه

ـــــــــــــــــــــــــــــــــــــــــــــــــــــــــــــــ

بالمُصطفى تِتكامَل الأوصَاف
وبالمَرجلة لِيث وأبد مَيخـاف
يالسِيرِتَه سِيرَة عَدِل وِنصاف
يالعِشــرِتَه جَنّة وفَــلا تِنعاف

بَرّ وكــريم
فَذّ ورَحيم

صادق أمين
ثابــت يقين
واضح مُبين
في كِلمتَه

ـــــــــــــــــــــــــــــــــــــــــــــــــــــــــــــــ

مِن ضِحكته  تِتـولّد  الأنوار 
مِن  بين إديه  تِتفَجّر الأنهار
بَعذَب لَحِن غَنّت إلَه الأطيار
وِلكِل نَبي خازن عِلِم وَسرار

يِعلَه الهِتاف
بالإعـــتراف

بفَضلَه ونَـدَاه
بعَطفَه وهُدَاه
كِل حُر فِــدَاه
وِبخِدمِتَه

ـــــــــــــــــــــــــــــــــــــــــــــــــــــــــــــــ

يا سيدي  يا حُــجّة  المَعــبود
نِبعَث إلَك في مَولِد المَحمــود
أجمل شِعِر يِحمِل عِطِر وورود
وبطَلعِتَك  يُبقى الأمل مَوجود

طُولِ الزمَن
يَبنِ الحَسَن

نِكتب سُطور
بعِطر الزهـور
لحظة سُـرور
لكِل شِيعِتَه

ـــــــــــــــــــــــــــــــــــــــــــــــــــــــــــــــ

بقلم الأستاذ / ستار عذاب الحچامي

بمناسبة ولادة فخر الكائنات  نبينا محمد صلى الله عليه واله وسلم

زحت ليل الظلام   وهلت  انوارك
سمانه والارض    بالفرح تشارك
يبو العتره
هله ابسحره
ضوه وگمره
يبو الزهره   
★★★★★
روج الشوگ ياخذنه ويرد بينه
يمن تملك مشاعرنه  يهادينه
خيال الروح يم دارك يودينه
بهذا اليوم نتبادل تهانينه
يبو الرحمه
محه الظلمه
سطع  بدره
يبو الزهره   
★★★★★
غرگانين يابو الزهره بافضالك
الراحتنه تريد شماجره  بحالك
ضحيت النفس للدين   واموالك
بكلامك  علمتنه الخير وافعالك
وحي الجبار
يوم الغار
گال اقره
يبو الزهره   
★★★★★
يهني اهل الارض لمن نزل جبريل
وبشّر بيك عيسى يشهد الانجيل
ياطاهر مطهر   جدك  اسماعيل
ياسر الكتاب  ومقصد التنزيل
بعلم احنه
الك حبنه
وعلى الفطره
يبو الزهره   
★★★★★
ليله المامثلها ليله تتكرر
صارت علسمه بيها الارض تفخر
ولد خير البريه    والد الكوثر
المن نوره جهنم تطفه  بالمحشر
بلاحبه
العمر غربه
العمر حسره
يبو الزهره    
★★★★★
يمهدم الكفر  ومثبت الايمان
يلباني الكرامه ورافع الانسان
ساويت البشر من كل جنس والوان
على الحب والموده اصبحوا خوّان
تضل نعمه
وگلب رحمه
نشم عطره
يبو الزهره   

الشاعر حسن لعيبي الحريشاوي