عشاق القصائد الحسينية

انا الوالده الفكدت الشبان..كلبي من الحزن مستعر نيران
&&&
انا الوالده والجبد ممرود..ادور عزى ابني وين موجود
حزني اعليه تعده كل الحدود..ظل حزنه اليه اليوم عنوان
&&&
انا الوالده الفكدت ابنها..ابدا مايوم يطبك ياجفنها
كل ساعه استمع انته لونها..لون كعدت تنوح ابين نسوان
&&&
انا الوالده وبكلبي وجعه..عل الراح مني وماكو رجعه
بعيوني بقت يايمه دمعه..تنوح عل الولد نوحت الخوان
&&&
انا الوالده المايوم ترتاح..يلفيه المسه بس بجي ونياح
تلطم عالصدر وتصفك عله الراح..وتعاين تشوف الكلب لهفان
&&&
انا الوالده الضحت للحسين..وقدمت هيه ابنها بخدمة الدين
تصيح بصوت احنه وي الميامين..نصير بحومته وهوه النه ربان
&&&
انا الوالده يالوعه عندي..من راح الولد انمرد جبدي
شكثر اصفن وايدي عل خدي..اعاين صورتك تملي الحيطان
&&&
انا الوالده وجمره بدليلي..من راح الولد هدالي حيلي
فاركني الجفن مانام ليلي..يظل بسمك ييمه جفني سهران
&&&
انا الوالده وشفت المنيه..ورحليك يالولد شو عم عليه
انوحن ساعه الك وي الزجيه..ودمعي بالمجالس الك نهران
&&&
انا الوالده الودعت ضناها..دمعه من الحزن هوه عمها
يوم الراح سلوتها وجفاها..بقت تنطر مجالس وين ماجان
&&&
انا الوالده الذبحوها مرتين..مره عل الحسن مره عله حسين
بس النوح تسمع منها وونين..بكل باب التدخله ادور احزان
&&&
انا الوالده بكل عصر دمعي..انوح عل الولد مره عل ظلعي
جثير من النسه صارت بوضعي..ام وفاكده ويااعز انسان
&&&
خادم اهل البيت
ابو علي السعيدي
#الادمونة
#خادمة آل محمد ص

ManbarHousayne1:
مو هاليوم ميِّت لا يبو احسين
روحك من گبل سِكْنَت لحِدها ..

أظنّك ياعلي ميِّت عله الباب
من شفت امي سطروها اعله خدها ..

يالعايش جسد ما بي نبض روح
ادفنت روحك يحيدر وي جسدها ..

او عليك الدنيا صارت سودة من يوم
بعيونك شفِت أسوَد عضدها ..

هات اعمامتك للذكرىٰ يابوي
ويّه اعباية الزهره أشدها ..

و اشمّن منها ريحتكم يلحباب
و أنوح لفگدك او مرّه لفگدها ..

يبويه ارتحت هسّه او آنه ظلّيت
او عجَب متگول زينب منهو عدها ..

يلمدلّل اِبنَـيْـتـك عگب هاليوم
عزيزتكم تره ظلّت وحدها ..
--

حيـاتي الـيـوم مـاكـو راحه بيها
او عليّه الدنيا ضاگت راحه بيها
يشيعه اليوم زينب .. راح ابـيْها
او عَـليها جدّد افراگ الزچيه ..

☆الشاعر الموفق الميرزا عادل أشكناني☆

#الادمونة خادمة آل محمد ص#

*خـدام الإمـام الحسـين(ع)*:
لحن♪
گوماً بنات النبي ..

صوت الدمع والحزن
دگ عله باب الجفن
ايتام تصرخ علي
وبالحسره گامت تون
سالت دموع اليتامه .. تگطر جمر عالوجن
تنزل تردد حسافه .. اهات صوت الحزن
تندب علي وي دمعها .. واحد لواحد تون
تذكر دلاله عليها .. لكل همسه منه تحن
متن عله متن انتجو
راح الابو لو حجو
بدموع تغلي غلي
لجفوفه كامت تحن
بلا ابو باجر تعاين .. نضرت عتب بيها حيره
بالعتب وي المدامع .. للسمه بنضره كسيره
يا الاهي وي دعاها .. اطفال وبگلمه جبيره
حصره يدعوله بسلامه .. الجار ياربي تجيره
تنضر بعين السمه
جن نزف منها الدمه
نيران شبت الي
بالغضب ما تستكن
زينب اجت لليتامه .. تمسح الروس بألم
وتكلهم وي المصيبه .. دلالي والله انهدم
مسحو عله راسي تكلهم .. صوبني نفس السهم
صوب دليلي ودليلك .. لاجن بگلبي حكم
سهم الفگد بلگلب
سار بطريق المحب
من بيتي ما خذ هلي
خربه اظل ما انسكن
يا بويه انت العمر .. لا تبتعد يا علي
فاض الالم بالجرح .. والدنيا فاضت الي
بعدك يتامه بقت .. أبلا عمر يالولي
تندب هموم الدهر .. واهات ما تنجلي
اهات صار العمر
كل لحضه منه تمر
يالم فكد الولي
العقل منه يجن
...
هسه احنه صرنه يتامه .. من طبرو بهامتك
من سال منها الدمه .. من غمضت نضرتك
متنه بسجود بصلاتك .. من كبرت سجدتك
يا علي الماً عفتنه .. ظلينه ابغيبتك
ارواح وبلا جسد
الموت عدنه شهد
الدنيه من تنجلي
للموت بعدك نحن
حيدر عيسى البديري✍
مجموعـة خـدام الامـام الحسـين ( ع)
رقم 1⃣قسم الاخوان 🏴
#الادمونة خادمة آل محمد ص#

