طور: "يتامى يا علي" شَبَابَك ظَامِي يَلْ طَفُّوا شَبَابَكْ عَلَى الغَبْرَه يَرِيتَ اسْمَع جَوَابَكْ *بَنِي هَاشِمْ.. عَلِي جَاسِمْ.. تِعوفُونَه*                          ¤•¤•¤•¤ نُجُومِ عْلَه الأَرض وَانْوَار قُدسِيَّه شَبَابِ انْذِبْحَتِ وْمَا شرْبَتِ المَيَّه سَلِيبَه تِنْزِفِ وْمِتْوَزْعَه مَرْمِيَّه وْتِدوسِ الْخِيل عَلَى اوْلاَدِ الزِّچِيَّه إِجَت رَمْلَه لَعِدْ جَاسِم مَحْنِيَّه وْلِيلَى يَمّ ابِنهَا تْسَوِّي تَعزِيَّه تِشُوفَه مِنْذِبِح أُمَّه تِشُوفَه تِوِن وِتْنُوحْ وِتْقَبِّل چُفوفَه *الگَلُب هَايِمْ.. عَلِي جَاسِمْ.. تِعوفُونَه*                          ¤•¤•¤•¤ تِمَنِّيتَك عَرِيس بْزَهْوَةِ سْنِينَكْ وَارِشّ وْرُود عَلَى راسَك عَلَى جْبِينَكْ وَاشُوفِ الفَرحَه يَا يُمَّه عَلَى عِينَك تَالِي مِنْذِبِح وِامْحَنِّي چَفّينَكْ حِرِت بَامْرِي أَضُمَّك وَامْسَحِ وْتِينَكْ وَانَادِيلَك رِحِت يَا حَسْرِتِي وِينَكْ أَضُمَّك يَا ضِوَه عْيونِي أَضُمَّكْ تِسِمْعَه صُوتِي يَوْليدِيْ أَنَا أُمَّكْ *الگُمَر نَايِمْ.. عَلِي جَاسِمْ.. تِعوفُونَه*                           ¤•¤•¤•¤ شَبِيهِ الهَادِي يَا يُمَّه يِذِبْحُونَكْ مِنْهو گَطَّعَك مِنْ جَرَّحِ مْتونَكْ! بْحَصِيرَه گَامُوا بِالحُومَه يِشِيلونَكْ يَريتَه مُوتي يَالأَكبَر عَسَى دُونَكْ مِسَحتِ ضْلوعَكِ وْدَمَّك صُبَغ لونَكْ يَريتِ تْعودِ الَيّه وْتِفتَحِ عْيونَكْ مَدامِع لِلْأَبَد يُمَّه مَدَامِعْ مُصِيبَه بِالگَلُب تِلْهِب مَواجِعْ *الْحِزِن دايِمْ.. عَلِي جَاسِمْ.. تِعوفُونَه*                          ¤•¤•¤•¤ شَبَابِ وْرُود عَلَى الرَّمْضَا تِحَيْرُونِي يَ ضَنْوَة روحِي يَا يُمَّه نِسِيتونِي چِنِت مِن احْزَنِ وْأَتْعَب تِواسونِي وْتِزولِ هْمومِي لو كِلمَه تِحَاچونِي شِلِي بْعُمرِي بَعَد وَيَّاكُمِ اخْذونِي عَلَى الفَرْگَه صَعُب أَصْبِر تِعِذْرونِي عَظِيمَه جْروحِ لِ بْگَلْبَك عَظِيمَه هَضِيمَه فَرْگِتَك يُمَّه هَضِيمَه *العَدُو ظِالِمْ.. عَلِي جَاسِمْ.. تِعوفُونَه*                           ¤•¤•¤•¤ #أمنن #علينا #برضاه #يا_صاحب_الزمان https://t.center/khadimatAL3etraAltahira