#شونیشت_مازنی_شعر 📝 صوی نماشونا من زاری کمبه
پنج شنبه وونه بی قراری کمبه
دل باد کنده خانه بترکه سینه
شه خشک هایته چششه اوآری کمبه
🌺🌺🌺🌺🌺غمیره دله جا بیرون نشونه
چشه کیله اسری جز خون نشونه
مره برمه دچییه خوامبه بورم
مره یاده داغه جوون نشونه
🌺🌺🌺🌺🌺سیو رخته بتوممه در بیارم
خنده ره شه برمه ئه ور بیارم
صوی نمازه گدر سر به سجده
ته عکسه می ره شونه سر بیارم
🌺🌺🌺🌺🌺کجه بوردی مه دل دریو بهیه
غم و غرصه پر و بی خو بهییه
آسوک شونا اشنه این ور اون ور
ترس وه ره بهیته کلو بهییه
🌺🌺🌺🌺🌺ته مه واری داغه جوون ره ندی
آسمون البسو وارون ره ندی
چدوندی نکشی مه حاله روز ره
دنیا بهییه مه زندون ره ندی
🌺🌺🌺🌺🌺دیم به مله کشمبه شومبه لس لس
دله خنده ره برمه جا دمبه پس
انده بوارستمه کور بهیمه
من و خندستونی یه کس و ناکس
🌺🌺🌺🌺🌺چادر ره کمره دور گر بزومه
شه دیم مه چنگ.پیرهن ره جر بزومه
ته قوره خاک که شه سر بشندیمه
ته صحرایی دل له کوتر بزومه
🌺🌺🌺🌺🌺ننا ته قده بالائه بلاره
سیو چشمون ته شوکائه بلاره
مه دل له جزریکه راغون هاکردی
همه شو گیرمه ته لائه بلاره
🌺🌺🌺🌺🌺مه وسه زندگونی گوم بهییه
غرصه بمو سامون چنگوم بهییه
وونه دگردی مه چش سو بیاری
ته بوردی و مه قد هم توم بهییه
🌺🌺🌺🌺🌺✍️ شاعر ؛ حسن رجبی
⚠️ شه وَچون رِ محلی گپ بَزوئن یاد هادین.
🚸🌀به کانال مجله خبری مازندران بپیوندید:
👇👇@khabaremazandaran