کانال رسمی کالیکلا لفور

#شعر_محلی

بنومِ اون خدا دنیا ره دارنه
اِسپه آ سیوجا وفا ره دارنه

اگر درده دِنه درمونّه دنه
دردِ بی درمونِ دوا ره دارنه

آسمونْ سَربِجار هسّه اَمه سر
چِتی بی ستونه شه جا ره درانه

اَتا بَنّه کیله ره سخت هسّه داریم
بَوین بی بَنّا بَس دریا ره دارنه

هوا سرده همه شالا کلامی
زمسونْ لخته تن صَرا ره دارنه

اَتا پِر شه وَچه ره چونّه کیه
همه ی آدمِ اِنّا ره دارنه

شه اَتا بِبا ره بَتومی داریم
تَناری این همه بِبا ره دارنه

هر کس که در شونه شه خنه ی جا
اول که در شونه خدا ره دارنه

✍ #غلام_محمودی

💠 @kalikolaiha 💯

#شعر_محلی

#گالش_وچه

گالِشِ وَچومه شِه خو رِه دارمه
گِذرِ مازْرون و شِه کو رِه دارمه

تِلمِّه پَر دِمه خومّه شِه گو ره
پِر اِرث و پیشه شِه گو رِه دارمه

صِوایی رِه نماشون کِمِّه صَحرا
اَمیر و طالِبای بو رِه دارمه

سَحَر من و گو آ روجا دیاری
گوی مَشته کالِه ی شو رِه دارمه

پَئیز و بهارِ گَرمِ تابِستون
تِلمِ قِرمِش و سَر تو رِه دارمه

دِلِ عاشق دارمه طالبِ سینه
دلِ دِلتنگیه پِه کو رِه دارمه

نِگارِ نازَنین پیرَن کو دَری
تِسِّه کَکی بومه کوکو رِه دارمه

بهارّه سَر کِمِّه یادِ زِمِسّون
مولِک و وَر تِلِمِ سو رِه دارمه

نِواجِش کِمِّه شِه گویِ گوخاسه
خِدا بَرکِت هاده آبرو رِه دارمه

نِویسِمه شِعر و مِن کِمِّه بِرمه
یادِ پِر و چِشِ بِچوره رِه دارمه

✍ #غلام_محمودی


❇️ @kalikolaiha💯

#شعر_محلی

گالِشِ وَچومه دِلوَر مِنِمه
مُعجزِ شعرِ جا خو کَر مِنِمه

مِرِه صَرایِ گُل جا سَرِ کارِ
میونِ همه گُلْ گُلپَر مِنِمه

ته دِلّه غمْ بَیره غَمْ چارِه دارمه
به غَمْ که رَسِمه شورکَر مِنِمه

دِرِسّه گوءِ شاخْ جا بازی کِمّه
هر جا شاخ به شاخه داوَر مِنِمه

خَلِه سودا زیانْ مِرْ حالی نَنِه
تِلِمّه پَر دِمِه زرگِر مِنِمه

هائیزْ بائیزْ کِمّه کَلِزْجا شیرّه
مِن اَتا شیر فروش ساغر مِنِمه

مَگِر شهری چِچی دارنِه نِدارمه
صاحِبِ اَسبا گو قاطِر مِنِمه

چِکار دارمِه بالا بالا چی گِنّه
خاکِ مازْرونِسّه دِلوَر مِنِمه

✍ #غلام_محمودی


📸 #ابوذر_عبدی

#واژه‌ها👇

کلز : ظرف چوبی با حجم حدود دو لیتر

شورکَر : پوست نرم درخت نمدار برای شستن ظرف

هائیز بائیز : جابه‌جا کردن

📡 @kalikolaiha💯❤️