حالي... بيش اوصفه روحي... كلها لهفه عيني.. حاشه تغفه.. ياعذابي ---------------------------------- اني الجبت عمري كظم.. مالايك عليه الهظم.. صبري كسر حتى العظم... ونفطر دلالي سيد وبن بيت الكرم.. بس الوكت بيه ظلم.. تامرني ياوسفه الخدم.. هذا واقع حالي سجاني ظالم.. وعليه ناقم.. يمشي بأمر حاكمه بس عيني تدمع.. كل ساعه اسمع.. بذني يسب فاطمه تبچي... دم جروحي تحچي.. سكته روحي بصمتي.. يعله نوحي... ياعذابي ------------------------------------ بعيوني ليلي مايجن.. نتسامر انه وي الحزن... يوميه من سجن السجن... من لئيم الحاقد انه العجيد بلاربع.. ودلالي تارسها الدمع... احجي لچن ماانسمع... والسمعني يعاند موتي بقيودي... احيا بسجودي.. من اسجد الگه الامل قسوة عذابي.. تفتحلي بابي.. مااخلص الا ابأجل صارت.. امنياتي اخلص... من حياتي موتي.. سر نجاتي... ياعذابي ----------------------------------- من سبه ماشفت الضوه.. من هظمي احس عودي التوه... ياناس بالسجن الهوه...منه شيب راسي كل ساعه وعليه يشح.. وبريتي يذبح لويصح.. چن ملح ويمر عالجرح.. ..من اجر انفاسي كل ساعه لنها.. تموت اعله ونها.. روحي وتعوف الجسد بس گلبي ينبض.. والموته يرفض... ويگلي بعده الاجل صابر... عالزريه كاظم..كل اذيه جرحي.. غاضريه... ياعذابي --------------------------------- وكت المسه جروحي تفز.. والمغرب بنحري يحز.. كل صاحب عليه يعز.. وافتقد كل غالي من يطفح الشوگ لهلي... حنيه واشواگ امتلي... القاسم يجي بعيني وعلي.. معصومه تبچي اگبالي عشت بذكرهم.. عيني وصورهم.. ترسم مسيل الدمع بسجن الاعادي.. واسمع منادي.. ماضن يرد الجمع باقي.. بس اثرهم بالي... يم ذكرهم نوحي.. من قهرهم.. ياعذابي ------------------------------------ روحي تهيم بقافله... من الكاظميه الكربله.. وانظر عليل وسلسله.... وقيد يشبه قيدي نار بمخيم تشتعل.. گدامي تتراكض هزل.. وسمع مره اتنادي بطفل... ياهو شاف اوليدي تمر بخيالي.. عشره اليالي.. اصعبها ليل اهدعش ونظر كتابي... يتاني اعله بابي... ومن سجني يطلع نعش شايل.. نعشي خصمي ينادي.. بذله بسمي سافك.. بيده دمي... ياعذابي جواد كاظم الگرعاوي