لو لسانك ينشف بجهد الصيام
و الشمس نيرانها قرب الوتين
بس ثواني إذكر بيوم الطفوف
عطش إلي صاب مولانا الحُسين ♡

السلام عليك ياابا عبدالله♡
صباحكم حسيني
#الادمونة خادمة آل محمد ص#

*خـدام الإمـام الحسـين(ع)*:
# رأس الامام علي يخاطب رأس الامام الحسين
«« علیهم السلام »»
آنه طبروني الفجر بين السّجِدْتين
و انت حزّوك العصر يا راس الحسين
و الجسم فوگ الوطية
ما مثل يومك رزية
<> يا هظيمة <>
• • • • • • • • • • • •
آنه راس المنطبر گبل الفرض
و انت راس المنگطع منّ البغض
بس فرق لمّن هوينه اعلى الارض
آنه محّد ظل على اظلوعي يرض
***********
آنه فوگ من الرمح محّد رفعني
و لا إجوني و فرهدَوا جدّامي ظعني
و لا خيول الأعوجية
ما مثل يومك رزية
<> يا هظيمة <>
• • • • • • • • • • • • •
من طحت جسمي الگرايب غسّلوه
للگبر تالي ابجمعهم شـيّـعـوه
و انت جسمك من بعد ذبحك اجوه
وصلة وصلة گطّعوه و سلّبوه
***********
آنه محّد بالحجر طگني ابجبيني
و لا بعد حرگ الخيم شافتّه عيني
و لا شفت زينب سبية
ما مثل يومك رزية
<> يا هظيمة <

• • • • • • • • • • • • •
أرْد اسئلنّك سؤال ابذهنـي مَرْ
ليش خدك للحوافر بي أثر ؟
ليش حدر اعيونك اتبدّل خضر ؟
ليش من فيض الدمه حلگك حمر ؟
***********
صح طبرتي الهَدّت اركان الديانة
شفتي بس محّد ضربها ابخيزرانة
و لا شمر يرفس عليّه
ما مثل يومك رزية
<> يا هظيمة <>
• • • • • • • • • • • • • •
وجهك اشگد يشبه اُمك فاطمة ؟
عينك اليمنة عجيب اموَرّمـة !!!
هذا يا چف الّي خدك لاطمة ؟
حتى گالب عينك ابلون الدمه
***********
آنه بفراش النبي ليلة مبيتي
ماهو بالتنور و ارماده ابلحيتـي
يا ثمر گلب الزچیة
ما مثل يومك رزية
<> يا هظيمة <>
• • • • • • • • • • • •
فاجعة يومك تظلّ ابلا مثيل
منها شابت زينب و شاب العليل
شافوا اشلون الشمر عمداً يشيل
رمحه ، و ايلاعب سهم عين الكفيل
***********
زينب اختك حايرة و ضايع أملها
اتنوح الك ؟ لو لا تنوح اعْلى كفلها ؟
حَيّرَتها الغاضرية
ما مثل يومك رزيه

<> يا هظيمة <>
• • • • • • • • • • • • •
انت رافگت الحرم طول السبي
عَ الرمح مٍتْعَـلّي فوگ و تصطبي
شفت شمسويه السياط اويا العِبي
و يزمخ ابوجه الرباب الأجنبي

***********
بالخرايب تالي بيتوها السباية
كل ثلاثة ايباتن اليل ابعباية
شاهدت دگّوْا رقية
ما مثل يومك رزية
<> يا هظيمة <>
• • • • • • • • • • • • • • • •
# هادي - الزينبي
# ايران - الاهواز
١٦ / رمضان / ١٤٣٦ - هـ . ق
قناة وكروب تلحين الرادود أحمد البصراوي
رابط القناة.🎤قصائد حسينيه مكتوبه🎤 @hhmed201110
الادمن الرادود احمد البصراوي @Ahmed2100
#الادمونة خادمة آل محمد ص#

🔱شهر الله شهر الطبرة يا علي🔱

يا حيدر دخيلك يا علي
ما عدنا من بعدك ولي
بسمك همومي تنجلي
يا علي

شهر الله قادم وانه حضرت الحزن
انتظره بس الدمع ذوبلي الجفن
شوف اليتامى بغيبتك تقعد تون
ما تخلص بغيبة ولينا هالمحن

