للمولى أمير المؤمنين "عليه السلام" طور:  *"يَا لِيل طَوِّل سَاعَاتَك"* حِيدَر نورِ العِبادَه حِيدر يوصِي أُولادَه ايوَزِّع إِرثَه عْليهُم دمعَه وغُربَه ليهُم                            ¤•¤•¤•¤ دِنيَانَه اللِّيلَه ظَلمَه، آخرِ وْدَاع لْحِيدَرْ سَاعَه تِغمَضِ عْيونَه، وساعه مِنهُمِ اتعَذَّرْ سِمحولِي يَولِيدي گَلهُم، لو دَمعتِي مِنّي تِظهَرْ أَوَزِّع رُوحِي وچَبدِي بِالأَسَى يَا أَغْلَى لْ عِندِي عَلِيكُم بِالصَّبر بَعدِي رَزايَا شكِثُر بِالدَّهَرْ چَبدِي هَذَا لِلحَسَنْ سْهَامِ ابْنَعشَه وِالكَفَنْ حِيدَر يِبچِي عْلِيهُم دَمعَه وغُربَه ليهُم                           ¤•¤•¤•¤ وإِلَك يَا ابو سْكِينَه، نَحرِي گَلبِي وَتِينِي حَوافِر تِدوسِ ابصَدرِي، عَالرُّمُح طَبرَة جَبِينِي نَار وتِشِب بِخيَامِي، حَرمَله سَهْمَه يِرمِينِي عَطشَان يَبنِي عالنَّهَرْ دَلاَّلِي مالِ انْفطَرْ وايْتَامِي تِركُض بالخَطَرْ تِصرَخ بويَه حَاچِينِي عَاشور كَعبَة أَحزَانِي عَاشور ذَبحَة شُبّانِي وَسْفَه يِجرِي دَمهُم دمعَه وغُربَه ليهُم                           ¤•¤•¤•¤ عَبَّاس الَك عِينِي، وِچفوفِي يَا بَدرِ العَشِيرَه وطَبرِتِي بَعَد يَالوَافِي، صَاحِبِ الخُوَّه الچِبِيرَه أَمَانَه تْصِير يَبنِي، كَافِلِ الحُرَّه الأَمِيرَه خَلْ عِينَك دُوم عْلِيهَا عَزِيزَه وكِلْ أَلَم بِيهَا زِينَب دَمعِتِي ليهَا خُوفِي توگَع أَسِيرَه بُويَه لو حَانِ غْيَابِي رُوحِي وْيَاكُم احبَابِي حِيدَر رَايِح عَنهُم دمعَه وغُربَه ليهُم                           ¤•¤•¤•¤ #أمنن #علينا #برضاه #يا_صاحب_الزمان https://t.center/khadimatAL3etraAltahira