دل خروار به خروار غم هنیشته
اسری بمو مه چش دم هنیشته
مه تنگ دل کوتر پر بزوئه
بورده هلال ماه ر سر بزوئه
ته غم خوامبه چش جا خون ببارم
کلو کلو دل ارمون ببارم
بوم او(آ) کلاک اسری بشندم
ته قد اسیر خاک اسری بشندم
ته سارق دچی رختا من بمیرم
ندی دنیای بختا من بمیرم
هرشو برمه گلی تسه خو شومبه
ته لباس پلی تسه خو شومبه
بعد ته پاپلیه بال بسوته
منه پر هایتنه اقبال بسوته
بخته چلچلا در برو بریم
خوامبه بوینم ته گل دیم
برو درد دارمبه درمون ندارمه
اتا دم بوینم ارمون ندارمه
چه بوردی
جان دل
دری کمین منزل
مه دل بی ته گلی گلی بموندس
مه سر بی ته سر زندی بموندس
کمین سبزه ته گل رو ر دارنه
کمین ویشه ته بک و بو ر دارنه
ته آسمون وارش یاد بدایی
لله وا ر نواجش یاد بدایی
بهار گل رنگ
رفق روز تنگ
کجه بوردی منه دل قد ندارنه
مه دل ته دوری طاقت ندارنه
غم غرصه تنه خشک چو کنده
غرصه غرصه غرصه تن او کنده
مرد بیستا بیستا برمه کشنه
مرد جون مرگ برمه کشنه
هرچی بارم ته داغ توم نوونه
ته نوم دنیای دل جا گوم نوکنده!
#اکبر_عمو_جان#روحت_شاد_و_یادت_گرامی😔🖤🕯 @kalikolaiha🕯
