📣🔔 وطـنم ڪلـیڪ🗻

💐💐💐💐💐💐💐💐💐
💐💐💐💐
💐💐💐
💐💐
💐
💢#طنز_تبری
💢#گِل_مَـمِدجان

گِل مَمِدجانِ زِنا مَش گــِل نِسا
مَله سَر وَنگ دانه وه ره مَش نِنا

ناخِشی بَیتا کَتِه بَیّا دِلا
ناخشِ تَن عاقِبت جان دَر هِدا

سِیِّم هفتِم هِدانا بَـئـیه چِل
بیستا هاکِرده وَچونّه بِچا گِل

گِل مَمدجان بَـئـیه تَکّ و تینار
تیناری کِندا بَئـیه وِنه یار

بی زِنا دِنیا وِنِسّه بَیّه تنگ
بخت و اقبال هِم وِنه پیش بِشته سنگ

مالدارِ بی دوُ بَئـیه گل مَمد
کورکَتین و چو بَئـیه گل مَمد

نا که وَچون گیتِنه وِنه خَـوِر
نا وِشائه روزگار هِم وِنه گِر

جمع هاکرده شه وَچونّه اَتّا شو
بلکه تاریکِ خنه بَـئووِه سو

مِلک و میراثّه وَچونِ نوم بَزو
زمین و پول و طلا و چِل و چو

اَتّا شو اینتای کِندا کِرده سر
اَتّا شو هِم دَئـیه اَتّـیِ وَر

لَس لَسِک بَینه بِـچا وِنه وَچون
خِش لوتِک زو عاروس هِم زخمِ زوون

اَی تیناری خِنه بَیّه وِنه یار
برمه واره بَئـیه مشتیِ کار

مَش نِناره اَتّا شو خو بَدیه
قَورِ سر اَتّا چو صِندِخ دَئـیه

فِردا اِفتاب ته بَزه بورده بازار
پِچکِ صِندِخ بَیته بیسّ پنجِ زار

مَله سر هر کی بَدیبو پِرسیه
ته چو صِندِخِ دِله چی دَچیه؟

گل مَمدجان هِم گِته پول و طلا
گنج قارون دَره و مِلک و مِلا

گل مَمِـدِ گپ مَله سَر دَپیته
وَچونِ چِشّه طمع سر بَئـیته

اَی ببا بَیّه عزیز و جانِ دل
اَی بَئـیه شه وچونِ تیرمه جل

خِش وه ره هرشو قَشو کِردا تیمار
عاروس هِم بَی بیِِه وِنه خَمیار

یک دِسالی اینتِری بَـئـیّه سر
ناخِشی بورده بِبایِ تَنِ وَر

ناخشی مشتی مَمد ره بَیّه چِر
مَلکِمیت هِم لینگِ شَـسّـه بزو گِر

مشتیِ چو بَیـّه تَن اَتّا گوشه
وَچون امّا دِنبالِ کِلی گوشه

صِندِخِ لَتّه بوشا گَتِ ریکا
رَسِد هاکِنه وِنه پول و طلا

هر چی هارشا طلا و پول ندیه
صِندخِ بِن اَتّا کاغذ دَئـیه

خِش بَزو تَپ نامه ره بَیته بوشا
بَوینه که زن پیِر چی اورد هِدا

بی عَقِل آدمِ اونجه بوره دار
که هِدائه وَچونِ دَس شه اوسار

وچونِ پیله اگر طلا دَچی
اَی ته قَورِ سر میزنّه اتا چی

#علی_اصغر_وهابی_شیدا

♡••࿐
🎙| @kolyek_nur
•┈┈••✾❀🕊🌼🕊❀✾••┈┈•

#طنز_تبری

"گِل مَـمِدجان"

گِل مَمِدجانِ زِنا مَش گــِل نِسا
مَله سَر وَنگ دانه وه ره مَش نِنا

ناخِشی بَیتا کَتِه بَیّا دِلا
ناخشِ تَن عاقِبت جان دَر هِدا

سِیِّم هفتِم هِدانا بَـئـیه چِل
بیصتا هاکِرده وَچونّه بِچا گِل

گِل مَمدجان بَئیه تَکّ و تینار
تیناری کِندا بَئیه وِنه یار

بی زِنا دِنیا وِنِسّه بَیّه تنگ
بخت و اقبال هِم وِنه پیش بِشته سنگ

مالدارِ بی دوُ بَئـیه گل مَمد
کورکَتین و چو بَئـیه گل مَمد

ناکه وَچون گیتِنه وِنه خَـوِر
نا وِشائه روزگار هِم وِنه گِر

جمع هاکرده شه وَچونّه اَتّا شو
بلکه تاریکِ خنه بَـئووِه سو

مِلک و میراثّه وَچونِ نوم بَزو
زمین و پول و طلا و چِل و چو

اَتّا شو اینتای کِندا کِرده سر
اَتّا شو هِم دَئـیه اَتّـیِ وَر

لَس لَسِک بَینه بِـچا وِنه وَچون
خِش لوتِک زو عاروس هِم زخمِ زوون

اَی تیناری خِنه بَیّه وِنه یار
برمه واره بَئـیه مشتیِ کار

مَش نِناره اَتّا شو خو بَدیه
قَورِ سر اَتّا چوصِندِخ دَئـیه

فِردا اِفتاب ته بَزه بورده بازار
پِچکِ صِندِخ بَیته بیسّ پنجِ زار

مَله سر هر کی بَدیبو پِرسیه
ته چوصِندِخِ دِله چی دَچیه ؟

گل مَمدجان هِم گِته پول و طلا
گنج قارون هَسّه و مِلک و مِلا

گل مَمِـدِ گپ مَله سَر دَپیته
وَچونِ چِشّه طمع سر بَئـیته

اَی ببا بَیّه عزیز و جانِ دل
اَی بَئـیه شه وچونِ تیرمه جل

خِش وه ره هرشو قَشو کِردا تیمار
عاروس هِم بَی بیِِه وِنه خَمیار

یک دِسالی اینتِری بَیـیه سر
ناخِشی بورده بِبایِ تَنِ وَر

ناخشی مشتی مَمد ره بَیّه چِر
مَلکِمیت هِم لینگِ شَـسّـه بزو گِر

مشتیِ چو بَیـّه تَن اَتّا گوشه
وَچون امّا دِنبالِ کِلی گوشه

صِندِخِ لَتّه بوشا گَتِ ریکا
رَسِد هاکِنه وِنه پول و طلا

هرچی هارشا طلا و پول ندیه
صِندخِ بِن اَتّا کاغذ دَئـیه

خِش بَزو تَپ نامه ره بَیته بوشا
بَوینه که زن پیِر چی اورد هِدا

بی عَقِل آدمِ اونجه بوره دار
که هِدائه وَچونِ دَس شه اوسار

وچونِ پیله اگر طلا دَچی
اَی ته قَورِ سر میزنّه اتا چی

✍ علی‌اصغر وهابی سوادکوهی
👇👇👇
🆔 @kolyek_nur