ردت من الشام اضعون بدمع العين العين ندفن راسك ويه الجثه والگبرك يحسين بچينه ادموم. على المضلوم والگبرك يحسين ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, يـمـك ردت اضـعونـي يخويه اوحسرتي حسره رد فگد الرسول اليوم عـلـيـه اوغــابـت الـزهـره شفت كسرالظلع بالباب وأبـونـه اولـوعـة الـطبره وأشوفنه الحسن مسموم اوچـبـدتـه تلتهب جـمـره لاكن يحسين انه ابفگدك شفت الويل الويل بدموع اوآآهات اوحسره اعليه الليل الليل بجمرالاشواگ. الك اشتاگ والگبرك يحسين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، اجـيتك وانـه مـهظومـه ياخويه اشتكي أحوالي دولبني الوكت يحسين بـعـدك وانـشـده بـالـــي مـن يـوم الغبت عنـي بـس الــظـيـم يـبــرالـي مشيت اميسره للشام هـظـيمـه اولا ألـي والي من ظيم السبي اوحسراته اشـگد اهموم اهموم وابـگـيد الـظالـم واسياط اتسيل ادموم ادموم دمع وآآهات. وألك حسرات والگبرك يحسين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، حـيرنـي الدهر يحسين اونـار الـفـرگه جـتالـه اصدالراسك أعلى الزان اوراس الـكـافـل اعياله عـبـاس الـتهابـه الناس اوتـخـاف الـزلـم لـخياله وأطب المجلس الظالم يـاخــويـه وأبـيـا حـالـه وأبمجلس طاغوت الأمه ابـيـن الـناس الـناس يشتمنه الظالم والطاغي وابن ارجاس ارجاس صحت عباس واصدللراس والگبرك يحسين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، اجـيتـك خـويـه اتـعـذر اريـدك خـويـه تـعـذرني رقيه ماتت اعلى الراس أبـفگـدهـه زيـدت وني يم گبرك اصيح ابصوت اريـدك خـويه تسمعني بـفگـدك اظلمت دنياي بـعـدك ما ضحك سني اگعد يحسين اوحاچيني اوهاك الراس الراس واشلون ارجع لو تنشدني اعليك الناس الناس على الوليان. بأألم واحزان والگبرك يحسين ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، لشاعر اهل البيت عليهم السلام خـالـد عـامـر الـزيـادي