كتاب الله الحكيم
صراطه المستقيم
عدنا هموم وانت بالشيعة عليم

لابن الحسن عتاب
من اتذكر المصاب
بعدك سبوها زينب ابين الاجناب

يا حيدر دخيلك يا علي
ما عدنا من بعدك ولي
بسمك همومي تنجلي
يا علي

بصيامي أذكر إبنج القضى عطشان
واتخايله بحر الشمس على التربان
مقطوع نحره مسلبينه هالعدوان
بغضا" بإسمك يا الناطق القرآن

جم طبرة جم جرح
جم راس على الرمح
من بعدك حسينك يا حيدر ينذبح
تندهلك بقهر
كل ليلة للفجر
تهتف دخيلك يا علي ام الخدر


يا حيدر دخيلك يا علي
ما عدنا من بعدك ولي
بسمك همومي تنجلي
يا علي


✍🏻ندى الحُـسَـيني
#الادمونة خادمة آل محمد ص#ّ

*خـدام الإمـام الحسـين(ع)*:
يا بوصالح... هذا يوم الجمــــعه إجينـــــه
يا بوصالح... بالدعـــــا نرفـــع إيدينـــه
يا بوصالح... يمتــه يالغـــايب تجينــــه
يا بوصالح... كل مُحب زايـد حنينــــــه
يا بوصالح... يـنحب اوتســمع ونينـــــه
يا بوصالح... طــــالـت الغيبـه علينــــه
يا بوصالح... واللـي زيَّـد لــي نحيبــــي
يا بوصالح... اتزعِّـــلك أدري ذنـــــوبي
يا بوصالح... التوبــه سامحنـي حبيبـــي
يا بو صالح... هالمحب ذايب دليلة
يا بو صالح... ينحب ودمعة يسيلة
يا بو صالح... يدعي من الله تجيلة

الشيخ احمد الدر العاملي✍

#الادمونة
خادمة آل محمد ص#

عباس حرگو خيامي
عالجمر ركضت ايتامي
كلبي مايحمل مصاب..جدامي غطاه التراب
عباس حركو خيامي

عباس..خيل هدت خويه واحترگت خيم
عباس..ركضت عله النار اطفال وحرم
عباس..ادور بهل هيمه ايتام وألم
عباس شلون ترضاها احشم بالزلم
يابو فاضل يارجاي..بعدك اندور فياي
الهيمه بس نار وسراب
جدامي غطاه التراب
عباس حركو خيامي

ناديت..وانت ماتسمع يكافل صيحتي
ناديت..خويه وينك خيل داست خيامي
ناديت..وسفه حافر فرس فوگ عبايتي
ناديت..وآنه اشاگف بالسياط بيمنتي
والخدر مني خذوه..ومحمل اختك سلبوه
وآنه مو حمل العذاب
جدامي غطاه التراب
عباس حركو خيامي

ياحيف ..عمري خمسين واراكض بالفله
ياحيف..بثوبي شفت النار وآنه البسمله
ياحيف..لو صحت عباس يضحك حرمله
ياحيف.. باجر عله النوگ امشي بسلسله
وسفه خاتمت العمر..ناگه وحبال ويسر
وانته ماتسمع جواب
جدامي غطاه التراب
عباس حركو خيامي

عالنوگ..آنه والايتام يحدينا الشمر
عالنوگ..خويه درب الشام رايدله صبر
عالنوگ..شلون لو جن ليل وآنه بلا خدر
عالنوگ..ريت ميته وياك وارضه بلا گبر
وابقه يمك بالفله..وماافارك كربله
ومن دمه متوني الخضاب
جدامي غطاه التراب
عباس حركو خيامي

بهالليل..وني مايهدا واسولف بالخيام
بهالليل..راسك عله الگاع يبعثلي سلام
بهالليل..گلي يمته ارتاح وعيوني تنام
بهالليل..وانت دمك روت من عنده السهام
نابت براسك رمح..وآنه بمتوني جرح
من المصايب راسي شاب
جدامي غطاه التراب
عباس حركو خيامي



الشاعر: سيد علي طعمة البطاط✍
#الادمونة خادمة آل محمد ص#

🕊🕊🕊🕊



👈🏻مهما كنت حزيناً 😪
لن يضيق بك الكون مآ دمت تعبد رباً
قآل فـي كتابه.👉🏻

☝🏻( وَرَحْمَتِي وَسِعت كُلَّ شَيْءٍ )لتعجيل الفرج ودفع البلاء وكشف الهموم وشفاء المرضى والجرحى ولقضاءكل حاجة ولروح كل من مات على الإيمان ولنيل الذرية رحم الله من شاركنا قرأة يا ارحم الراحمين 🍃وماجورين🍃



🕊مسائكم سعاده🕊



🕊🕊🕊🕊



#الادمونة-عطـــــــــــــــرالورد