طور "گُوم ارويها".. "ما ننساكم" هايَ انصارَك.. هايَ انصارَك فِدوَه تْرابَك.. هايَ انصارَك يومِ العَاشِر كِلْهَا جْنودَك، عَالمَوْعِد لَا مَا تِتْأَخَّرْ تِتْفَانَى لَجْلَكْ تِتْگَطَّع، عشَّاگَكْ تِفْدِيكِ المَنحَرْ حُبَّك يَحْسِينِ ايْطَهِّرهَا، تْموتِ وتِِحيَا وْهَم تِتْوَذَّرْ مَتْعوفَك وِتْرِيدَك سَالِم، نْجومِ الحُومَه يَمَّك تِفتَرْ وشَمْسَ انْوارَك.. شَمْسَ انْوارَك عْلِيهُم تِسْطَع.. شَمْسَ انْوارَك                          ¤•¤•¤•¤ تْقَدَّم عابِس گُوَّه يْجَاهِد، بْحُبِّ حْسينِ يْنادِي وْيِهتِفْ شَايِل دِرعَه وْشَدِّ عْلِيهُم، راحَ اعْزَل وِالعَسْكَر يِرجِفْ هاجِ عْلَه الموتِ وْرَاواهُم، مِنهو عابِس خَلهَا تِعرفْ جَنَّنِّني حُبَّه جَنَّنِّي، بْآخِر لَحْظَه وْنَحْرَه يِنزِفْ رَبْنَا اختارَك.. رَبْنَا اختارَك عابِس إنتَ.. رَبْنَا اختارَك                           ¤•¤•¤•¤ وِابْنِ القِينِ يْصولِ ويِرعد، وينِ الخَيَّالَه يِلگُونَه أدْفَع عَنِّ حْسِينِ بْروحِي، أَفنِيهَا الشِّجْرَه المَلعونَه حَاضِر مُسلِم زَلزَل سِيفَه، مِغْوارِ وْقَسْوَر يِدرُونَه اتْلَگّى الگَاعِ ايْوَصِّي وْصِيَّه، حْسِينِ الغَالِي لَا تْعوفونَه تِلْهَب نَارَك.. تِلهَب نَارَك تْشوفِ الظَّامِي.. وتِلهَب نَارَك                          ¤•¤•¤•¤ سِيفَه سَّلَّه هْلاَلِ النَّاصِر، فَارِس ضِيغَم نَالِ البُشرَى وجُونِ الثَّابِت قَرَّت عِينَه، حَطْ خَدَّه حْسِينِ عْلَه الغَبرَه "مِن مِثلِي" خَدَّه عْلَه خَدِّي، وِانْرِسْمَت بَسْمَه وَيْ عَبْرَه وِالحُرِّ ابْعَزْمَه يْقَاتِلْهُم، ضَحَّى بْروحَه يْواسِي الزَّهرَه هايَ انصارَك.. هايَ انصارَك تْحَامِي دونَك.. هايَ انصارَك                        ¤•¤•¤•¤ #أمنن #علينا #برضاه #يا_صاحب_الزمان https://t.center/khadimatAL3etraAltahira