دائرتك المُقرّبة خليها لمن لا شرّ منهم، خليها للأشخاص اللي تأمَن أنهم ما يفجرو ف الخصومة، الاشخاص اللي رده فعلهم متڪونش مبالغ فيها لاي خطأ وقع منك مهما ڪان، خليها لـِ اللي يمتلڪو مخزون أخلاقي يمنعهم من انهم يؤذوك ساعة الاختلاف.
لما تمتَلِك القُدرة على فِعل الخير افعَل، ولما ربي يحط ف يدك عطاءً ينفع غيرك ما تبخلش، ولما يڪون ف امڪانك تضيء طريق، تشيد بُنيان، تبني روح، تحول عثرة، تبذل اي نوع من الإحسان؛ افعله، ڪن مُبادِر وماتجفلش، وتذڪر أن ڪل شيء يفنَى إلا الفِعل النبيل، والأثر الجميل، حتى لو نسوه الناس مينساش الله
هذا مش غرور، لڪن مع الأيام ح تعرف أن فيه أماڪن أنت أڪبر من أنك تتواجد بيها بڪاملك، وأن فيه أشخاص أنت هلبا عليهم، مرات يستحقو ربعك، نصفك، ومرات حتى يد وحده بس منك او جزء بسيط جدا من اهتمامك.. أما ڪلك فأنت هلبااا عليهم.
اوقات الضغوطات والتراكمات تحولك لِشخص باهت ، مش قادر يتمسك بأي حاجة حتى لو كانت يحبها ، ماعندكش نيه تبرر او تتناقش مع حد وتتحول لحد مش لاقي من يفهمه أو يحس بكمية الضغوطات اللي انت عايشها وفي الأخر حينضرولك انك تغيرت ، فَـ أعتمد على نفسك وحافظ عليها .
"مش ڪل الانجازات تنشاف!" مرات الانجاز يڪون في انك تصحى من النوم و تحارب شعور يقتلك، ومرات يڪون الانجاز في انك تجري وراء حاجات محدش يؤمن بها غيرك، او يڪون في انك تستمر في المحاولة في الوقت اللي يتوسل فيه عقلك انك توقف، ومرات حتى يڪون في انك ترسم الابتسامة و البهجة على وجهك في الوقت اللي يتألم فيه قلبك... مش ڪل الانجازات يشوفوها الناس و يقدروها لڪن هذا ما يقللش ابدا من ڪونها انجازات عظيمة.
