#Study_Skills 👩🏻‍🎓📚 (عندي فحص عملي وتسميع قرآن وكتاب بدي خلصه، وبدي ساعد ماما وجيب شنتة جديدة وو ... يوووه، خلص بلاهن، رايحة نام 🚶🏻‍♀️) هدا السيناريو بيتكرر مع معظمنا يومياً ! كتير مشاغل وكتير مهمّات بدك تخلصها بس مو عرفان من وين تبدا أصلاً 🤷🏻‍♀️ والحل؟؟ جزء من الحل يكمن باستخدام أداة بسيطة جداً لكنها فعّالة جداً جداً وهي مصفوفة أيزنهاور = مصفوفة الأولويات 🤩🔥🥁 إلى التطبيق مباشرةً يا أصدقاء 🏃🏻‍♀️ 1️⃣ جيب ورقة وفرّغ عليها كلّ المهمّات يلي عليك، من الأكثر أهمية إلى أتفه نشاط شاغل بالك. 2️⃣ جيب ورقة تانية وارسم عليها الشكل يلي بالصورة تحت 👇🏻 ويلي من خلاله رح نقسّم المهامّ إلى أربعة فئات: • مهمّ - عاجل • مهمّ - غير عاجل • غير مهمّ - عاجل • غير مهمّ - غير عاجل 3️⃣ نظّم المهامّ السابقة بالمربّعات فمثلاً : عندك امتحان غداً | ديدلاين مع عميل >> مهمّ - عاجل امتحان بعد 10 أيام | حفظ القرآن | تعلم مهارة بتخصّ عملك | (بوست لإشراقة أبو تحضير ساعتين تلاتة 🤣) >> مهمّ - غير عاجل الردّ على رسائل واتساب | الخروج للتنزّه مع الأصدقاء | جلي الأطباق >> غير مهمّ - عاجل قراءة رواية | مشاهدة فلم جديد | الوصول لمرحلة متقدمة في لعبة ببجي | مشاهدة آخر أخبار الفنانين واليوتوبرز >> غير مهمّ - غير عاجل 4️⃣ كيفيّة التصرف مع كل مربّع: • غير عاجل - غير مهمّ : ببساطة Delete it 🙅🏻‍♀️ أو أجله ليوم العطلة .. يعني من الآخر شيل حمله من على ضهرك ولا تشغل نفسك فيه، لانه غير مهمّ، وغير عاجل كمان ! • عاجل - غير مهمّ : في حال بتقدر تلغيه ألغيه كمان، وإلا اعمله بأسرع وقت ممكن واخلص منه. • عاجل - مهمّ : هون بتلاقي المهمّات يلي بدك تبلش فيها، ويلي كنت قبل ٥ دقايق بس مضيّعها وعاجز عن تحديدها 💁🏻‍♀️ • غير عاجل - مهمّ : لما تدوّر عالمهمّات يلي بتطورك على المدى البعيد وبتجعل منك إنسان ناجح ومتميّز رح تلاقيها هون 😉 لهيك هي المهمات لا تضلك تأجلها لتصير عاجلة، وإنما حدّد لها أوقات منتظمة تمارسها وتحافظ على توازن حياتك. تعقيبات كتيرة على هي المصفوفة رح نوافيكم فيها بالأيام القادمة بإذن الله، المهمّ هلأ انكم تعلمتوا أداة جديدة وبسيطة ل "تبلشوا" ولو بخطوة وحدة ! اكتبولنا أي شي بيخطرلكم بخصوص المصفوفة بالتعليقات، وانتظرونا في ما هو قادم ^^ بالتوفيق لكم يا أصدقاء 🤩🤲🏻 #إشراقة ~ @Ishraaqaa