يم الرضا اهمل يزاير دمعة العين واذكرمصابه اوغربته واتذكرحسين بس دمعتك تجريها الحاجه الك يگضيها ▪▪▪▪▪▪▪▪▪▪ ثامن امام اعلى البشر ياشيعه مظلوم خلص حياته بالغرب بالحسره مالوم شبه الحسن جده الولي الچبدمسموم بالسم سگاه الطاغيه اصبح بالأهموم والجبدته المسمومه اتذكر يزاير يومه ▪▪▪▪▪▪▪▪▪▪ بمصابه تحضرفاطمه وي داحي الباب طه الرسول المصطفى يحضر بالأمصاب عالمات مسموم ابغرب مابين الاجناب الشيعه تنعاه ابحزن واشچم گلب ذاب اوگف حزين ابابه هل الدمع بعتابه ▪▪▪▪▪▪▪▪▪▪ واسي الجواد امصيبته واتعنه معصومه واسيهه بدموع اوحزن وأذكر المهظومه واتـذكـر حسين اوهـلـه وأذكر المظلومه نيـران شبت بالخيم والـطفـل بـهـدومه واتذكر المسبيه تذكرك هم هيه ▪▪▪▪▪▪▪▪▪▪ واسي الامام المنتظر وادعي الفرج دوم للباري ادعي الدولته ابحضرت المسموم وادعي يشيعي الشيعته من هاي الاغموم بس توصل انته الحضرته تنزاح الاهموم والدمعه لاتخفيها الحاجه الك يگضيها ▪▪▪▪▪▪▪▪▪▪ شاعر اهل البيت عليهم السلام خالد عامر الزيادي هذه القصيده لأستشهاد الامام الرضا عليه السلام