Writings.

-- ممكن تلعب في شعري شوية لحد ما انام
- عنيا يا روحي ، ها احكيلي عملتي ايه النهاردة

--مفيش يا سيدي ماما كلمتني بتقولي انتي ازاي متسلميش علي خطيبة اخوكي لما شوفتيها ف السوق ، قولتلها والله ياماما انتي عارفه انها مش بتنزلي من زور وبعدين كفاية اللي عملته ف خطوبة خديجة..

- صح عندك حق فعلاً وبعدين

-بس وشدينا مع بعض وقفلنا ، المهم سيبك و قولي ايه رايك في الاوت فت النهاردة مش بزمتك انت متجوز مزه ، انا مش عارفه انت كنت هتاخد ايه ف حياتك احلى مني ، يالا بوس ايدك وش وضهر..

- لا ولله ده غرور ده بقى؟

-- طبعاً يابني ، عارف مايهداليش بال الا لو نكشتك كده وخرجت اسوء ما فيك ، بس انا متاكده اني عندك غير وانك بتموت ف دباديبي زي ما حماتي القمر بتقول ..ابقى فكرني يا أحمد اسأل ماما يعني ايه دباديبي دي ..

- حاضر حاضر هفكرك

وابقى فكرني برضه ابوسك علي عينك وعلي ايدك اول ما اصحى ، وابوسك علي ودانك عشان مبتبطلش تسمعني.

ابقى فكرني كل شوية انك بتحبني وهتفضل تحبني ، انا محتاجة اطمن دايما ..وحبني يا أحمد على طول وخلي ايدك على شعري لحد ما اروح فـ النوم ، يالا تصبح على خير ♥️

‏عاش كما يُحب ومات كما تمنى 💔🇵🇸